Ալվարդ Պետրոսյան

Ալվարդ Բարդուղի Պետրոսյան (հոկտեմբերի 4, 1946(1946-10-04), Երևան, Հայկական ԽՍՀ, ԽՍՀՄ - մարտի 10, 2022(2022-03-10), Երևան, Հայաստան), հայ գրող, արձակագիր, հրապարակախոս։ Հասարակական-քաղաքական գործիչ։ ԽՍՀՄ գրողների միության անդամ 1978 թվականից։

Ալվարդ Պետրոսյան
Ծնվել է	հոկտեմբերի 4, 1946(1946-10-04)
Ծննդավայր	Երևան, Հայկական ԽՍՀ, ԽՍՀՄ
Վախճանվել է	մարտի 10, 2022(2022-03-10) (75 տարեկան)
Վախճանի վայր	Երևան, Հայաստան
Մասնագիտություն	քաղաքական գործիչ, գրող, հրապարակախոս, խմբագիր, բանասեր և գլխավոր խմբագիր
Քաղաքացիություն	ԽՍՀՄ և  Հայաստան
Կրթություն	Երևանի պետական համալսարան (1968)
Կուսակցություն	Հայ Յեղափոխական Դաշնակցութիւն
Աշխատավայր	Սփյուռքահայության հետ մշակութային կապի կոմիտե, Խորհրդային գրականություն, Հայ օգնության միություն, Հայաստանի աշխատավորուհի և Նորք
Պարգևներ	և Հայաստանի Հանրապետության մշակույթի վաստակավոր գործիչ
Ամուսին	Լորենց Առուշանյան
Ալվարդ Պետրոսյան Վիքիքաղվածքում
Ալվարդ Պետրոսյան Վիքիդարանում
Alvard Petrosyan Վիքիպահեստում

Կրթություն

• Սովորել է Շիրվանզադեի անվան դպրոցում, 1968 թ. ավարտել է Երևանի պետական համալսարանի բանասիրական ֆակուլտետը։

Աշխատանքային գործունեությունը

• 1969-1975 թթ. աշխատել է Հեռուստատեսության և ռադիոյի պետական կոմիտեյում որպես խմբագիր։
• 1975-1979 թթ. աշխատել է «Հայաստանի աշխատավորուհի» ամսագրում։
• 1980-1981 թթ. աշխատել է Սփյուռքահայության հետ մշակութային կապի կոմիտեում։
• 1982-1990 թթ. - «Սովետական գրականություն» («Նորք») գրական-գեղարվեստական ամսագրի գլխավոր խմբագրի տեղակալ։
• 1990-1994 թթ. - «Առագաստ» շաբաթաթերթի գլխավոր խմբագիր։

Հասարակական գործունեությունը

• 1994-1998 թթ.՝ Հայ օգնության միության Հայաստանի շրջանային վարչության ատենապետ։
• 1998 թվականից ՀՕՄ կենտրոնական վարչության անդամ։

Քաղաքական գործունեությունը

• Հայ յեղափոխական դաշնակցության անդամ։
• 1999 թ. մայիսի 30-ին ընտրվել է ՀՀ Ազգային ժողովի 2-րդ գումարման պատգամավոր ՀՅԴ համամասնական ընտրացուցակով։ Ազգային ժողովի սոցիալական, առողջապահության և բնության պահպանության հարցերի մշտական հանձնաժողովի անդամ։ ՀՅԴ խմբակցության անդամ։
• 2003 թ. մայիսի 25-ին ընտրվել է ՀՀ Ազգային ժողովի 3-րդ գումարման պատգամավոր ՀՅԴ համամասնական ընտրացուցակով։ Ազգային ժողովի սոցիալական, առողջապահության և բնության պահպանության հարցերի մշտական հանձնաժողովի անդամ։ ՀՅԴ խմբակցության անդամ։
• 2007 թ. մայիսի 12-ին ընտրվել է ՀՀ Ազգային ժողովի 4-րդ գումարման պատգամավոր ՀՅԴ համամասնական ընտրացուցակով։ Ազգային ժողովի Մարդու իրավունքների պաշտպանության և հանրային հարցերի մշտական հանձնաժողովի անդամ։ ՀՅԴ խմբակցության անդամ։

Պարգևներ և կոչումներ

• ՀՀ ՊՆ «Մարշալ Բաղրամյան» մեդալ (1997 թ.)։
• Հայաստանի Հանրապետության մշակույթի վաստակավոր գործիչ (2007)։
• Պատվո շքանշան (2011)։
• Գրական մրցանակներ։

Ընտանիք

Դիմադրության շարժման գործիչ Բարթուղ Պետրոսյանի դուստրն է, անվանի գեղանկարիչ Սամվել Պետրոսյանի քույրը, դերասան Լորենց Առուշանյանի կինն է, նկարիչ Նարեկ Առուշանյանի մայրը։

Երկեր

• Երկրի պապերը (պատմվածքներ), Երևան, 1977, 101 էջ։
• Թռչնականչ, Երևան, 1981, 128 էջ։
• Ես մի ծառ եմ ծիրանի, Երևան, 1984, 220 էջ։
• Ապրելու օրենքը (վիպակներ, պատմվածքներ, պիեսներ), Երևան, 1989, 384 էջ։
• Բանաստեղծություններ, Երևան, 2003, 120 էջ։
• Խմբերգերի ժամանակը (վիպակներ, պատմվածքներ), Երևան, 2008, 356 էջ։
• Ապրելու զրո ժամ (վիպակներ, պատմվածքներ), Երևան, 2012, 400 էջ։
• Հիշիր = Remember… (բանաստեղծություններ, էսսե), Երևան, 2016, 192 էջ։

Գրականություն

• Հայկ Խաչատրյան, Գրական տեղեկատու, Երևան, 1986, էջ 450։
• Ով ով է (Հայեր։ Կենսագրական հանրագիտարան), հատ. 2, Երևան, 2007, էջ 321։

Ծանոթագրություններ

Վիքիքաղվածքն ունի քաղվածքների հավաքածու, որոնք վերաբերում են

Ալվարդ Պետրոսյան հոդվածին