Անդրանիկ Գամջյան
Անդրանիկ Հակոբի Գամջյան (սեպտեմբերի 12, 1937, Երևան, Հայկական ԽՍՀ, ԽՍՀՄ - դեկտեմբերի 22, 2003, Գյումրի, Հայաստան), հայ ռեժիսոր, Հայաստանի վաստակավոր արտիստ (1990)։
 | |
|---|---|
| Ծնվել է | սեպտեմբերի 12, 1937 |
| Ծննդավայր | Երևան, Հայկական ԽՍՀ, ԽՍՀՄ |
| Մահացել է | դեկտեմբերի 22, 2003 (66 տարեկան) |
| Մահվան վայր | Գյումրի, Հայաստան |
| Կրթություն | Երևանի պետական գեղարվեստա-թատերական ինստիտուտ |
| Քաղաքացիություն |  Հայաստան |
| Մասնագիտացում | ռեժիսոր |
| Պարգևներ | Հայաստանի վաստակավոր արտիստ (1990) |
Կենսագրություն
խմբագրել1965 թվականին ավարտել է Երևանի գեղարվեստա-թատերական ինստիտուտը։ 1965-1968 թվականներին եղել է Ստեփանակերտի դրամատիկական թատրոնի ռեժիսոր, 1988-1992 թվականներին՝ գլխավոր ռեժիսոր, 1968-1970 թվականներին՝ Հայֆիլմի ռեժիսոր, 1970-1972 թվականներին՝ Արտաշատի թատրոնի ռեժիսոր, 1972-1974, 1975-1981 թվականներին՝ ԵԵԿԹ ռեժիսոր։ 1992-1995 թվականներին աշխատել է Սանկտ Պետերբուրգի և Պրահայի տիկնիկային թատրոններում։ 1981-1989 թվականներին եղել է ԵՏԹ գլխավոր ռեժիսոր, 1998-2000 թվականներին՝ Երևանի մարիոնետների թատրոնի տնօրեն, 2000-2003 թվականներին՝ Գյումրիի դրամատիկական թատրոնի գեղարվեստական ղեկավար[1]։ 1969-1991 թվականներին դասավանդել է ԵԳԹԻ-ում[2]։
Բեմադրություններ
խմբագրել- «Կախարդի աշակերտը» (Վ. Ժուլկևսկի, Ս. Բուգաևսկի)
- «Գլխին գինն է 50 միլիոն» (Ժորա Հարությունյան)
- «Հորձանուտ» (Ալեքսանդր Օստրովսկի)
- «Դիպլիպիտո» (Աղասի Այվազյան)
- «Գնա մեռի, արի սիրեմ» (Արամաշոտ Պապայան)
Ծանոթագրություններ
խմբագրել- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
- ↑ «Zarkfoundation - Անդրանիկ Գամջյան». zarkfoundation.com.