Honeymoon
Honeymoon, ամերիկացի երգչուհի-երգչահան Լանա Դել Ռեյի 4-րդ ալբոմը։ Այն թողարկվել է 2015 թվականի սեպտեմբերի 18-ին Polydor Records-ի և Interscope Records-ի կողմից և պատրաստվել է Դել Ռեյի կողմից՝ Ռիկ Նովելսի և Կիերոն Մենզիի հետ միասին։ Ալբոմից զգալիորեն հեռացվել էր Դել Ռեյի նախորդ Ultraviolence ալբոմի կիթառով գործիքավորումը և վերադարձվել է Born to die-ի և Paradise-ի բարոկկո փոփը։ Ալբոմի երգերի տեքստերը շոշափում են տանջալից սիրավեպի, դառնության, ցանկության և բռնության թեմաները։
| Honeymoon | ||||
|---|---|---|---|---|
.jpg) | ||||
| Լանա Դել Ռեյի Ստուդիական ալբոմ | ||||
| Թողարկված | 18 Սեպտեմբերի, 2015 | |||
| Ձայնագրված | 2014-2015 | |||
| Ժանր | բարոկկո-փոփ դրիմ փոփ թրիփ հոփ հիփ-հոփ | |||
| Տևողություն | 65:06 | |||
| Լեզու | անգլերեն | |||
| Լեյբլ | Interscope Polydor | |||
| Պրոդյուսեր | Լանա Դել Ռեյ | |||
| Լանա Դել Ռեյի ալբոմների ժամանակագրություն | ||||
| ||||
| Սինգլներ Honeymoon ալբոմից | ||||
|
||||
Թողարկվելուն պես Honeymoon-ը ստացել է հիմնականում դրական արձագանքներ երաժշտական քննադատների կողմից՝ հայտնվելով 2015 թվականի լավագույն ալբոմների ցանկում[1]։ Մինչ օրս որոշ քննադատների կարծիքով Honeymoon-ը Դել Ռեյի լավագույն ալբոմն է[2]։ Ալբոմի դեբյուտը կայացել է US Billboard 200-ի 2-րդ հորիզոնականում՝ առաջին շաբաթվա ընթացքում վաճառվելով 116000 օրինակով, իսկ Ավստրալիայում, Հունաստանում և Իռլանդիայում զբաղեցրել է առաջին հորիզոնականը։ Ալբոմին աջակցել է երկու սինգլի թողարկումը. «High by the Beach» և «Music to Watch Boys To»:
Նախապատմություն և ձայնագրություն խմբագրել
Դել Ռեյը ավարտել է իր 3-րդ՝ Ultraviolence ալբոմի ձայնագրությունը 2014 թվականի մարտին, և նույն թվականի հունիսին նա սկել է աշխատել նոր գաղափարի վրա, որի մասին նա ասել է, որ «գործընթացը վերածվում է մի բանի, որը ինձ իսկապես դուր է գալիս։ Ես հաճույք եմ ստանում ավելի նյարդային զգացմունքների մեջ ընկղմվելով այս մեկի համար։ Այն ավելի լայն է»[3]։ 2015 թվականի հունվարին Լանա Դել Ռեյը Billboard-ի միջոցով հայտնել է, որ սկսել է աշխատել իր 4-րդ ալբոմի վրա` հայտարարելով, որ պատրաստվում է նույն տարի ինչ-որ ժամանակահատվածում թողարկել ալբոմ՝ Honeymoon-ը[3]։ Հայտարարության ընթացքում Դել Ռեյը նաև ասել է, որ ինքը գրել և ձայնագրել է 9 երգ, որոնք հնարավոր է ներառվեն ալբոմում[3]։
2015 թվականի հունվարին Դել Ռեյը հաստատել է «Music to Watch Boys To» երգը, որի անունը պետք է դառնար ամբողջ ալբոմի անվանումը[4]։ Նույն ամսում նա հայտարարել է, որ 10 ձայնագրված երգերից 4-ը «իդիալական» են, ավելացնելով, որ նա կգրի ևս մի քանի երգ, որը կհամախմբի այդ բոլորը[5]։ «High by the Beach»-ը եղել է ալբոմի համար ձայնագրված վերջին երգերից մեկը[6]։
Երաժշտական ոճ խմբագրել
Երաժշտություն և տեքստ խմբագրել
Քննադատները Honeymoon ալբոմի մասին ասել են, որ այն ռետրո ոճով է, «փառահեղ կինեմատոգրաֆիկ բարոկկո-փոփ»[7], «էլեգանտ մելանխոլիկ դրիմ-փոփ»[1], վերադարձ դեպի կինեմատոգրաֆիկ թրիփ հոփին՝ Դել Ռեյի 2-րդ ալբոմ Born to Die-ին[1], թրեպի[8], ջազի[9] և բլյուզի[10] միավորող տարրերով[11]։
Honeymoon ալբոմը միայնության մասին է[12]։ Այն ընդգրկում է թեմաներ՝ դժբախտ սեր, դատապարտված արարքներ, մարդկային դաժանություն և փախուստի փորձեր, ցանկություն, փախուստ և բռնություն[11]։ Հարաբերությունների թեման բացահայտելուց բացի, ալբոմը պարունակում է տողեր, որոնք վերաբերում են էրոտիզմի գաղափարներին, թմրանյութերին, առասպելներին, դատարկ խոստումներին, ինչ է նշանակում կին լինել, և որն է «ամերիկյան հոգին»[13]։
Կոմպոզիցիաներ խմբագրել
Ալբոմը բացվում է «Honeymoon» երգով, որը բարոկկո-փոփ ժանրում է[14]։ Time ամսագրի գրախոսը երգը անվանել է «բնութագրականորեն շեղող» և «կինեմատիկական» և ենթադրել է, որ երգը ավելի նման է Born to Die ալբոմին, քան Ultraviolence-ին[15]։ Ըստ Հաթսոնի «Music to Watch Boys To» երգը կառուցված է սինթեզատորի վրա, ֆլեյտայի հնչյուններով և «սողացող» ռիթմերով, որոնք ծառայում են որպես «կրքոտ ֆոն՝ վարդագույն ֆլամինգոյի վերջին շնչով երգվող տգեղ և կործանարար սիրավեպ կատարողի համար»[16]։ «Terrence Loves You» ստեղծագործությունը, որում Դել Ռեյը երգում է դաշնամուրի, լարային գործիքների և «հառաչող» սաքսոֆոնի նվագակցությամբ, նկարագրվում է որպես «հիպնոսացնող»[17]։ Երգը սկսվում է կիթառի հնչյուննով, հետո հայտնվում է դաշնամուրի հնչյունները, ապա՝ ջութակը և Դել Ռեյի վոկալը[9]։ «God Knows I Tried»-ը ներառում է կիթառի հնչյուններին զուգակցված, շերտավորված վոկալով։ Երգի տեքստը այն մասին, թե ինչպես է Դել Ռեյը վիրավորվել «Պարոն Bad Boy»-ից, նաև պարունակում է ընտանեկան բռնության թեման[18]։ «High by the Beach»-ը թրեպ-փոփ երգ է հիփ հոփի ազդեցությամբ, որտեղ հիմնական գործիքը սինթեզատորն է[19]։
Հաջորդ «Freak» երգի բառերը, համեմատվում են The Weeknd-ի աշխատանքի հետ, պատմվում է թմրանյութերի մասին[12]։ «Art Deco»-ն՝ դանդաղ ջազային բալլադ է, թույլ բիտերով, երգի տեքստը պատմում է «դատարկության և ամերիկյան թախծի» մասին[20]։ Ալբոմի 8-րդ թրեքը միջանկյալ «Burnt Norton (Interlude)»-ն է, որում Դել Ռեյը կարդում է հատված «Չորս քառյակներ» շարքի առաջին պոեմից, որը գրել է Թոմաս Սթեռնս Էլիոթը։ Բանաստեղծությունում խոսվում է ժամանակի բնույթի և ճակատագրի գաղափարի մասին, հիմքում ընկած է ենթադրանք, որ մեր ներկա տպավորություններն ու փորձը մեր վերահսկողությունից վեր են։ Հաջորդ երգը՝ «Religion», գնահատվել է որպես Դել Ռեյի ամենալավատես սիրային երգերից մեկը, բայց երգը նույնպես նշվել է այն բանի համար, որ «դեռ երանգավորված է երգչուհու նախընտրած ինքնաոչնչացման մեղեդիով»[21]։ «Salvatore» երգը միավորում է ջութակները, հարվածային գործիքները և բանաստեղծությունը իտալերենով, որոնք բնութագրվել են որպես «1940-ականների Իտալիան ի դեմս Ֆրենկ Սինատրայի»[7]։
«The Blackest Day» բալլադն, որը հիմնականում դիպչում է վշտի փուլերին և բաժանությունից հետո ապրող զգացմունքներին[22]։ Առաջին տունում ուսումնասիրվում է հրաժարվելու թեման, որն ակնհայտ է երգի տեքստում, օրինակ՝ «Չեմ ուզում բաժանվել, մեր մոտ ամենինչ լավ է» տողում[22]։ երկրորդ փուլը՝ վիշտը, բարկությունը, պատկերված է երգի բրիջում. «Դու պետք է կանխատեսեիր / թույլ չտայիր, որ նա կախարդի քեզ «վատ եղանակի կախարդանքով»»[22]։ Երկրորդ տան մեջ Դել Ռեյը պայման է դնում իր ընկերոջը․ «Տան ինձ տուն, ես ունեմ նոր մեքենա և ատրճանակ / Քամին մազերիս, ես բռնում եմ քո ձեռքը, ես լսում եմ երգը», որից հետո երգչուհին ընդունում է իրավիճակը կոդայում․ «Ես նորից ինքնուրույն եմ»[22]։ «24»-ը կինեմատոգրաֆիկ երգ է, որն իր երաժշտական ոճի և խոսքերի շնորհիվ համեմատվել է Ջեյմս Բոնդի գլխավոր թեմաների հետ[23]։ «Swan Song» հանդարտ մեղեդիների ու ցածր ռիթմերի, էլեգանտ թատերական երգ է[21], ողբերգական բառերով, որոնցում Դել Ռեյը բազմիցս շշնջում է․ «Այլևս չեմ երգելու», ինչպես նաև պարունակում է Դել Ռեյի թեզիսը՝ խուսափել պատասխանատվությունից[22]։ Ալբոմը եզրափակում է «Don't Let Me Be Misunderstood» քովեր-երգով, որն ի սկզբանե երգում էր ամերիկացի երգչուհի Նինա Սիմոնը[1][7]։
Երգացանկ խմբագրել
| № | Անվանում | Հեղինակ | Տևողություն |
|---|---|---|---|
| 1 | «Honeymoon» | Լանա Դել Ռեյ, Ռիկ Նովելս | 5։50 |
| 2 | «Music to Watch Boys To» | Դել Ռեյ, Նովելս | 4։50 |
| 3 | «Terrence Loves You» | Դել Ռեյ, Նովելս | 4։50 |
| 4 | «God Knows I Tried» | Դել Ռեյ, Նովելս | 4։40 |
| 5 | «High by the Beach» | Դել Ռեյ, Նովելս | 4։17 |
| 6 | «Freak» | Դել Ռեյ, Նովելս | 4։55 |
| 7 | «Art Deco» | Դել Ռեյ, Նովելս | 4։55 |
| 8 | «Burnt Norton (Interlude)» | Թոմաս Էլիոտ | 1։21 |
| 9 | «Religion» | Դել Ռեյ, Նովելս | 5։23 |
| 10 | «Salvatore» | Դել Ռեյ, Նովելս | 4։41 |
| 11 | «The Blackest Day» | Դել Ռեյ, Նովելս | 6։05 |
| 12 | «24» | Դել Ռեյ, Նովելս | 4։55 |
| 13 | «Swan Song» | Դել Ռեյ, Նովելս | 5։23 |
| 14 | «Don't Let Me Be Misunderstood» | Սոուլ Մարկոս | 3։01 |
Ծանոթագրություններ խմբագրել
- ↑ 1,0 1,1 1,2 1,3 «Lana Del Rey – 'Honeymoon' album review». Time Out London (անգլերեն). Վերցված է 2021 թ․ հունիսի 8-ին.
- ↑ Honeymoon by Lana Del Rey (անգլերեն), Վերցված է 2021 թ․ հունիսի 8-ին
- ↑ 3,0 3,1 3,2 «Lana Del Rey Q&A: On 'Big Eyes' & Her Upcoming 'Honeymoon' Album». Billboard (անգլերեն). Վերցված է 2021 թ․ հունիսի 8-ին.
- ↑ Facebook; Twitter; options, Show more sharing; Facebook; Twitter; LinkedIn; Email; URLCopied!, Copy Link; Print (2015 թ․ հունվարի 2). «Q&A: Lana Del Rey talks about her Globe-nominated 'Big Eyes' title track». Los Angeles Times (ամերիկյան անգլերեն). Վերցված է 2021 թ․ հունիսի 8-ին.
{{cite web}}:|last=has generic name (օգնություն) - ↑ «Lana Del Rey announces new album Honeymoon». Consequence (ամերիկյան անգլերեն). 2015 թ․ հունվարի 6. Վերցված է 2021 թ․ հունիսի 8-ին.
- ↑ Reed, Ryan; Reed, Ryan (2015 թ․ օգոստոսի 10). «Hear Lana Del Rey's New Song, 'High By the Beach'». Rolling Stone (ամերիկյան անգլերեն). Վերցված է 2021 թ․ հունիսի 8-ին.
- ↑ 7,0 7,1 7,2 «Lana Del Rey: Honeymoon album review». Daily Review: Film, stage and music reviews, interviews and more. (ամերիկյան անգլերեն). 2015 թ․ սեպտեմբերի 17. Վերցված է 2021 թ․ հունիսի 8-ին.
- ↑ Ryan, Patrick. «Album review: Lana Del Rey's 'Honeymoon'». USA TODAY (ամերիկյան անգլերեն). Վերցված է 2021 թ․ հունիսի 8-ին.
- ↑ 9,0 9,1 «Album Review: Lana Del Rey - Honeymoon». Consequence (ամերիկյան անգլերեն). 2015 թ․ սեպտեմբերի 25. Վերցված է 2021 թ․ հունիսի 8-ին.
- ↑ «Lana Del Rey: Honeymoon review – self-indulgent but sophisticated third album». the Guardian (անգլերեն). 2015 թ․ սեպտեմբերի 18. Վերցված է 2021 թ․ հունիսի 8-ին.
- ↑ 11,0 11,1 Neil McCormick, Music Critic. «Lana Del Rey, Honeymoon, review: 'manicured melancholy'». The Telegraph (բրիտանական անգլերեն). Վերցված է 2021 թ․ հունիսի 8-ին.
- ↑ 12,0 12,1 Spanos, Brittany; Spanos, Brittany (2015 թ․ սեպտեմբերի 18). «Lana Del Rey 'Honeymoon' Album Review». Rolling Stone (ամերիկյան անգլերեն). Վերցված է 2021 թ․ հունիսի 8-ին.
- ↑ «Lana Del Rey's Noirish 'Honeymoon' Proves She Shouldn't Be Underestimated: Album Review». Billboard (անգլերեն). Վերցված է 2021 թ․ հունիսի 8-ին.
- ↑ Kerry, Martin (2015 թ․ սեպտեմբերի 8). «Lana Del Rey releases haunting new single «Honeymoon»». CBC.
- ↑ «Hear Lana Del Rey's New Song 'Honeymoon'». Time (անգլերեն). Վերցված է 2021 թ․ հունիսի 8-ին.
- ↑ «Lana Del Rey "Music to Watch Boys To" | Exclaim!». exclaim.ca (կանադական անգլերեն). Վերցված է 2021 թ․ հունիսի 8-ին.
- ↑ Reed, Ryan; Reed, Ryan (2015 թ․ օգոստոսի 21). «Hear Lana Del Rey's Hypnotic New Song». Rolling Stone (ամերիկյան անգլերեն). Վերցված է 2021 թ․ հունիսի 8-ին.
- ↑ «Lana Del Rey shuns Top 40 pop for California-beach-zombie vibes on 'Honeymoon'». EW.com (անգլերեն). Վերցված է 2021 թ․ հունիսի 8-ին.
- ↑ Davidson, Amy (2015 թ․ օգոստոսի 11). «Listen to Lana Del Rey's new single». Digital Spy (բրիտանական անգլերեն). Վերցված է 2021 թ․ հունիսի 8-ին.
- ↑ «With Honeymoon, Lana Del Rey Has Become Our Most Independent-Minded Pop Star». Vulture (ամերիկյան անգլերեն). Վերցված է 2021 թ․ հունիսի 8-ին.
- ↑ 21,0 21,1 Davidson, Amy (2015 թ․ սեպտեմբերի 18). «Lana Del Rey: Honeymoon track-by-track review». Digital Spy (բրիտանական անգլերեն). Վերցված է 2021 թ․ հունիսի 8-ին.
- ↑ 22,0 22,1 22,2 22,3 22,4 «Lana Del Rey's 'Honeymoon' her best yet». The Michigan Daily (ամերիկյան անգլերեն). 2015 թ․ սեպտեմբերի 20. Վերցված է 2021 թ․ հունիսի 8-ին.
- ↑ Phull, Hardeep (2015 թ․ սեպտեմբերի 18). «The 5 best tracks on Lana Del Rey's new album». New York Post (ամերիկյան անգլերեն). Վերցված է 2021 թ․ հունիսի 8-ին.