Summer Bummer, ամերիկացի երգչուհի Լանա Դել Ռեյի երգն է՝ ռեփերներ ASAP Rocky–ի և Playboi Carti–ի մասնակցությամբ։ Երգը վերցված է Դել Ռեյի հինգերորդ ստուդիական ալբոմ Lust For Life–ից։ 2017 թվականի հուլիսի 12–ին երգը «Groupie Love»–ի հետ միասին՝ կրկին ASAP Rocky–ի մասնակցությամբ, թողարկվեց որպես գովազդային սինգլ՝ թույլատրելով նախապատվիրել ալբոմը։ Հետագայում՝ հուլիսի 28–ին, երգն ուղարկվեց Միացյալ Թագավորության ժամանակակից ռադիոկայաններ՝ արդեն որպես ալբոմի երրորդ սինգլ։ Երգը գրված է Լանա Դել Ռեյի, Մաթյու Սամուելսի, Ռակիմ Մայերսի, Ջորդան Քարթերի, Թայլեր Վիլիամսի, Ջահան Սվիթի և Էնդրյու Ջեզեֆ Գրանդվոլ Ջունիորի կողմից, իսկ պրոդյուսերներ հանդիսացան Boi-1da–ն, Սվիթն ու Ռիք Նաուլսը[2][3]։
Քննադատական ընդունում
խմբագրել
Spin ամսագրի Աննա Գասան ասել է․ «Եթե անգամ երգը թեթևակի ընդլայնում է երգչուհու կատալոգը, «Summer Bummer»–ը լավագույնը դիտվում է որպես Լանա Դել Ռեյի դասական հավաքածու․ ծանրապես ոճավորված հնչեղություն թմրանյութերի, լողավազանների և բարձր կոնտրաստային մոնոխոմների համար։ "Սպիտակ ստեր", կամ այն "Սպիտակ գծեր" է, "և սև ծովափներ"/"և արյան կարմիր սանգրիաներ", նա երգում է այս բառերը և զուգահեռներ անցկացնում իր Off to the Races երգի հետ։ Երաժշտական առումով, «Summer Bummer»–ը կարծես Honeymoon ալբոմի High by the Beach երգի թրեպ տարբերակը լինի[4], իսկ խոսքերի առումով, երգը չի խոսում այն ամենի մասին, ինչ մյուսն արդեն խոսել է»։ Pitchfork ամսագրի Ռեբեկա Հաիթքոաթը ասել է․ ««Summer Bummer»–ը ամռան երգի ծաղկե թագի թեկնածու չէ։ Այն կպչուն է, սակայն խիտ և ճնշող, բայց ոչ թեթև ու անհոգ եղանակով։ Թեկուզ Լանա Դել Ռեյի զով տրամադրությանը, այստեղ կա չորություն Դել Ռեյի ձայնում, մի հաստություն, որը ստիպում է նրան դանդաղ շարժել իր լեզուն։ Այսպիսի վառ նկարագրությամբ զուգված անսպասելի մատուցումը նրա աշխատանքի առանձնահատկությունն է, և այստեղ գործում է որպես բոժոժ, որը դուք չեք ուզում որ բացվի՝ նույնիսկ այն ժամանակ, երբ դուք զգում եք վտանգի եզրը։ ASAP Rocky–ի և Playboi Carti–ի ներդրումները թվում են մի փոքր անպետք, քանզի Դել Ռեյը չունի դժվարություն երգն ինքնուրույն կատարելու։ Երգի վերջում նրա ձայնը մեկ օկտավա բարձրանում է և քաղցրորեն միախառնվում է ռոմանտիկ երազային երաժշտության հետ»[5]։
Vulture ամսագրի աշխատակից Ֆրանկ Գուանն ասել է․ ««Summer Bummer»–ը սիրո մասին է։ Սակայն Bummer–ը աննախադեպ մեղադրանք է առաջացնում։ Boi-1da և T-Minus, Ա–լիստ պրոդյուսերներ, ովքեր հայտնի են Դրեյքի և այլ ռեփ արտիստների հետ աշխատանքների համար, զարդարել են Լանայի ձայնը ծովափային և թրեպ հնչյուններով։ Սա մի երգ է, որ ամեն ռեփեր ուրախ կլիներ կատարելու, և Rocky–ն դա գիտի, ով մատուցում է հանգիստ և լավ հագեցած հատված՝ զուգորդված Playboy Carti–ով։ Մյուս կողմից Դել Ռեյի ձայնը կրքոտ և ցավոտ, սակայն անջանք և զով է, նա երգում է սիրած էակին, ում համար նա պատրաստ է փոխվելու և ընդունում է իր սերը։ Ռասայական ենթատեքս առկա է "սպիտակ գծեր և սև լողափներ" տողերում և շատ պոետիկ "արյան կարմիր սանգրիաներ" տողում։ Մթում տարիներ շարունակ մնալով, Լանայի սերը հիփ հոփի հանդեպ կրկին լույս է տեսել, և ինչպես ցանկացած սեր, թվում է, թե ոչ մի ժամանակ էլ չի անցել»[6]։ Վաշինգտոն Փոստի Քրիս Ռիչարդսն ասում է․ «Ալբոմի ամենա–նարկոտիկ սինգլը՝ «Summer Bummer»–ը, Լանայի հիթ Summertime Sadness–ի արձագանքն է, սակայն ավելի զգացմունքային։ Պատկերացրեք երգչուհուն հուլիսի ջերմության մեջ իր գլխում սիրեկանին նամակ գրելիս։ Նա լսում է ռադիո և նրա միտքը ձգվում է արտաքին սենսացիայի և ներքին իղձի միջև։ Մենք լսում ենք Playboi Carti–ի և A$AP Rocky–ի ձայները ետնամասում՝ նրանք ամռան հիփ հոփ արտիստներն են՝ եթերում երգելով»[7]։
1. |
«Summer Bummer» (ASAP Rocky–ի և Playboi Carti–ի մասնակցությամբ) |
4:21 |
1. |
«Summer Bummer» (ASAP Rocky–ի և Playboi Carti–ի մասնակցությամբ) (Snakehips–ի Ռեմիքս) |
4:08 |
1. |
«Summer Bummer» (ASAP Rocky–ի և Playboi Carti–ի մասնակցությամբ) (Կլամս Կազինոյի Ռեմիքս) |
4:30 |
Թողարկման պատմություն
խմբագրել
Ծանոթագրություններ
խմբագրել