Ալբերտ Սիրունյան
- Վիքիպեդիայում կան հոդվածներ Սիրունյան ազգանունով այլ մարդկանց մասին։
Ալբերտ Մկրտչի Սիրունյան (հունվարի 13, 1948, Երևան, Հայկական ԽՍՀ, ԽՍՀՄ - սեպտեմբերի 15, 2018[1]), հայ ֆիզիկոս։ Ֆիզմաթ գիտությունների դոկտոր (1992), պրոֆեսոր (2013), ՀՀ ԳԱԱ թղթակից անդամ (2006 թվականից)[2]։
Ալբերտ Սիրունյան | |
|---|---|
| Ծնվել է | հունվարի 13, 1948 Երևան, Հայկական ԽՍՀ, ԽՍՀՄ |
| Մահացել է | սեպտեմբերի 15, 2018[1] (70 տարեկան) |
| Քաղաքացիություն |  Հայաստան |
| Մասնագիտություն | ֆիզիկոս, ուսուցիչ և հետազոտող |
| Հաստատություն(ներ) | Երևանի ֆիզիկայի ինստիտուտ և Երևանի պետական համալսարան |
| Անդամակցություն | ՀՀ ԳԱԱ |
| Ալմա մատեր | Երևանի պետական համալսարան (1970) |
| Գիտական աստիճան | ֆիզիկամաթեմատիկական գիտությունների դոկտոր (1992) և պրոֆեսոր (2013) |
| Տիրապետում է լեզուներին | հայերեն |
Կենսագրություն
խմբագրել1970 թվականին ավարտել է Երևանի պետական համալսարանը։ 1971 թվականից աշխատում է Երևանի ֆիզիկայի ինստիտուտում, 1999-2003 թվականներին՝ փոխտնօրեն[3], 2003 թվականից՝ փորձարարական ֆիզիկայի բաժանմունքի վարիչ, 2004 թվականից, միաժամանակ՝ ԵՊՀ դասախոս։ Մասնակցել է Ժնևում կառուցվող հադրոնային արագացուցչի CMS ծրագրով գիտափորձին։ Լոնդոնի ֆիզիկայի ինստիտուտի պատվավոր անդամ է (2000)։
Գործունեություն
խմբագրելԱշխատանքները վերաբերում են բարձր էներգիաների տարրական մասնիկների ֆիզիկային։ Զբաղվել է փորձարարական ֆիզիկայով՝ Երևանի ֆիզիկայի ինստիտուտի[4] և Միջուկային ֆիզիկայի եվրոպական միացյալ կենտրոնի (Ժնև) արագացուցիչներով։ Մասնավորապես ֆոտոներով կատարել է գիտափորձեր և ստեղծել նոր ուղղություն՝ պրոտոններով բևեռացված թիրախ (սպին)[5]։
Ծանոթագրություններ
խմբագրել- ↑ 1,0 1,1 1,2 https://www.sci.am/membersview.php?id=323&langid=2
- ↑ ակադեմիա, Հայաստանի Հանրապետության գիտությունների ազգային. «Հայաստանի Հանրապետության գիտությունների ազգային ակադեմիա». www.sci.am. Վերցված է 2018 թ․ հունվարի 23-ին.
- ↑ «Ալբերտ Մկրտչի Սիրունյան». ysu.am. Արխիվացված է օրիգինալից 2019 թ․ մայիսի 20-ին. Վերցված է 2018 թ․ հունվարի 23-ին.
- ↑ «Albert SirunyanYerevan Physics Institute, experimental physics».
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.