Hesburger
Hesburger (Հեսբուրգեր), ֆիննական արագ սննդի ռեստորանների ցանց, կենտրոնական գրասենյակը գտնվում է Տուրկուում։
Hesburger | |
|---|---|
 | |
 | |
| Տեսակ | Հասարակական սնունդ |
| Հիմնադրված է | 1966 թվականին |
| Հիմնադիր | Heikki Salmela? |
| Վայր |  Ֆինլանդիա. Տուրկու |
| Երկիր | Ֆինլանդիա |
| Տնօրեն | Աարնե Ախո |
| Արդյունաբերություն | fast food industry? |
| Արտադրանք | արագ սնունդ |
| Գործառնական շահույթ | €150 մլն (2008) |
| Աշխատողների թիվ | 4000 (2007) |
| Կայք | www.hesburger.ru |
 Hesburger Վիքիպահեստում | |
Բուրգերների վաճառքով զբաղվող ֆիննական ռեստորանների ամենամեծ ցանցը։ Տեղական շուկայում առաջ անցավ այս ոլորտի այնպիսի հսկաներից, ինչպիսին McDonald’s-ն է։ Գոյություն ունեն ինչպես սեփական կետեր, այնպես էլ բաց կետեր ֆրանչայզինգային տարբերակով։ Ցանցի ռեստորանների մեծամասնությունը ապահովված է Wi-Fi-ով, որոշները օգտագործում են RFID-տարբերանշաններ և այլ թվային տեխնոլոգիաներ՝ հաճախորդներին արագ սպասարկելու համար։ Ինչպես նաև գոյություն ունի Hesburger Hotel հյուրանոցը, որը գտնվում է Տուրկուում։ Հյուրանոցի առաջին հարկում գործում է շուրջօրյա ռեստորան, հյուրանոցի բոլոր համարները առաջարկում են համացանցից անվճար օգտվելու հնարավորություն։
Պատմություն խմբագրել
Հիմնադրվել է 1966 թվականին Հեյկի Սելմելայի կողմից։ Սկզբում եղել է արագ սննդի փոքրիկ տաղավար Նաանթալիում։ 1980 թվականին Սալմելան Տուրկուում բացեց ռեստորան Hesburger անունով, դնելով ապագա ցանցի առաջին կետը։
Մինչև 1992 թվականը հաշվվում էր Hesburger-ի 12 ռեստորան, սակայն հաջորդ 10 տարիներին ցանցը ընդլայնվեց և Ֆինլանդիայի 60 քաղաքներում բացվեցին 200 ռեստորաններ, 2002 թվականին կուլ տալով գլխավոր մրցակից Carrols-ին։ Hesburger-ը նաև ընդլայնվեց դեպի միջազգային շուկաներ, բացելով ռեստորաններ Բալթյան երկրներում և Գերմանիայում, ավելի ուշ`այլ երկրներում։ Կարճ ժամանակով Hesburger-ը ներկայացվեց Սիրիայում, Ղազախստանում և Թուրքիայում, սակայն նախագծերը փակվեցին։
Գործունեությունը երկրներում խմբագրել
Ցանցը բաղկացած է ավելի քան 400 ռեստորանից աշխարհի 8 երկրներում, որոնցից մոտ կեսը գտնվում են Ֆինլանդիայում, ավելի քան 100 ռեստորան Բալթյան երկրներում, 30 կետ Ռուսաստանում (ֆրանշիզան Ռուսաստանում պատկանում է «Օստանկինո»[1] մսաարդյունաբերական ընկերությանը, կան մի քանի ռեստորաններ Գերմանիայում, Ուկրաինայում, մեկ ռեստորան Բելառուսում[2]):
Նախկինում ցանցը գործել է Սիրիայում (2004—2006), Ղազախստանում (2014—2015) և Թուրքիայում (մինչև 2015 թվականը)։ Հետագայում պլանավորվում է բացել ռեստորաններ Լեհաստանում և Հունգարիայում։
Ծանոթագրություններ խմբագրել
- ↑ Կսենիա Շամակինա (2012 թ․ հունվարի 24). ««Велком» разложит мясо по тарелкам». Коммерсант, №11, стр. 10. Վերցված է 2015 թ․ հունիսի 28-ին.
- ↑ Քրիստինա Կորբաչ (2017 թ․ հունվարի 15). «В конце января в Минске откроется очередной западный фастфуд». Афиша. Արխիվացված է օրիգինալից 2017 թ․ հունվարի 16-ին. Վերցված է 2017 թ․ հունվարի 15-ին.