Աղասի Չարչօղլյան

Աղասի Ենոքի Չարչօղլյան (1907 ապրիլի 4-ին, Դյուլլիբուլաղ գյուղում (այժմ՝ Վարդաղբյուր) – նոյեմբերի 17, 1975, Երևան), խորհրդային կուսակցական և պետական աշխատող, մանկավարժական գիտությունների թեկնածու, ԽՄԿԿ անդամ (1928)։

Աղասի Չարչօղլյան
Ծնվել է	ապրիլի 4, 1907(1907-04-04)
Մահացել է	նոյեմբերի 17, 1975(1975-11-17) (68 տարեկան)
Մահվան վայր	Երևան, Հայկական ԽՍՀ, ԽՍՀՄ, Աշխատանքային Կարմիր դրոշի շքանշան, ԽՍՀՄ կամ «Պատվո նշան» շքանշան, ԽՍՀՄ
Կրթություն	Ռուսաստանի ֆիզիկական մշակույթի, սպորտի, երիտասարդության և տուրազմի պետական համալսարան
Գիտական աստիճան	Մանկավարժական գիտությունների թեկնածու
Կուսակցություն	ԽՄԿԿ
Պարգևներ և մրցանակներ	և

Ավարտել է Մոսկվայի ֆիզիկական կուլտուրայի համալսարանը և ԽՄԿԿ ԿԿ-ին կից կուսակցական բարձրագույն դպրոցը։ 1933 թվականից աշխատել է ԽՍՀՄ մթերումների ժողկոմատի Հայաստանի լիազորությունում (հրահանգիչ, բաժնի վարիչ, լիազոր ներկայացուցչի տեղակալ և լիազոր ներկայացուցիչ)։ 1939 թվականից՝ ՀԿ(բ) կ ԿԿ գյուղատնտեսության բաժնի վարիչ, 1941 թվականից՝ ՀԿ(բ) կ ԿԿ կադրերի գծով քարտուղար, 1943-1946 թվականներին՝ 3-րդ քարտուղար։ 1948–1952 թվականներին եղել է ՀԽՍՀ Մինիստրների խորհրդի նախագահի տեղակալ, 1953-1961 թվականներին և 1969-1975 թվականներին՝ Երևանի ֆիզկուլտուրայի համալսարանի ռեկտոր։ 1961-1969 թվականներին Հայկոոպի նախագահն էր։ Զբաղվել է Հայաստանում ֆիզիկական կուլտուրայի և սպորտի զարգացման պատմության հարցերով։ Եղել է ՀԿԿ ԿԿ և ՀԿԿ ԿԿ բյուրոյի անդամ, ՀԽՍՀ առաջին գումարման Գերագույն սովետի դեպուտատ։

Գրականություն

• Ֆիզիկական կուլտուրայի պատմություն, մաս 2, Ե․, 1958 (հեղինակակից)։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 674)։