Այշե Էրզան
Այշե Էրզան (թուրքերեն՝ Ayşe Erzan, 1949, Անկարա, Թուրքիա), թուրք տեսական ֆիզիկոս։ Թուրքիայի գիտությունների ակադեմիայի իսկական անդամ։
Այշե Էրզան թուրքերեն՝ Ayşe Erzan | |
|---|---|
| Ծնվել է | 1949 Անկարա, Թուրքիա |
| Քաղաքացիություն |  Թուրքիա |
| Մասնագիտություն | ֆիզիկոս-տեսաբան |
| Հաստատություն(ներ) | Ստամբուլի տեխնիկական համալսարան, Միջինարևելյան տեխնիկական համալսարան, Feza Gürsey Institute?, International School for Advanced Studies?, Գրոնինգենի համալսարան, Մարբուրգի համալսարան, Պորտուի համալսարան և Ժնևի համալսարան |
| Անդամակցություն | Եվրոպական ակադեմիա[1] |
| Ալմա մատեր | Բրին Մոր քոլեջ և Սթոնի Բրուքի համալսարան |
| Տիրապետում է լեզուներին | թուրքերեն |
| Պարգևներ | |
ԿենսագրությունԽմբագրել
Այշե Էրզանը ծնվել է 1949 թվականին Անկարայում։ Միջնակարգ կրթությունը ստացել է Ստամբուլում, այնուհետև սովորել ԱՄՆ-ի Բրին Մար քոլեջում, 1970 թվականին ստացել բակալավրի աստիճան, 1976 թվականին Սթոնի Բրուքի համալսարանից ստացել է ֆիզիկայի դոկտորի աստիճան[3][4]։
Անկարա վերադառնալով՝ Միջինարևելյան տեխնիկական համալսարանում եղել է ֆիզիկայի ամբիոնի անդամ, 1977 թվականին միացել է Ստամբուլի տեխնիկական համալսարանին։ Այդ ժամանակահատվածում նաև ներգրավված է եղել խաղաղության և կանանց շարժումների մեջ[5]։ 1980 թվականին Թուրքիայում պետական հեղաշրջումից հետո հեռացել է երկրից[3]։ 1981-1990 թվականներին աշխատել և դասավանդել է տարբեր գիտահետազոտական ինստիտուտներում ու համալսարաններում։ 1981-1982 թվականներին աշխատել է Ժնևի համալսարանի տեսական ֆիզիկայի ամբիոնում, 1982-1985 թվականներին՝ Պորտուգալիայում եղել է Պորտոյի համալսարանի այցելու դոցենտ, 1985-1987 թվականներին Մարբուրգի համալսարանի տեսական ֆիզիկայի ամբիոնում Ալեքսանդր ֆոն Հումբոլդ հիմնադրամի կրթաթոշակառու, 1987-1990 թվականներին կարճ ժամանակահատված Տրիեստի Տեսական ֆիզիկայի միջազգային կենտրոնում եղել է հետազոտող գիտնական, նախքան 1990 թվականին Ստամբուլի տեխնիկական համալսարան վերադառնալը։ Հետազոտական աշխատանքները շարունակում է Ֆեզա Գուրսեի ինստիտուտում[5]։
Էրզանը 1995 թվականին դարձել է Թուրքիայի գիտությունների ակադեմիայի թղթակից անդամ, 1997 թվականին՝ իսկական անդամ։ Նույն տարում արժանացել է TÜBİTAK-ի (Թուրքիայի գիտական և տեխնոլոգիական հետազոտական խորհուրդ) գիտական մրցանակի, 2003 թվականին՝ «Կանայք գիտության բնագավառում» Լ՛Օրել-ՅՈՒՆԵՍԿՕ մրցանակի, 2009 թվականին՝ Ռամալ մրցանակի։ Գիտությունների համաշխարհային ակադեմիայի անդամ է[6], Journal of Statistical Physics և European Physical Journal B խմբագրական խորհրդի անդամ[5]։
ԾանոթագրություններԽմբագրել
- ↑ https://www.ae-info.org/ae/User/Erzan_Ayse
- ↑ https://www.aps.org/programs/honors/prizes/sakharov.cfm
- ↑ 3,0 3,1 Hizlan Doğan (մարտի 9, 2003)։ «Fizikçi»։ Hürriyet (Turkish)
- ↑ «Ayşe Erzan»։ Palestine Academy for Science & Technology։ Արխիվացված է օրիգինալից 2015-12-08-ին։ Վերցված է նոյեմբերի 10, 2015
- ↑ 5,0 5,1 5,2 Hahn-Koenig Monica Anke։ «Alumnae Profiles: Ayse Erzan, 'outstanding' scientist»։ Bryn Mawr Alumnae Bulletin։ Արխիվացված է օրիգինալից 2017-10-19-ին։ Վերցված է նոյեմբերի 10, 2015
- ↑ «Rammal Award 2009»։ EuroScience։ July 10, 2010
Արտաքին հղումներԽմբագրել
- Ayşe Erzan at Istanbul Technical University