Skyforger

Skyforger
Ժանրեր	ֆոլկ մետալ
Գործունեություն	1995
Լեյբլ	Metal Blade Records, Beverina Productions?, CD-Maximum?, Folter Records?, Gailītis-G?, Mascot Records? և Moon Records Ukraine
Կայք	skyforger.lv
	Skyforger Վիքիպահեստում

Skyforger, 1995 թվականին կազմավորված լատվիական ռոք երաժշտախումբ, որին բնորոշ է տրաշ-մետալ, փաուեր-մետալ ոճերի և ժողովրդական երաժշտության տարրերի կիրառումը^[1]։ Խմբի ստեղծագործության վրա որոշակի ազդեցություն է գործել նաև նորվեգական բլեք-մետալը^[2]։ Խումբն արդեն թողարկել է երաժշտական վեց ալբոմ^[3]։

Պատմություն խմբագրել

Երաժշտախումբը 1995 թվականին հիմնել են դում-մետալ ոճի հետևորդ Grindmaster Dead խմբի նախկին անդամները^[1]։ 1997 թվականին Skyforger-ը թողարկել է տնային պայմաններում կատարված ձայնագրությունների ոչ ամբողջական՝ կիսատ ալբոմ՝ «Semigalls' Warchant» խորագրով։ 1998-ին լույս աշխարհ է եկել խմբի առաջին լիարժեք ալբոմը՝ «Kauja Pie Saules» («Ճակատամարտ Սեուլեի մերձակայքում») խորագրով։ Դրան հաջորդել է 2000 թվականին թողարկված «Latviešu strēlnieki» («Լատիշ հրաձիգներ») ալբոմը^[2]՝ Առաջին համաշխարհային պատերազմի մասին։

2002 թվականին խումբը պայմանագիր է կնքել ձայնագրության գերմանական ապրանքանիշ (լեյբլ) Folter Records-ի հետ և հաջորդ տարում թողարկել «Pērkoņkalve» ալբոմը, որտեղ անդրադարձել է բալթերի հեթանոսական մշակույթի թեմատիկային, առասպելաբանությանը, ավանդական հավատալիքներին։ Այդ նույն տարում Skyforger-ն ինքնուրույնաբար թողարկել է ժողովրդական երաժշտության «Zobena dziesma» ակուստիկ ալբոմը^[2]։

2005-ին Folter Records ապրանքանիշով իրականացվել է խմբի առաջին՝ «Semigalls' Warchant» ալբոմի վերաթողարկումը^[1]։ Ընդ որում՝ սկզբնական ձայնագրությունները համալրվել են երաժշտական նոր նյութով, որն ստեղծվել էր հատուկ այդ ռելիզի համար^[2]։

2010 թվականին Skyforger-ը Metal Blade Records ապրանքանիշով թողարկել է իր վեցերորդ ալբոմը՝ «Kurbads»-ը, որը նվիրված է լատիշ առասպելական հերոս, դյուցազուն Կուրբադսին^[2] և երաժշտախմբի համար ունի սկզբունքային, ուղենշային նշանակություն։

2015 թվականին թողարկված «Senprūsija» ալբոմը նույնպես պատմական թեմայով է. նվիրված է Պրուսիայի պատմությանը^[2]։

Սկավառակագրություն խմբագրել

1997 — Semigall’s Warchant
1998 — Kauja pie Saules
1999 — Latviešu Strēlnieki
2003 — Pērkonkalve
2003 — Zobena Dziesma
2005 — Semigalls' Warchant (1997-ի ալբոմի վերաթողարկումը՝ համալրված նոր երգերով)
2010 — Kurbads
2015 — Senprūsija

Խմբի կազմը խմբագրել

Պետերիս Կվետկովսկիս (Pēteris Kvetkovskis) — վոկալ, կիթառ, ժողգործիքներ
Էդգարս Գրաբովսկիս (Edgars Grabovskis) — բաս-կիթառ, ժողգործիքներ
Արտուրս Յուրյանսс (Artūrs Jurjāns) — հարվածային գործիքներ
Ալվիս Բեռնանս (Alvis Bernāns) — կիթառ

Ծանոթագրություններ խմբագրել

↑ ^1,0 ^1,1 ^1,2 James Christopher. «Skyforger biography» (անգլերեն). Allmusic. Վերցված է 2015 թ․ փետրվարի 22-ին.
↑ ^2,0 ^2,1 ^2,2 ^2,3 ^2,4 ^2,5 «Skyforger biography» (անգլերեն). Skyforger. Վերցված է 2015 թ․ փետրվարի 22-ին.
↑ «Albums» (անգլերեն). Skyforger. Վերցված է 2015 թ․ փետրվարի 22-ին.

Արտաքին հղումներ խմբագրել

Պաշտոնական կայք
Sharpe-Young, Garry. «Skyforger biography» (անգլերեն). MusicMight. Արխիվացված է օրիգինալից 2012 թ․ նոյեմբերի 20-ին. Վերցված է 2012 թ․ նոյեմբերի 18-ին.

Վիքիպահեստն ունի նյութեր, որոնք վերաբերում են «Skyforger» հոդվածին։

[allm1-1] 1,0 ^1,1 ^1,2 James Christopher. «Skyforger biography» (անգլերեն). Allmusic. Վերցված է 2015 թ․ փետրվարի 22-ին.

[offbio-2] 2,0 ^2,1 ^2,2 ^2,3 ^2,4 ^2,5 «Skyforger biography» (անգլերեն). Skyforger. Վերցված է 2015 թ․ փետրվարի 22-ին.

[discog-3] «Albums» (անգլերեն). Skyforger. Վերցված է 2015 թ․ փետրվարի 22-ին.

[1]

[2]

[3]