Ալեքսեյ Ուրմանով

Ալեքսեյ Ուրմանով
Անձնական տեղեկություն
Սեռ՝	արական
Բնօրինակ անուն՝	ռուս.՝ Алексей Евгеньевич Урманов
Մասնագիտացում՝	գեղասահորդ, գեղասահքի մարզիչ և technical specialist
Երկիր՝	Ռուսաստան և ԽՍՀՄ
Ծննդյան ամսաթիվ՝	նոյեմբերի 17, 1973 (50 տարեկան)
Ծննդավայր՝	Լենինգրադ, ՌԽՖՍՀ, ԽՍՀՄ
Պարգևներ

Ալեքսեյ Ուրմանով (ռուս.՝ Алексе́й Евге́ньевич Урма́нов, նոյեմբերի 17, 1973(1973-11-17), Լենինգրադ, ՌԽՖՍՀ, ԽՍՀՄ), ռուս գեղասահորդ-մենասահորդ և գեղասահքի մարզիչ, Ռուսաստանի սպորտի վաստակավոր վարպետ (1994 թվական), 1994 թվականի օլիմպիադայի չեմպիոն։

Կենսագրություն

Ալեքսեյը գեղասահքով սկսել է զբաղվել չորս տարեկանից։ 1977 թվականից նրա մարզիչն էր Նինա Նիկոլաևնա Մոնախովան, 1979 թվականից` Նատալյա Վիտալիևնա Գոլուբևան։ Նա մարզել է Ուրմանովին ՍԿԱ ակումբում (Լենինգրադ)։ 1989-1990 թվականների մրցաշրջանից նրա մարզիչն էր Ալեքսեյ Նիկոլաևիչ Միշինը։ Միշինի ղեկավարությամբ նա դարձավ ԱՄՆ-ում կայացած պատանիների աշխարհի առաջնությունում աշխարհի փոխչեմպիոն։

1990 թվականի դեկտեմբերին Մինսկում կայացած ԽՍՀՄ առաջնությունում նա զբաղեցրեց երրորդ տեղը` պատմության մեջ առաջին անգամ անսխալ կատարելով քառակի թռիչք տուլուպը (մինչ այդ չմշկորդների միջազգային խորհուրդը հաշվել էր 1990 թվականին Ք. Բրաունինգի կողմից կատարված թռիչքը, սակայն նա ընթացքում սխալ էր թույլ տվել) և դարձավ ԽՍՀՄ-ի, ԱՊՀ-ի, ապա Ռուսաստանի (մինչև 1998 թվականը) գեղասահքի հավաքականի անդամ։ 1991 թվականին առաջին անգամ հանդես է եկել Եվրոպայի առաջնությունում` կրկին հանդես գալով քառակի թռիչքով, ինչը կրկնեց և 1991 թվականի աշխարհի առաջնութանը։ 1991 թվականի դեկտեմբերին Կիևում դարձավ գեղասահքի ԽՍՀՄ վերջին չեմպիոնը։

1993 թվականի աշխարհի առաջնության բրոնզե մեդալակիր և գեղասահքի Եվրոպայի առաջնությունների բազմաթիվ մրցանակակիր (այդ թվում` 1997 թվականին` չեմպիոն)։ Տղամարդկանց գեղասահքի օլիմպիական չեմպիոն է (1994), հաղթել է տեխնիկական և ազատ ծրագրերի բոլոր էլեմենտների մաքուր կատարման համար (բոլոր մասնակիցներից ամենաշատն է եռակի թռիչք կատարել`8, այդ թվում` երկու եռակի ակսել)։

1999 թվականի Եվրոպայի առաջնությունում նա նվաճեց բրոնզե մեդալ, իսկ մնացած տեղերը զբաղեցրին կրկին Միշինի սաները` Ալեքսեյ Յագուդին և Եվգենի Պլյուշչենկո։ 1999 թվականի օգոստոսին ավարտել է սիրողական կարիերան, հաղթել է 1999 թվականի դեկտեմբերին Վաշինգտոնում (ԱՄՆ) կայացած պրոֆեսիոնալ մենասահորդների աշխարհի առաջնությունում։

2001-2015 թվականներին աշխատել է «Юбилейный» սպորտի Պալատի օլիմպիական հերթափոխի մանկապատանեկան մարզադպրոցում և գեղասահքի ակադեմիայում` որպես մարզիչ։ Նրա ամենահաջող սանը Ռուսաստանի կրկնակի չեմպիոն Սերգեյ Վորոնովն է։ 2015 թվականին տեղափոխվել է Սոչի և սկսել է աշխատել Օլիմպիական պարկի` Տատյանա Վոլոսոժարի և Մաքսիմ Տրանկովի գեղասահքի կենտրոնում` որպես ավագ մարզիչ^[1]։ 2015 թվականի նոյեմբերին Սոչիի սառույցի վրա Ուրմանովի նոր սանը` Յուլյկա Լիպնիցկայան, դարձավ օլիմպիական չեմպիոն։

Ուրմանովը համարվում է չմշկորդների միջազգային խորհրդի տեխնիկական մասնագետը։

Կրթություն

Ա. Ուրմանովը իր սանի` Վալերիա Վորոբևայի հետ Ռուսաստանի առաջնությանը (2005 թվականի հունվար)

1996 թվականին ավարտել է Սանկտ-Պետերբուրգի Պ. Ֆ. Լեսգավտի անվան ֆիզիկական կուլտուրայի պետական ակադեմիան` մարզիչ-մանկավարժ որակավորմամբ։

Այլ

2000 թվականին նկարահանվել է Ռուսաստանի և ԽՍՀՄ-ի գեղասահքի պատմությանը նվիրված «Աստղերի սառցե փայլը» (ռեժիսոր` Ն.Վ. Օռլով) վավերագրական-գեղարվեստական ֆիլմում, որտեղ հանդես է եկել որպես պատմողներից մեկը։
2006 թվականին մասնակցել է РТР հեռուստաալիքի կազմակերպած «Պարեր սառույցի վրա» հեռուստաշոոուին, որտեղ պարում էր դերասանուհի Տատյանա Դոգիլևայի հետ։

Ընտանիք

Հայրը` Եվգենի Պետրովիչ
Մայրը` Գալինա Վլադիմիրովնա
Կինը` Վիկտորյա Վալերևնա
Զույգ տղաները` Իվան և Անդրեյ (ծնված 2001 թվականին)

Մրցանակներ և կոչումներ

«Անձնական քաջության համար» շքանշան (1994)` 1994 թվականի XVII ձմեռային օլիմպիական խաղերում բարձր մարզական նվաճումների համար^[2]
Ռուսաստանի սպորտի վաստակավոր վարպետ (1994)
Ռուսաստանում գեղասահքի ֆեդերացիայի պատվավոր նշան (2003)^[3]

Արդյունքներ

Մրցումներ/Մրցաշրջան	1989-1990	1990-1991	1991-1992	1992-1993	1993-1994	1994-1995	1995-1996	1996-1997	1998-1999
Ձմեռային օլիմպիական խաղեր			5		1
Աշխարհի առաջնություն		8	8	3	4	4	5		5
Եվրոպայի առաջնություն		6	3	5	3	2		1	3
Աշխարհի առաջնություն պատանիների միջև	2
ԽՍՀՄ և Ռուսաստանի առաջնություններ		3	1	1	1	1	1	2	3
Գրան-Պրիի եզրափակիչներ							1	3	2
Skate America					3			2	3
Skate Canada International							1
Sparkassen Cup							4	1
Trophee Lalique			3
Cup of Russia								1	1
NHK Trophy				3
Բարի կամքի խաղեր					1				2

Ծանոթագրություններ

↑ Школа олимпийских чемпионов в Сочи набирает будущих фигуристов
↑ «Указ Президента Российской Федерации от 22 апреля 1994 года № 808 «О награждении государственными наградами Российской Федерации спортсменов, тренеров, работников физической культуры и спорта Российской Федерации по итогам XVII зимних Олимпийских игр 1994 года»». Արխիվացված է օրիգինալից 2012 թ․ հուլիսի 9-ին. Վերցված է 2018 թ․ հունվարի 8-ին.
↑ «Шоу в Питере прошло при аншлаге». Արխիվացված է օրիգինալից 2003 թ․ նոյեմբերի 27-ին. Վերցված է 2018 թ․ հունվարի 8-ին.

Արտաքին հղումներ

Վիքիպահեստն ունի նյութեր, որոնք վերաբերում են «Ալեքսեյ Ուրմանով» հոդվածին։

[1] Школа олимпийских чемпионов в Сочи набирает будущих фигуристов

[2] «Указ Президента Российской Федерации от 22 апреля 1994 года № 808 «О награждении государственными наградами Российской Федерации спортсменов, тренеров, работников физической культуры и спорта Российской Федерации по итогам XVII зимних Олимпийских игр 1994 года»». Արխիվացված է օրիգինալից 2012 թ․ հուլիսի 9-ին. Վերցված է 2018 թ․ հունվարի 8-ին.

[3] «Шоу в Питере прошло при аншлаге». Արխիվացված է օրիգինալից 2003 թ․ նոյեմբերի 27-ին. Վերցված է 2018 թ․ հունվարի 8-ին.

[1]

[2]

[3]