Անդիփսարա
Անդիփսարա[2], նաև Անտիպսարա, Անտիպիհարա (հուն․՝ Αντίψαρα «Տեղադրված Փսարայի դիմաց»), փոքրիկ, ժայռոտ կղզի Էգեյան ծովում՝ Արևելյան Սպորադաների կղզեխմբի կազմում։ Պատկանում է Հունաստանին և գտնվում է ավելի մեծ բնակեցված Փսարա կղզուց 2,4 կմ արևելք։ Հյուսիսային Եգեյան կղզիների ծայրամասում մտնում է Փսարայի մեջ։ Բնակչությունը, ըստ 2011 թվականի մարդահամարի, 4 մարդ է[3]։
 | |
| Տեսակ | կղզի և բնակավայր |
|---|---|
| Երկիր |  Հունաստան[1] |
| Տեղադրություն | Psara Municipality? |
| Մասն է | East Aegean Islands? |
| Բարձրություն (ԲԾՄ) | 130 մետր մ |
| Մակերես | {{{մակերես}}} կմ² |
Աշխարհագրություն խմբագրել
Անդիփսարայի կղզին գտնվում է Էգեյան ծովի արևելյան մասում։ Մակերեսը մոտ 4 կմ² է։ Ամենաբարձր գագաթը Փսիլի-Րահի լեռն է, որն ունի 130 մետր բարձրություն։ Կղզու տեղանքը ժայռոտ է՝ բլուրներով և հողաթմբերով, բավականին նվազ բուսականությամբ։ Կլիման միջերկրածովյան է։ Քարքարոտ և անհաս է և՛ հյուսիսից, և՛ արևմուտքից։
Անդիփսարայի և Փսարայի կղզիները ընտրվել են ծովային և թռչող թռչունների մի ամբողջ շարքի բնակալման վայր։ Դրանց շարքում են Էլեոնորայի բազեն, փոմփոլավոր ջրագռավը, միջերկրածովյան մրրկահավը և լևանտական մրրկահավը[4]։
Պատմություն խմբագրել
Հնագիտական պեղումները ցույց են տալիս, որ կղզին բնակեցված է եղել մարդկանցով դեռևս անտիկ (հին հունական և հռոմեական) ժամանակներում, սակայն դրա բնակչությունը միջին դարերում միանգամից կրճատվել է, ինչը կապված է անտառահատումների և, համապատասխանաբար, խմելու ջրի պաշարի նվազման հետ։ Ինչևէ, բյուզանդական և օսմանյան ժամանակներում կղզում կար նավահանգիստ։ Ըստ երևույթին, չնայած, որ չկան գրավոր ապացույցներ, 1824 թվականին՝ պատժիչ արշավախմբի ընթացքում, մնացած հույները բնաջնջվել են թուրքերի կողմից, որի ժամանակ կոտորվել է հարևան Փսարայի բնակչության 90%-ը՝ Քիոսյան կոտորածից 2 տարի անց։ Կղզու արևելյան մասում պահպանվել է Սուրբ Հովհաննեսի եկեղեցին, որտեղ օգոստոսին այցելում են ուխտագնացները։
Զբոսաշրջություն խմբագրել
Ամռանը կղզի են այցելում փոքրաթիվ զբոսաշրջիկներ և հարևան Փսարայից ուխտագնացներ՝ կատերներով։
Բնակչություն խմբագրել
| Տարի | Բնակչություն, մարդ |
|---|---|
| 1991 | 0[5] |
| 2001 | 0[5] |
| 2011 | 4[3] |
Ծանոթագրություններ խմբագրել
- ↑ Hellenic Statistical Authority databases (հուն.)
- ↑ Греция. Справочная карта. Масштаб 1:Կաղապար:Число / Главный редактор Я. А. Топчиян. — М.: Роскартография, 2001. — (Страны мира. Европа). — 2000 экз.
- ↑ 3,0 3,1 «Πίνακας αποτελεσμάτων Μόνιμου Πληθυσμού-Απογραφής 2011» (հունարեն). Հունաստանի վիճակագրական ծառայություն. 2014 թ․ մարտի 20. Արխիվացված է օրիգինալից 2015 թ․ նոյեմբերի 13-ին. Վերցված է 2017 թ․ հոկտեմբերի 22-ին.
- ↑ «Νήσοι Ψαρά και Αντιψαρά» (հունարեն). Ελληνική Ορνιθολογική Εταιρεία. Արխիվացված է օրիգինալից 2017 թ․ դեկտեմբերի 7-ին. Վերցված է 2017 թ․ դեկտեմբերի 7-ին.
- ↑ 5,0 5,1 «Μόνιμος και Πραγματικός Πληθυσμός της Ελλάδος. Σύνολο Ελλάδος, νομοί, δήμοι/κοινότητες, δημοτικα/κοινοτικά διαμερίσμα και οικισμοί. Απογραφές πληθυσμού 2001 και 1991» (հունարեն). Հունաստանի վիճակագրական ծառայություն. Արխիվացված է օրիգինալից 2006 թ․ հուլիսի 16-ին. Վերցված է 2017 թ․ հունիսի 22-ին.
Արտաքին հղումներ խմբագրել
- «Общая информация об Андипсаре» (հունարեն). Արխիվացված է օրիգինալից 2015 թ․ մայիսի 5-ին. Վերցված է 2009 թ․ հուլիսի 14-ին. Կաղապար:Проверено(չաշխատող հղում)
- Гнездование птиц на островах Псара и Аниспара Արխիվացված 2009-01-03 Wayback Machine (անգլ.) Կաղապար:Проверено(չաշխատող հղում)
- Αντίψαρα // Νέα Ελληνική Εγκυκλοπαίδεια. — Αθήνα: Χάρη Πάτση, 1973. — Vol. 6. — P. 130.
 | Վիքիպահեստն ունի նյութեր, որոնք վերաբերում են «Անդիփսարա» հոդվածին։ |