Ակոբ Ակոբով
Ակոբ Մինասի Ակոբով (մայիսի 15, 1905[1], Սլիվեն, Բուլղարիա[1] - մայիսի 12, 1983, Դենվիլ, Նյու Ջերսի, Մորիս շրջան, Նյու Ջերսի, ԱՄՆ և Նյու Ջերսի, ԱՄՆ), բուլղարահայ ամերիկաբնակ քանդակագործ, մեդալագործ։
Ակոբ Ակոբով | |
---|---|
![]() | |
Ծնվել է | մայիսի 15, 1905[1] |
Ծննդավայր | Սլիվեն, Բուլղարիա[1] |
Մահացել է | մայիսի 12, 1983 (77 տարեկան) |
Մահվան վայր | Դենվիլ, Նյու Ջերսի, Մորիս շրջան, Նյու Ջերսի, ԱՄՆ կամ Նյու Ջերսի, ԱՄՆ |
Քաղաքացիություն | ![]() ![]() |
Ազգություն | հայ |
Կրթություն | Կոլումբիայի համալսարան (1934) և Գեղարվեստի և ճարտարապետության ազգային ակադեմիա |
Մասնագիտություն | քանդակագործ, մեդալագործ և նկարիչ |
Կենսագրություն
խմբագրելԱկոբ Ակոբովը ծնվել է 1904 թվականին Սլիվենում։ Քանդակագործություն է սովորել Հռոմում, Փարիզում և Նյու Յորքում։ Աշակերտել է արձանագործ Մ. Ֆարաքճյանին, սովորել է Կիևի գեղարվեստի ինստիտուտում, աշակերտել բուլղարացի քանդակագործ Նիկոլոֆին։ Երիտասարդ տարիքում հեռացել է Բուլղարիայից՝ 1927 թվականին հաստատվելով ԱՄՆ-ում։ 1929-1930 թվականներին սովորել է Կոլումբիայի համալսարանում, 1930-1934 թվականներին Նյու Յորքի Գեղարվեստի ազգային ակադեմիայում, որն ավարտել է գերազանցությամբ և հրավիրվել դառնալու ասիստենտ։ Երեք տարի անընդմեջ ակադեմիայում արժանացել է քանդակի առաջին մրցանակին։ Սովորել է Ջորջ Ուլանդ Բրինգմանի և Հարվի Դանի մոտ[2][3]։ Ցուցահանդեսներ է կազմակերպել ԱՄՆ-ի բազմաթիվ քաղաքներում, քանդակագործ Աթանաս Կաչամակովի հետ Նյու Յորքում մասնակցել է բուլղարացիների ցուցահանդեսին[4]։
Մահացել է 78 տարեկանը չբոլորած։
Ստեղծագործություններ
խմբագրելԱրտաքին տեսաֆայլեր | |
---|---|
Կոմիտաս Վարդապետի 100-ամյակին նվիրված արծաթյա հուշամեդալ |
- Դասական ռեալիզմի հետևողությամբ ստեղծել է ամերիկյան երգիծաբան Ուիլ Ռոջերսի դիմաքանդակը (1935)
- Գեներալ Ս. Ջեքսոնի հուշարձանը (1940)
Հուշամեդալներ՝
- Ջոն Քենեդի (1964)
- Ռոյ Հովարդ
- Ալեքսանդր Համիլթոն
- Նոր Օռլեանի 250-ամյակ (1968)
- Կոմիտասի ծննդյան 100-ամյակ (1969)
Մատենագրություն
խմբագրել- Onnig Avedissian, Peintres et sculpteurs Armeniens, Le Caire, 1959
Ծանոթագրություններ
խմբագրելԱյս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 228)։ |