Kumo to Tulip
Kumo to Tulip (ճապ․՝ くもとちゅうりっぷ, «Սարդը և վարդակակաչը»), կարճամետրաժ անիմացիոն ֆիլմ, ստեղծվել է 1943 թվականին։ Մուլտֆիլմը նկարահանվել է Միթիկո Յոկոյամայի համանուն մանկական հեքիաթի հիման վրա։ Ռեժիսորը և բեմադրողը Քենդզո Մասաոկան է։ Մուլտֆիլմի պրեմիերան կայացել է 1943 թվականի ապրիլի 15-ին Ճապոնիայի կինոթատրոններում։
Տեսակ | կարճամետրաժ ֆիլմ |
---|---|
Ռեժիսոր | Kenzō Masaoka? |
Երկիր | Ճապոնիա |
Լեզու | ճապոներեն |
Տևողություն | 16 րոպե |
Թվական | 1943 |
Սյուժե
խմբագրելԴաշտում ապրում է զատիկը։ Մի օր նա լսում է սարդի գեղեցիկ երգը և գնում է ավելի մոտիկ։ Իրականում սարդը փորձում է գայթակղել միջատներին, որպեսզի ուտի նրանց, և այդ ընթացքում պատրաստում է սարդոստայն հաջորդ զոհի համար։ Սարդը շարունակում է գայթակղել զատիկին, բայց զատիկը վտանգ է զգում և փորձում է փախչել։ Սարդը սկսում է վազել նրա հետևից, բայց սարդոստայնի վրա ինչ-որ բան է ընկնում, և սարդը թռչում է սարդոստայնի վրա և բոժոժ հյուսում, բայց պարզվում է, որ դա փետուր է եղել։ Զատիկը թաքնվում է վարդակակաչի մեջ և սարդը փաթաթում է ծաղիկը սարդոստայնով՝ որոշելով սպասել, միչև զատիկը մահանա սովից։ Բայց սկսվում է ամպրոպ, սարդն ու նրա սարդոստայնը քշում է հեռու։ Անձրևից հետո ճանճը ազատում է վարդակակաչը սարդոստայնից, և զատիկն ազատվում է։
Ազդեցություն
խմբագրել2001 թվականին մուլտֆիլմը գրավել է չորրորդ տեղը Թոփ-100 անիմերի շարքում, որը կազմել է Animage ամսագիրը[1]։
2008 թվականին մուլտֆիլմը ցուցադրվել է Լոկառնոյի փառատոնում (Շվեյցարիա)[2] և 2011 թվականին Barbican Animation Show փառատոնում Լոնդոնում[3]։
Ծանոթագրություններ
խմբագրել- ↑ «Animage Top-100 Anime Listing» (անգլերեն). Anime News Network. 2001 թ․ հունվարի 15. Վերցված է 2012 թ․ հոկտեմբերի 11-ին.
- ↑ «Kitaro Films, WWII Anime to Play at Locarno Film Fest» (անգլերեն). Anime News Network. 2008 թ․ հուլիսի 31. Վերցված է 2012 թ․ հոկտեմբերի 11-ին.
- ↑ «Anime Included in Barbican Animation Show» (անգլերեն). Anime News Network. 2011 թ․ հունիսի 19. Վերցված է 2012 թ․ հոկտեմբերի 11-ին.