Ice Princess (երգ)
«Ice Princess» (հայերեն՝ «Սառցե արքայադուստր»), ամերիկացի ռեփեր Ազիլիա Բենքսի երգը։ Այն թողարկվել է 2015 թվականի մարտի 23-ին՝ որպես նրա դեբյուտային «Broke with Expensive Taste» ստուդիական ալբոմի չորրորդ սինգլ։
| «Ice Princess» | |||||
|---|---|---|---|---|---|
| Ազիլիա Բենքսի սինգլը | |||||
| «Broke with Expensive Taste» ալբոմից | |||||
| Թողարկված | Մարտի 23, 2015 | ||||
| Ձայնագրված | 2012 | ||||
| Ժանր | Թրեպ | ||||
| Տևողություն | 3:43 | ||||
| Լեյբլ | Azealia Banks Records, Caroline Records, Prospect Park | ||||
| Պրոդյուսեր | AraabMuzik | ||||
| Ազիլիա Բենքսի սինգլների ժամանակագրություն | |||||
|
|||||
Կառուցվածք
խմբագրել.jpg)
Երգը գրվել է Ազիլիա Բենքսի, Քևին Ջեյմսի և Ջոնաթան Հարիսի կողմից, իսկ երգի պրոդյուսերն է AraabMuzik-ը։ Երգում Բենքսը պարծենում է իր հարստությամբ[1]։ Ըստ «Spin» ամսագրի լրագրող Կարլի Բրենանի՝ սա թրեպ ժանրի երգ է[2]։ Երգի երաժշտությունն ու կրկներգը վերցված է ամերիկացի պրոգրեսիվ հաուս դիջեյ Մորգան Փեյջի «In the Air» երգից, որը թողարկվել է 2011 թվականին։
Տեսահոլովակ
խմբագրել.png)
Երգի տեսահոլովակը, որի ռեժիսորն է WeWereMonkeys դուետը[3], նկարահանվել է 2015 թվականի փետրվարի սկզբին և ներկայացվել է մարտի 31-ին Բենքսի VEVO ալիքում[4]։ Տեսահոլովակի նկարահանումից առաջ Բենքսը լուսանկարներ է հրապարակում համացանցում, որոնցում նրա դեմքը սպիտակեցված է ներկով։ Այդ լուսանկարները քննադատության են արժանանում լրատվամիջոցների և հանդիսատեսի կողմից, քանի որ Բենքսը գրում է, որ ունի «ստիպակ դեմք»[5]։ Ի վերջո Բենքսը պարզաբանում է, որ փորձել է ծաղրել լրատվամիջոցներին և իրականում դրանք նրա չվերջացրած դիմահարդարումից են «Ice Princess» տեսահոլովակի նկարահանման համար։
Տեսահոլովակում Բենքսը սառցե մեդուսա է, ում մազերը վերածվել են օձերի։ Նա ունի ռոբոտների իր բանակը, որոնց հետ միասին պայքարում է գույնզգույն ամպեր ժայթքող հրաբխի դեմ։ Բենքսը նստելով իր սառցե հսկա օձի վրա դուրս է գալիս ճակատամարտի հրաբխի դեմ։ Նա հրաբխի արտադրած գույնզգույն ամպերի մի մասը վերածում է սառույցի, սակայն վերջում պարտվում է, քանի որ հրաբուխը ժայթքում է ավելի մեծ թվով ամպեր և Բենքսը հալվում է։
Կենդանի կատարումներ
խմբագրել2015 թվականի ապրիլի 10-ին Բենքսը կատարել է երգը Coachella փառատոնի ժամանակ[6], իսկ նույն տարվա հուլիսի 10-ին նաև Bilbao BBK Live փառատոնի ժամանակ, որը անցկացվել է Իսպանիայի Բիլբաո քաղաքում[7]։ Երգը նաև ներառված է եղել Բենքսի Broke with Expensive Taste Tour համերգային շրջագայության երգացանկում։
Ստեղծագործական կազմ
խմբագրել- Ազիլիա Բենքս - հեղինակ, կատարող
- Քևին Ջեյմս - հեղինակ
- Ջոնաթան Հարիս - հեղինակ
- AraabMuzik - պրոդյուսեր
- WeWereMonkeys - տեսահոլովակի ռեժիսոր
Այլ նշումներ
- Երգում օգտագործվել է դիջեյ Մորգան Փեյջի «In the Air» երգի երաժշտությունն ու կրկներգը։
Ծանոթագրություններ
խմբագրել- ↑ Sargent, Jordan (2014 թ․ նոյեմբերի 12). «Azealia Banks - 'Ice Princess'». Pitchfork Media. Վերցված է 2015 թ․ օգոստոսի 7-ին.
- ↑ Carley, Brennan (2014 թ․ նոյեմբերի 6). «Azealia Banks Silences Haters on Debut 'Broke With Expensive Taste'». Spin. Վերցված է 2015 թ․ օգոստոսի 7-ին.
- ↑ Camp, Zoe (2015 թ․ մարտի 31). «Azealia Banks is a Frozen Medusa in "Ice Princess" Video». Pitchfork Media. Վերցված է 2015 թ․ օգոստոսի 7-ին.
- ↑ «Video: Azealia Banks – 'Ice Princess'». Rap-Up. 2015 թ․ մարտի 31. Վերցված է 2015 թ․ օգոստոսի 7-ին.
- ↑ Stutz, Colin (2015 թ․ փետրվարի 2). «Azealia Banks Isn't in Whiteface, She's an Ice Princess». Billboard. Վերցված է 2015 թ․ օգոստոսի 8-ին.
- ↑ Horowitz, Steven (2015 թ․ ապրիլի 10). «No More Drama: Azealia Banks Electrifies at Coachella». Billboard. Վերցված է 2015 թ․ օգոստոսի 8-ին.
- ↑ «Alt-j and Azealia Banks lead the latest Line-up announcment». Bilbao BBK Live. Արխիվացված է օրիգինալից 2015 թ․ սեպտեմբերի 30-ին. Վերցված է 2015 թ․ օգոստոսի 8-ին.
Արտաքին հղումներ
խմբագրել- Երգի տեսահոլովակը ՅուԹյուբ վիդեոհոսթինգում
- Երգի բառերը Արխիվացված 2015-09-05 Wayback Machine MetroLyrics կայքում