World Championship Wrestling
«Դաբլյու-Սի-Դաբլյու» (անգլ.՝ WCW World Championship Wrestling, թարգմանաբար՝ «Ըմբշամարտի աշխարհի առաջնություն»]), պրոֆեսիոնալ ըմբշամարտի (ռեստլինգ) ամերիկյան նախկին կազմակերպություն։ Սկզբնապես գործել է որպես «National Wrestling Alliance» (NWA) համազգային ռեստլինգ-պրոմոշենի տարածքային ստորաբաժանում։ 1988 թվականի հոկտեմբերի 11-ին վաճառվել է մեդիա մագնատ Թեդ Թըրներին, և սեփականության իրավունքը հանձնվել «Turner Broadcasting System» ընկերությանը։ Կարճ ժամանակ կրել է «Universal Wrestling Corporation» (UWC) անվանումը։
World Championship Wrestling | |
|---|---|
 | |
| Տեսակ | բիզնես ձեռնարկություն, մասնավոր ընկերություն և դուստր կազմակերպություն |
| Հիմնադրված է | հոկտեմբերի 11, 1988 |
| Հիմնադիր | Թեդ Թըրներ |
| Վայր | Ատլանտա, ԱՄՆ |
| Տնօրեն | Թեդ Թըրներ |
| Արդյունաբերություն | պրոֆեսիոնալ ըմբշամարտ և սպորտային ժամանց |
| Աշխատողների թիվ | 150 մարդ (մարտ 1998) |
| Մայր ընկերություն | Turner Broadcasting System, Warner Media Group և WWE |
| Նախկին | Georgia Championship Wrestling և Jim Crockett Promotions |
| Սեփականատեր | WWE |
| Կայք | wwe.com/classics/wcw/ |
 World Wrestling Entertainment Վիքիպահեստում | |
1990-ականների կեսերին «WCW»-ին հաջողվում է ներքին կայունություն ապահովել, որում մեծ ներդրում են ունենում գործադիր պրոդյուսեր Էրիկ Բիշոֆի մշակած ռազմավարական քայլերը։ Ընկերությունը սառը պատերազմ է հայտարարում ըմբշամարտի արդյունաբերության հսկա համարվող «World Wrestling Federation» (այժմ՝ World Wrestling Entertainment) կազմակերպությանը՝ թողարկելով «Nitro» կոչվող շաբաթական հեռուստաշոուն, որն սկսվում է ցուցադրվել երկուշաբթի օրերին և նույն ժամին, ինչ որ «WWF»-ի այցեքարտային «Monday Night Raw» շոուն։ Մրցակից հաղորդումների վարկանիշային պայքարն ստանում է «Երկուշաբթի օրերի պատերազմներ» (Monday Night Wars) անվանումը։ Այնուամենայնիվ 90-ականների մայրամուտին ընկերությունը սկսում է թուլացնել դիրքերը՝ անկում գրանցելով թե՛ ֆինանսապես, և թե՛ անբարեհաջող սցենարային լուծումներով։ Ի վերջո «WCW»-ն կանգնում է սնանկացման եզրին, և 2001 թվականին ընկերությունն ամբողջապես վաճառվում է մրցակից «WWF»-ին[1][2]։
Ներկայումս «WCW»-ի թողած ժառանգությունը՝ հաղորդումները, փեյ-փեր-վյու իրադարձությունները, լուսանկարները և մտավոր սեփականության մի շարք այլ տեսակներ ամբողջապես պատկանում է «WWE»-ին[3]։
Ընկերության գլխամասը տեղակայված է եղել Ջորջիա նահանգի վարչական կենտրոն Ատլանտայում։
Ծանոթագրություններ խմբագրել
- ↑ Գրին, Ջորդան (2005 թ․ դեկտեմբերի 14). «Ես հայտնի ծեծ ուտող էի։ Կարոլինյան ռեստլինգի փառահեղ և ողբերգական պատմությունը». «Ես շաբաթաթերթ».
- ↑ Ասայել, Շոն; Մունիհեմ, Մայք (2002 թ․ հուլիսի 16). Սեքս, կեղծիք և հեդլոկ։ Վինս Մաքմահոնի և «World Wrestling Federation»-ի իրական պատմությունը. «Քրաուն փաբլիշերս». էջեր 252. ISBN 0-609-60690-5.
- ↑ http://www.sec.gov/Archives/edgar/data/1091907/000120677408000468/exhibit21-1.htm