Ազգագրության թանգարան (Շվեդիա)

Ստոկհոլմի ազգագրության թանգարան (շվեդ.՝ Etnografiska museet), գիտական թանգարան Շվեդիայի մայրաքաղաք Ստոկհոլմում։ Այն ներառում է շուրջ 220000 նմուշների հավաքածու, որոնք վերաբերում են ազգագրությանը կամ մշակութային մարդաբանությանը աշխարհի տարբեր երկրներից, այդ թվում՝ Չինաստանից, Կորեայից, Հարավային և Հարավարևելյան Ասիայից, Խաղաղ օվկիանոսյան տարածաշրջանից, Ամերիկայից և Աֆրիկայից[4]։ Թանգարանը տեղակայված է Ստոկհոլմի Գյարդեթ հատվածում գտնվող թանգարանային զբոսայգում (շվեդ.՝ Museiparken): 1999 թվականից այն հանդիսանում է Համաշխարհային նշանակության Շվեդիայի ազգային թանգարանների մաս և հյուրընկալվում է նաև Սվեն Հեդին հիմնադրամին։ Թանգարանը բաց է երեքշաբթիից կիրակի` առավոտյան 11:00 - 17:00, իսկ չորեքշաբթի օրերին` 11:00 - երեկոյան 20:00 և փակ է երկուշաբթի օրերին[5]։

Ազգագրության թանգարան
Տեսակազգագրական թանգարան
Երկիր Շվեդիա
ՏեղագրությունՍտոկհոլմ
ՎայրGärdet? և Wallingatan?
Մասն էՇվեդիայի բնական պատմության թանգարան և Համաշխարհային մշակույթի ազգային թանգարաններ
ՀասցեDjurgårdsbrunnsvägen 34Djurgårdsbrunnsvägen? (34)
Հիմնադրվել է1900
ՀիմնադիրHjalmar Stolpe?
Այցելուներ128 328 մարդ (2017)[1], 123 977 մարդ (2018)[2] և 131 556 մարդ (2019)[3]
Կայքvarldskulturmuseerna.se/etnografiskamuseet/
Քարտեզ
Քարտեզ

Թանգարանի ամենահին հավաքածուներից են 18-րդ դարում Ջեյմ Կուկի արշավախմբերի ընթացքում հավաքված առարկաները։ Այնուամենայնիվ, հավաքածուի հիմնական մասը 1850-1950 թվականներից է և իր վրա է կրում գաղութային դարաշրջանի հետախուզումների, ավետարանականների և առևտրի ազդեցությունը։ Երբ թանգարանն առաջին անգամ բացվեց 1930 թվականին, այն, ի թիվս այլոց, Հյալմար Ստոլպեի և Էրլանդ Նորդենշյոլդի երկարամյա լոբբիստական աշխատանքի, մի քանի մեծ ցուցադրությունների, ինչպես նաև ազգագրական հավաքածուների ոչ պատշաճ պահելու աճող անհանգստության արդյունք էր։

2007 թվականին, բանակցություններից հետո, թանգարանը համաձայնեց վերադարձնել տոտեմական բևեռը Հայսլա ազգին, որից այն վերցրել էր 1929 թվականին[6][7]։ Հայսլան ժողովուրդը թանգարանին նվիրեց բևեռի ժամանակակից կրկնօրինակը, որը ներկայումս ցուցադրվում է թանգարանի մուտքի մոտ։ Թանգարանը նաև մի շարք այլ առարկաներ է վերադարձրել իրենց ծագման երկրին[8]։ Թանգարանում առկա բոլոր ցուցանմուշները համարվում են ազգային սեփականություն, ուստի թանգարանն իրավունք ունի ցուցադրել և պահպանել դրանք[8]։

Թանգարանն ընդլայնվում է իր հավաքածուն թվային ցուցահանդեսի միջոցով։ Այս ցուցահանդեսը ուսումնասիրում է թռչունների դերն ու նշանակությունը նյութական մշակույթի, հասարակության և սոմոլոգիայի ոլորտում[9]։

Ցուցանմուշների լուսանկարներ խմբագրել

Տես նաև խմբագրել

Ծանոթագրություններ խմբագրել

  1. http://www.sverigesmuseer.se/nyheter/2018/01/svenska-museibesok-i-topp/
  2. Museer 2018: Kulturfakta 2019:1Swedish Agency for Cultural Policy Analysis, 2019.
  3. Museer 2019: Kulturfakta 2020:2Swedish Agency for Cultural Policy Analysis, 2020.
  4. «Etnografiska museet - The Museum»։ Etnografiska museet։ Արխիվացված է օրիգինալից 2007 թ․ նոյեմբերի 9-ին։ Վերցված է 2008 թ․ փետրվարի 8 
  5. «Home»։ Etnografiskamuseet (անգլերեն)։ Վերցված է 2019 թ․ մայիսի 7 
  6. Cardinal Gil (2003)։ «Totem: The Return of the G'psgolox Pole»։ National Film Board of Canada։ Վերցված է 2009 թ․ հոկտեմբերի 1 
  7. Cardinal Gil (2007)։ «Totem: Return and Renewal»։ National Film Board of Canada։ Վերցված է 2009 թ․ հոկտեմբերի 1 
  8. 8,0 8,1 «Collections at the Museum of Ethnography»։ Etnografiskamuseet (անգլերեն)։ Վերցված է 2019 թ․ մայիսի 7 
  9. «Digital exhibitions»։ Etnografiskamuseet (անգլերեն)։ Վերցված է 2019 թ․ մայիսի 7 

Արտաքին հղումներ խմբագրել