Անատոլի Սիդորով (զինվորական)

սովետական և ռուս զինվորական
Անվան այլ կիրառումների համար տե՛ս՝ Անատոլի Սիդորով (այլ կիրառումներ)

Անատոլի Ալեքսեևիչ Սիդորով (հուլիսի 2, 1958(1958-07-02), Սիվա), սովետական և ռուսական զինվորական, 2015 թվականի նոյեմբերից հանդիսանում է ՀԱՊԿ Միացյալ շտաբի պետը, գեներալ-գնդապետ։

Անատոլի Սիդորով
 
Կրթություն՝ Մոսկվայի բարձրագույն ռազմական հրամանատարական ուսումնարան
Մասնագիտություն՝ ռազմական գործիչ
Ծննդյան օր հուլիսի 2, 1958(1958-07-02) (65 տարեկան)
Ծննդավայր Սիվա
 
Պարգևներ
«Հայրենիքին մատուցած ծառայությունների համար» 4-րդ աստիճանի շքանշան, «Ռազմական ծառայությունների համար» շքանշան, Կարմիր Աստղի շքանշան, «Զինվորական ծառայության ժամանակ տարբերվելու համար» I աստիճանի մեդալ, «Անբասիր ծառայության համար» III աստիճանի մեդալ, Մեդալ «Ղրիմը վերադարձնելու համար», մեդալ «Հանուն փրկության համերաշխության համար» և Մարտիկ-ինտերնացիոնալիստին երախտապարտ աֆղան ժողովրդից

Զբաղեցրել է Արևմտյան ռազմական շրջանի հրամանատարի պաշտոնը (2012 թվականի դեկտեմբերի 24-ից մինչև 2015 թվականի նոյեմբերի 10-ը)։

Կենսագրությունը և զինվորական կարիերան խմբագրել

1975 թվականին ավարտել է Երկատերինբուրգի սուվորովյան ռազմական ուսումնարանը, 1979 թվականին Մոսկվայի բարձրագույն ռազմական հրամանատարական ուսումնարանը, իսկ 1991 թվականին ավարտել է Մ. Վ. Ֆրունզեի անվան ռազմական ակադեմիան։

Ծառայության ընթացքում զբաղեցրել է հետախուզական դասակի հրամանատարի, հետախուզական վաշտի հրամանատարի, Օդեսայի ռազմական շրջանի շտաբի պետի (1979-1984), Աֆղանստանում գումարտակի շտաբի պետի (1984 հոկտեմբեր - 1986 դեկտեմբեր), Անդրկովկասի ռազմական շրջանում գումարտակի հրամանատարի (1986-1988) պաշտոնները։ Մ. Վ. Ֆրունզեի անվան ռազմական ակադեմիան ավարտելուց հետո ծառայության է անցել հրամանատարի տեղակալի, շտաբի պետի և մոտոհրաձգային գնդի հրամանատարի և այլ պաշտոններում։

Ծառայությունը Աֆղանստանում խմբագրել

Խորհրդային զորքերի Աֆղանստանում գործող սահմանափակ կոնտինգենտի կազմում եղել է 149-րդ գվարդիական դիվիզիայի Չենստոխոսկի 201-րդ մոտոհրաձգային գվարդիական դիվիզիայի շտաբի պետը։ Մարտական խնդիրների ժամանակ դրսևորված խիզախության համար պարգևատրվել է Կարմիր աստղ շքանշանով։

Հետագա ծառայությունը խմբագրել

1995 թվականին Չեչնիայում մասնակցել է Առաջին չեչենական պատերազմին։

2000 թվականին ավարտել է Ռուսաստանի Դաշնության Գլխավոր շտաբի ռազմական ակադեմիան, ծառայության է անցել Հեռավորարևելյան ռազմական շրջանում որպես մոտոհրաձգային դիվիզիայի հրամանատար, հրամանատարի տեղակալ և բանակի շտաբի պետ։ 2006 թվականի հունիսի 12-ին նշանակվել է 5-րդ համազինվորական բանակի հրամանատար, 2008 թվականին դարձել է ռազմական շրջանի հրամանատարի տեղակալ, իսկ 2009 թվականի հոկտեմբերի 22-ին էլ նշանակվել է Հեռավորարևելյան ռազմական շրջանի հրամանատարի 1-ին տեղակալ և շտաբի պետ։ Մեկ տարի անց կապված Ռուսաստանի զինված ուժերում բարեփխումների և Հեռավորարևելյան ռազմական շրջանի լուծարման հետ Սիդորովը համանման պաշտոն զբաղեցրեց Արևելյան ռազմական շրջանում, որտեղ մնաց մինչև 2012 թվականը[1]։

 
Գեներալ-գնդապետ Անատոլի Սիդորովը Արևմտյան ռազմական շրջանի նորարարության օրվան նվիրված արարողության ժամանակ, 2014 թվական

2007 թվականին ստացել է Գեներալ-լեյտենանտի կոչում, ինչի կապակցությամբ Կրեմլյան մեծ պալատի Գեոգևյան դահլիճում մասնակցել է հանդիսավոր միջոցառման[2]։

2012 թվականի հոկտեմբերին նշանակվել է Արևելյան ռազմական շրջանի շտաբի պետ և հրամանատարի առաջին տեղակալ, այդ պաշտոնում փոխարինելով ծովակալ Նիկոլայ Մաքսիմովին[3]։

 
Անատոլի Սիդորովը ՌԴ նախագահ Վլադիմիր Պուտինի և ՌԴ պաշտպանության նախարար Սերգեյ Շոյգուի հետ, 26 հուլիսի 2015 թվական

2012 թվականի նոյեմբերի 9-ին ժամանակավորապես նշանակվել է Արևմտյան ռազմական շրջանի հրամանատարի պաշտոնակատար[4]։

2012 թվականի դեկտեմբերի 24-ին Ռուսաստանի նախագահի հրամանով նշանակվել է Արևմտյան ռազմական շրջանի հրամանատար[5]։ Դեկտեմբերի 27-ին Սանկտ Պետերբուրգի Արևմտյան ռազմական շրջանի սպայական տանը Ա. Սիդորովը ներկայացվեց անձնակազմին որպես շրջանի հրամանատար։ Նա պաշտոնը ստացավ անձամբ իր նախորդից՝ այդ ժամանակ արդեն ՌԴ Պաշտպանության նախարարի առաջին տեղակալ Արկադի Բախինից[6]։

2013 թվականի փետրվարի 20-ին Սիդորովին շնորհվել է գեներալ-գնդապետի կոչում[7]։

«Bellingcat-ի» փորձագետները Սիդորովին դասում են այն ռուսների շարքին, ովքեր պատասխանատու էին «ԲՈւԿ» ԶՀՀ-ների Դոնբաս տեղափոխության և Դոնեցկի մարզում Մալայզիական ավիաուղիների Boeing 777-ին հարվածելու համար[8][9]։

2015 թվականի սեպտեմբերին ներառվել է Ուկրաինայի կողմից կիրառված պատճամիջոցների ցուցակում[10]։

Սեպտեմբերին ՀԱՊԿ անդամ երկրների ղեկավարները գեներալ-գնդապետ Անատոլի Սիդորովին միաձայն առաջադրեցին ՀԱՊԿ Միացյալ շտաբի պետի պաշտոնում։ Ռուսաստանի Դաշնության նախագահի 2015 թվականի նոյեմբերի 10-ի հրամանով նա նշանակվեց այդ պաշտոնում, իսկ պաշտոնում հաստատվել է նույն թվականի նոյեմբերի 23-ին[11][11][12]։

Ընտանիք խմբագրել

 
ՌԴ Պաշտպանության նախարար Սերգեյ Շոյգուն Անատոլի Սիդորովին է հանձնում Ռուսաստանի Դաշնության նախագահի պատվոգիրը, 2015 թվականի նոյեմբերի 23

Անատոլի Սիդորովն ամուսնացած է, ունի երկու դուստ՝ Վիկտորիան և Անաստասիան։

Շքանշաններ խմբագրել

Ծանոթագրություններ խմբագրել

  1. «Пресс-служба Кремля сообщает — Новый облик вооружённых сил». Արխիվացված է օրիգինալից 2013 թ․ նոյեմբերի 28-ին. Վերցված է 2017 թ․ հոկտեմբերի 12-ին.
  2. «Высшие офицеры, присутствовавшие на торжественном мероприятии по случаю их назначения на вышестоящие должности и присвоения им высших воинских (специальных) званий — Президент России». Արխիվացված է օրիգինալից 2014 թ․ ապրիլի 24-ին. Վերցված է 2017 թ․ հոկտեմբերի 12-ին.
  3. Кадровые изменения в Вооружённых Силах — Президент России
  4. Биография Анатолия Сидорова на сайте РИА Новости
  5. Кадровые изменения в Вооружённых Силах Российской Федерации — Президент России
  6. Новому командующему ЗВО вручили штандарт — Комсомольская правда
  7. Указ Президента Российской Федерации от 20.02.2013 № 151 «О присвоении воинских званий высших офицеров военнослужащим Вооружённых Сил Российской Федерации» — Официальный интернет-портал правовой информации
  8. Кто и как расследовал крушение рейса MH17: западные и российские отчёты
  9. Bellingcat назвал имена вероятно причастных к крушению MH17
  10. УКАЗ ПРЕЗИДЕНТА УКРАЇНИ №549/2015
  11. 11,0 11,1 Министр обороны России представил нового командующего войсками Западного военного округа : Министерство обороны Российской Федерации
  12. Ъ-Новости - Анатолий Сидоров возглавил объединенный штаб ОДКБ
  13. Указ Президента РФ от 29.12.2010 № 1648 «О присвоении почетных званий Российской Федерации военнослужащим и гражданскому персоналу Вооружённых Сил Российской Федерации»(չաշխատող հղում)

Արտաքին հղումներ խմբագրել