The Diary of Jane
«The Diary of Jane» (հայ․՝ «Ջեյնի օրագիրը»), Բրեյքինգ Բենջամին խմբի «Phobia» ալբոմի առաջին սինգլը։
«The Diary of Jane» | ||||
---|---|---|---|---|
Բրեյքինգ Բենջամինի սինգլը | ||||
«Phobia» ալբոմից | ||||
Թողարկված | Հունիսի 6, 2006 | |||
Ձայնագրված | Մարտ-մայիս, 2006 | |||
Ժանր | Ալտերնատիվ մետալ | |||
Տևողություն | 3:20 | |||
Լեյբլ | Hollywood Records | |||
Պրոդյուսեր | Դևիդ Բենդետ | |||
Բրեյքինգ Բենջամինի սինգլների ժամանակագրություն | ||||
|
Սինգլը սկսեց ակտիվորեն բարձր հորիզոնականներ զբաղեցնել հիթ-շքերթներում թողարկմանը հաջորդող առաջին շաբաթը։ Այն տասնհինգ շաբաթ մնաց «Billboard Hot 100» հիթ-շքերթում[1]։ 2006 թվականի հունիսին երգը հնչում էր գրեթե հարյուր ամերիկյան ռադիոկայաններում։ «Phobia»-ն դարձավ Hollywood Records լեյբլի գոյության պատմության մեջ ամենաշատ վաճառվող ալբոմը, նույնիսկ այդ ցուցանիշներով գերազանցելով հանրահայտ Քուինին։
«The Diary of Jane»-ը օգտագործվել է «Քայլ առաջ 2. Փողոցներ» ֆիլմում (Չեյզը պարում է երգի տակ)։ Նաև ներկայացվել է NASCAR 07 համակարգչային խաղում[2], դարձել է բեռնվող երգ Rock Band-ում և Rock Band 2-ում[3]։
«Phobia» ալբոմում որպես վերջին թրեք տեղադրված է երգի ակուստիկ տարբերակը։ Ակուստիկ տարբերակում գործիքները կիթառից և հարվածայիններից փոխված են դաշնամուրի, ջութակի և թավջութակի։
Տեսահոլովակ խմբագրել
Տեսահոլովակի գործողությունները տեղի են ունենում առանձնատանը և նրա բակում։ Ջեյն անունով աղջիկը արթնանում է լոգարանում։ Նա նայում է հայելուն. այնտեղ չկա նրա արտացոլանքը։ Նա սկսում է վազել տանը՝ հայելիներ փնտրելով։ Հայտնվում է մի սենյակում, որտեղ բազմաթիվ հայելիներ կան։ Գործողությունները ավարտվում են նրանով, որ խմբի սոլիստ Բեն Բեռնլին կանգնում է Ջեյնի գերեզմանի մոտ և նրա օրագրում վարդ է դնում։
Բեն Բեռնլիի խոսքերով, տեսահոլովակի իմաստն այն է, որ աղջիկը քնել է լոգարանում և խեղդվել։
Հիթ-շքերթներ խմբագրել
Հիթ-շքերթ (2006) | Ամենաբարձր դիրք |
---|---|
U.S. Billboard Hot 100 | 50 |
U.S. Billboard Pop 100 | 46 |
U.S. Billboard Alternative Songs | 4 |
U.S. Billboard Mainstream Rock Tracks | 2 |
Ծանոթագրություններ խմբագրել
- ↑ «The Diary Of Jane - Breaking Benjamin (Billboard Chart Performance)». billboard.com.
- ↑ «Breaking Benjamin Behind The Wheel - Music Feature at IGN». IGN.com. 2006 թ․ օգոստոսի 30. Արխիվացված է օրիգինալից 2012 թ․ մարտի 31-ին. Վերցված է 2016 թ․ հոկտեմբերի 31-ին.
- ↑ «Rock Band Weekly: Alice in Chains, Breaking Benjamin, Just Kait, Kula Shaker». joystiq.com. 2009 թ․ սեպտեմբերի 25.