Անդրանիկ Մատիկոզյան
Անդրանիկ Վազգենի Մատիկոզյան (հունիսի 3, 1979, Երևան, Հայկական ԽՍՀ, ԽՍՀՄ), հայ շախմատիստ, միջազգային վարպետ (1999), մարզիչ։ 2000 թվականից բնակվում է ԱՄՆ-ում, սակայն շարունակում է ներկայացնել Հայաստանի շախմատի ֆեդերացիան։
Անդրանիկ Վազգենի Մատիկոզյան | |
---|---|
Պետություն(ներ) | Հայաստան |
Ծննդյան ամսաթիվ | հունիսի 3, 1979 (44 տարեկան) |
Ծննդավայր | Երևան |
Կոչում | Միջազգային վարպետ (1999) |
Առավելագույն վարկանիշ | 2527 (հուլիս, 2005) |
Ներկայիս վարկանիշ | 2366 |
ՖԻԴԵ համար | 13300440 |
365chess | Andranik_Matikozian |
Chesstempo համար | 132760 |
ICCF համար | 132760 |
Մասնակցել է | Շախմատային օլիմպիադա 1996[1] |
Կենսագրություն խմբագրել
Անդրանիկ Մատիկոզյանն իր առաջին քայլերն արել է Երևանի շախմատի դպրոցում, որտեղ արագ հասել է հաջողությունների։ Առաջին էական նվաճումը եղել է 1989 թ., երբ դարձել է մինչև 10 տարեկանների ԽՍՀՄ չեմպիոն։ Հետագա տարիներին նա բավականաչափ հաջող հանդես է եկել համաշխարհային և եվրոպական պատանեկան տարբեր մրցաշարերում։ Ամենամեծ նվաճումը եղել է 1995 թ., երբ Լեհաստանի Ժագան քաղաքում կայացած Եվրոպայի պատանեկան առաջնությունում նա նվաճեց արծաթե մեդալ։ Այդ հաջողության շնորհիվ նա ընդգրկվեց Հայաստանի 3-րդ հավաքականի կազմում և մասնակցեց Երևանում կայացած համաշխարհային 32-րդ օլիմպիադային։ Լինելով առաջին պահեստային խաղացողը` նա անցկացրեց է 6 պարտիա, որոնցում վաստակեց 3½ միավոր (3 հաղթանակ, 1 ոչ-ոքի և 2 պարտություն)[2]։
Միջազգային վարպետի կոչումը ստացել է 1999-ին, երբ Հայաստանի առաջնությունում խիստ մրցակցության պայմաններում երրորդ անգամ լրացրեց վարպետի նորման։
2000-ին մշտական բնակության է տեղափոխվել Ամերիկայի Միացյալ Նահանգներ, որտեղ գրոսմայստերական նորմաներով մրցաշարերի սակավաթիվ լինելու պատճառով չի կարողանում երրորդ անգամ լրացնել գրոսմայստերի նորման և արժանանալ այդ տիտղոսին (երկու նորմա նա արդեն լրացրել է)։
ԱՄՆ-ում Մատիկոզյանը սկսել է զբաղվել մարզչական գործունեությամբ, սակայն գործնական շախմատը չի թողել և շարունակում է մասնակցել մրցաշարերի։ Նա երկու անգամ դարձել է ամերիկյան բաց մրցաշարերի հաղթող, երեք անգամ Հարավային Կալիֆոռնիայի չեմպիոն և առաջին տեղն է բաժանել 2004 թ. ԱՄՆ-ի բաց առաջնությունում, որտեղ նրա մրցակիցներից էր ներկայումս աշխարհի ուժեղագույն շախմատիստներից մեկը՝ Հիկարու Նակամուրան, որին Անդրանիկը բարդ մարտավարական պայքարում հաղթել է։
Անդրանիկ Մատիկոզյանն աշխատում է Ամերիկայի շախմատային ակադեմիայում։ Նա սկզբնախաղերի և վերջնախաղերի տեսական խոր գիտելիքներով մարզիչ է։ Նա հաջողությամբ համատեղում է խորհրդային շախմատային դպրոցի լավագույն մեթոդները և այսօրվա տվյալների հսկայական շտեմարանը։ Նրա լավագույն աշակերտներից է ամերիկահայ պատանի շախմատիստ Սամվել Սևյանը, որը 8 տարեկան և 2 ամսական հասակում հասել է ԱՄՆ-ի վարպետի մակարդակին՝ դառնալով այդ կոչմանն արժանացած ամենապատանի շախմատիստը։ 2012 թվականին Սամվելը Սլովենիայի Մարիբոր քաղաքում դարձել է մինչև 12 տարեկանների աշխարհի չեմպիոն[3]։
Բացի ակադեմիայում դասավանդելուց, նա նաև անցկացնում է խմբակային պարապմունքներ, ինչպես նաև Լոս Անջելեսում և ամբողջ Կալիֆոռնիայում կազմակերպում է մեծ ժողովրդականություն վայելող շախմատային ճամբարներ[4]։
Վարկանիշի փոփոխության գրաֆիկ խմբագրել
Տարի | Հնվ | Փտր | Մրտ | Ապր | Մայ | Հուն | Հուլ | Օգս | Սեպ | Հոկ | Նոյ | Դեկտ | Տարվա լավագույն |
Տարվա վատագույն |
---|---|---|---|---|---|---|---|---|---|---|---|---|---|---|
1995 | 2300 | 2300 | 2300 | 2300 | ||||||||||
1996 | 2295 | 2300 | 2300 | 2295 | ||||||||||
1997 | 2305 | 2290 | 2305 | 2290 | ||||||||||
1998 | 2320 | 2350 | 2350 | 2320 | ||||||||||
1999 | 2391 | 2427 | 2427 | 2391 | ||||||||||
2000 | 2392 | 2391 | 2382 | 2392 | 2382 | |||||||||
2001 | 2401 | 2401 | 2406 | 2426 | 2426 | 2401 | ||||||||
2002 | 2426 | 2421 | 2417 | 2420 | 2426 | 2417 | ||||||||
2003 | 2427 | 2424 | 2430 | 2450 | 2450 | 2424 | ||||||||
2004 | 2466 | 2467 | 2470 | 2479 | 2479 | 2466 | ||||||||
2005 | 2496 | 2515 | 2527 | 2486 | 2527 | 2486 | ||||||||
2006 | 2485 | 2463 | 2461 | 2468 | 2485 | 2461 | ||||||||
2007 | 2463 | 2469 | 2474 | 2480 | 2480 | 2463 | ||||||||
2008 | 2464 | 2465 | 2470 | 2462 | 2470 | 2462 | ||||||||
2009 | 2452 | 2470 | 2478 | 2470 | 2480 | 2480 | 2452 | |||||||
2010 | 2480 | 2485 | 2494 | 2478 | 2474 | 2474 | 2494 | 2474 | ||||||
2011 | 2476 | 2476 | 2458 | 2451 | 2464 | 2457 | 2476 | 2451 | ||||||
2012 | 2414 | 2409 | 2411 | 2407 | 2400 | 2411 | 2411 | 2426 | 2426 | 2426 | 2400 | |||
2013 | 2424 | 2429 | 2429 | 2441 | 2441 | 2459 | 2470 | 2475 | 2461 | 2461 | 2464 | 2464 | 2475 | 2424 |
2014 | 2458 | 2458 | 2458 | 2455 | 2455 | 2455 | 2455 | 2447 | 2447 | 2447 | 2447 | 2439 | 2458 | 2439 |
2015 | 2439 | 2427 | 2427 | 2427 | 2427 | 2427 | 2427 | 2427 | 2427 | 2427 | 2427 | 2427 | 2439 | 2427 |
2016 | 2424 | 2413 | 2413 | 2413 | 2413 | 2413 | 2413 | 2413 | 2413 | 2404 | 2404 | 2404 | 2424 | 2404 |
2017 | 2410 | 2417 | 2417 | 2417 | 2417 | 2417 | 2417 | 2417 | 2417 | 2417 | 2417 | 2418 | 2418 | 2410 |
2018 | 2418 | 2407 | 2407 | 2407 | 2407 | 2407 | 2407 | 2407 | 2407 | 2407 | 2407 | 2407 | 2418 | 2407 |
2019 | 2407 | 2407 | 2407 | 2407 | 2407 | 2407 | 2407 | 2392 | 2392 | 2392 | 2384 | 2371 | 2407 | 2371 |
2020 | 2380 | 2363 | 2370 | 2370 | 2370 | 2370 | 2370 | 2370 | 2370 | 2370 | 2370 | 2370 | 2380 | 2363 |
2021 | 2370 | 2370 | 2370 | 2370 | 2370 | |||||||||
2023 | 2369 | 2366 | 2369 | 2366 |
Ծանոթագրություններ խմբագրել
- ↑ OlimpBase
- ↑ Հայաստան-3-ը 32-րդ օլիմպիադայում
- ↑ «ՇԱԽՄԱՏԻ ՆՈՐԱՀԱՅՏ ԱՍՏՂԸ՝ ՍԱՄՎԵԼ ՍԵՎՅԱՆ». Արխիվացված է օրիգինալից 2013 թ․ նոյեմբերի 24-ին. Վերցված է 2014 թ․ մայիսի 4-ին.
- ↑ «Անդրանիկ Մատիկոզյանի կենսագրությունը Ամերիկայի շախմատային ակադեմիայի կայքում». Արխիվացված է օրիգինալից 2014 թ․ օգոստոսի 11-ին. Վերցված է 2014 թ․ ապրիլի 17-ին.
- ↑ Էլոյի վարկանիշը ՖԻԴԵ ցանկերից։ Աղբյուրներ՝ fide.com, benoni.de, olimpbase.org
- ↑ Տեխնիկական խնդիրների պատճառով աղյուսակը ժամանակավորապես չի աշխատում։