Play No Games
«Play No Games», ամերիկացի ռեփեր Բիգ Շոնի երգը, որում իրենց մասնակցությունն ունեն նաև ամերիկացի երգիչներ Քրիս Բրաունը և Ty Dolla Sign-ը։ Այն թողարկվել է 2015 թվականի սեպտեմբերի 22-ին՝ որպես Բիգ Շոնի «Dark Sky Paradise» անվանումը կրող երրորդ ալբոմի հինգերորդ սինգլ։ Երգը գրվել է Բիգ Շոնի, Քրիս Բրաունի, Ty Dolla Sign-ի, Քեյ Ուեյնի և Ջեյ Ջոն Հենրիի կողմից։ Երգում օգտագործվել է հատված ամերիկյան Guy խմբի 1988 թվականին թողարկված «Piece Of My Love» երգի երաժշտությունից, որի արդյունքում այդ երգի հեղինակներ Թիմոթի Գեթլինի, Ջին Գրիֆինի, Աարոն Հոլի և Թեդի Ռայլիի անունները նույնպես նշվել են «Play No Games» երգի հեղինակների ցանկում[1]։
«Play No Games» | |||||
---|---|---|---|---|---|
Բիգ Շոնի, Քրիս Բրաունի և Ty Dolla Sign-ի սինգլը | |||||
«Dark Sky Paradise» ալբոմից | |||||
Թողարկված | Սեպտեմբերի 22, 2015 | ||||
Ձայնագրված | 2014 | ||||
Ժանր | Հիփ հոփ | ||||
Տևողություն | 3:37 | ||||
Լեյբլ | GOOD Music, Def Jam Recordings | ||||
Պրոդյուսեր | Քեյ Ուեյն, Ջեյ Ջոն Հենրի | ||||
Բիգ Շոնի սինգլների ժամանակագրություն | |||||
|
|||||
Քրիս Բրաունի սինգլների ժամանակագրություն | |||||
|
|||||
Ty Dolla Sign-ի սինգլների ժամանակագրություն | |||||
|
Տեսահոլովակ
խմբագրելԵրգը տեսահոլովակը, որի ռեժիսորն է Մայք Կարսոնը, ներկայացվել է 2015 թվականի հունիսի 28-ին (մինչև երգի սինգլ թողարկվելը)[2]։ Տեսահոլովակը ոգեշնչված է 1990-ականների ամերիկյան «Մարտին» սիթքոմից[2]։ Տեսահոլովակի մի փոքր հատվածում նկարահանվել են ամերիկացի ռեփեր Ֆրենչ Մոնտանան և «Մարտին» հեռուստասերիալի դերասաններ Ռեջինալդ Բալարդն ու Թոմաս Միկալ Ֆորդը[3]։ Երգիչ Ty Dolla Sign-ը չնայած չի մասնակցել հիմնական սյուժեի նկարահանմանը, սակայն առանձին նկարահանված տեսանյութով նա հայտնվում է տեսահոլովակի սկզբում։ «Մարտին» հեռուստասերիալի գլխավոր դերասան Մարտին Լոուրենսը նույնպես տեսահոլովակի նկարահանումներին չի մասնակցել, սակայն առանձին տեսանյութով հայտնվում է վերջում[4]։
Հիթ շքերթներ
խմբագրելՀիթ շքերթ (2015) | Զբաղեցրած տեղ |
---|---|
ԱՄՆ (Billboard Hot 100) | 84 |
ԱՄՆ (Billboard Hot R&B/Hip-Hop Songs) | 28 |
Ծանոթագրություններ
խմբագրել- ↑ «Bout to Blow: 10 Dope Songs You Should Be Hearing Everywhere Soon». Complex. 2015 թ․ հուլիսի 1. Վերցված է 2016 թ․ մարտի 10-ին.
- ↑ 2,0 2,1 «Big Sean Premieres 'Play No Games' Video With Chris Brown After BET Awards Performance». Rickey. 2015 թ․ հունիսի 29. Վերցված է 2015 թ․ հուլիսի 26-ին.(չաշխատող հղում)
- ↑ «Big Sean Debuts 'Martin' Themed 'Play No Games' Video, Featuring Chris Brown & Ty Dolla $ign». Billboard. 2015 թ․ հունիսի 29. Վերցված է 2015 թ․ հուլիսի 26-ին.
- ↑ «Big Sean Visits the '90s With 'Martin'-tastic Video "Play No Games"». Fuse. 2015 թ․ հունիսի 29. Վերցված է 2015 թ․ հուլիսի 26-ին.
Արտաքին հղումներ
խմբագրել- Երգի տեսահոլովակը ՅուԹյուբ վիդեոհոսթինգում
- Երգի տեքստը Արխիվացված 2015-09-06 Wayback Machine MetroLyrics կայքում