Animal I Have Become
«Animal I Have Become», Three Days Grace-ի երկրորդ ստուդիական` One-X ալբոմի առաջատար սինգլը։ Ի տարբերություն շատ սինգլների, այն չի թողարկվել խանութներում և ունեցել է միայն մեկ թրեք։ Երգը ցուցադրվել է WWE SmackDown vs. Raw 2007 և SSX on Tour վիդեոխաղերում։ Երգը զբաղեցրել է ԱՄՆ-ի Mainstream Rock Tracks հիթ-շքերթի առաջին հորիզոնականը յոթ շաբաթ շարունակ և ԱՄՆ-ի Modern Rock Tracks հիթ-շքերթի առաջին տեղը՝ երկու շաբաթ շարունակ։ Ադամ Գոնթյեն հայտարարել է, որ այն ժամանակ, երբ նա գրել է երգը, եղել է Օքսիկոդոն ցավազրկողի ազդեցության տակ, զայրացած և վիրավորված։ Նա չէր հասկանում, թե ինչ էր դարձել։ Նա անվանել է այն «կենդանի, որը ես դարձել եմ» («Animal I Have Become»), գտնվելով վերականգնողական կենտրոնում[1]։ Դա խմբի չորրորդ մասնակցի՝ Բարի Սթոքի հետ եղել է չորրորդ սինգլը։
«Animal I Have Become» | ||||
---|---|---|---|---|
Three Days Graceի երգը | ||||
Թողարկված | 2006, ապրիլի 18 | |||
Ֆորմատ | CD, թվային ներբեռնում | |||
Ժանր | Նու մետալ, Ալտերնատիվ մետալ | |||
Տևողություն | 3:51 | |||
Լեյբլ | Jive Records | |||
Հեղինակ | Ադամ Գոնթյե, Բարի Սթոք | |||
Ժամանակագրություն | ||||
|
Տարբերակներ
խմբագրել2005 թվականի վերջին խումբը կատարել է երգի այլընտրանքային տարբերակը իր համերգների ժամանակ, որտեղ օգտագործել են այլ տեքստ։ «Animal I Have Become» և «Pain» սինգլները թողարկվել են ակուստիկ ձևաչափով և մատչելի են եղել այնպիսի օնլայն խանութներում, ինչպիսին է iTunes-ը։ Քրիստոնեական ApologetiX խումբը ձայնագրել է «Animal I Have Become» երգի ծաղրանմանակումը՝ «Animals I Have Begun» անվանումով, 2008 թվականին «Future Tense» ալբոմում։
Տեսահոլովակ
խմբագրելՏեսահոլովակի մեջ ռեժիսորը եղել է Դին Քարնը, իսկ գլխավոր կերպարը երգիչ Ադամ Գոնթյեն։ Տեսահոլովակը սկսում է նրանով, որ Գոնթյեն քնած է իր սենյակում։ Նրա վրա պառկած է մի հրեշային էակ, որի հետ նա փորձում է պայքարել։ Հետո նա կանգնում, հագնվում և սկսում է քայլել Օնտարիոյի կենտրոնական փողոցներով։ Նա սկսում է նայել հայելիների մեջ և ուրիշ արտացոլող առարկաների վրա, նորից տեսնելով իրեն հրեշային էակի տեսքով՝ մեռած աչքերով, բերանի փոխարեն՝ մեծ ատամներ ունեցող բաց երախով։ Ադամը քայլում է տարբեր տեղերով, հրելով բոլորին, ով հայտնվում է նրա առջև։ Այս ամենը ավարտվում է նրանով, որ նա բարում հանդիպում է մի աղջկա, որը նմանություն ուներ հրեշի հետ։ Նա վախենում է և սկսում գոռալ, շրջելով սեղանը և նետելով աթոռը դեպի պատուհանը։ Գոնթյեն իմանում է, որ այդ ամբողջը երազ էր, բայց նրա սենյակը անկանոնության մեջ էր։ Տեսահոլովակւ ընթացքում ցուցադրվում են տեսարաններ, որտեղ խումբը նվագում է։
Անդամներ
խմբագրել- Ադամ Գոնթյե՝ գլխավոր վոկալ
- Բարի Սթոք՝ գլխավոր կիթառ
- Բրեդ Ուելսթ՝ բաս կիթառ
- Նեյլ Սանդերսոն՝ հարվածայիններ, բեք վոկալ
Հիթ-շքերթներ
խմբագրելՀիթ-շքերթ(2006) | Ամենաբարձր
հորիզոնական |
---|---|
Billboard Hot 100 | 60 |
Billboard Modern Rock Tracks | 1 |
Billboard Mainstream Rock Tracks | 1 |
Հավաստագրեր
խմբագրելՏարածաշրջան | Հավաստագրում | Վաճառք |
---|---|---|
Կանադա (Music Canada)[2] | 2× Platinum | 160 000^ |
ԱՄՆ (RIAA)[3] | 2× Platinum | 2 000 000^ |
^Տվյալները հիմնված են միայն հավաստագրումների վրա։ |
Ծանոթագրություններ
խմբագրել- ↑ Karen Bliss (2007 թ․ մարտի 30). «CANOE - JAM! Music - Karen Bliss's Lowdown: Insider Canadian music news: 3DG doc aims to help addicts». Jam.canoe.ca. Վերցված է 2009 թ․ դեկտեմբերի 13-ին.
- ↑ «Canadian single certifications – Three Days Grace – Animal I Have Become». Music Canada.
- ↑ «American single certifications – Three Days Grace – Animal I Have Become». Recording Industry Association of America.