Ֆիրդուսի Հարությունյան

Ֆիրդուսի Գրիշայի Հարությունյան (1947, Դողս, Էջմիածնի շրջան, Հայկական ԽՍՀ, ԽՍՀՄ), հայ այգեգործ, գյուղտնտեսական գիտությունների դոկտոր (2005), Խաղողագործության և գինեգործության միջազգային ակադեմիայի իսկական անդամ (2006)։

Ֆիրդուսի Հարությունյան
Ծնվել է	1947 Դողս, Էջմիածնի շրջան, Հայկական ԽՍՀ, ԽՍՀՄ
Մասնագիտություն	այգեգործ
Ալմա մատեր	Հայաստանի ազգային ագրարային համալսարան

Կենսագրություն

Ֆիրդուսի Հարությունյանը ծնվել է 1947 թվականին, Արմավիրի մարզի Դողս գյուղում։ 1974 թվակնին ավարտել է Հայաստանի ազգային ագրարային համալսարանը։ 1975-1987 ին եղել է հայրենի գյուղի կոլտնտտեսության վարչության նախագահ, 1987-1990 թվականներին՝ Էջմիածնի շրջգործկոմի նախագահի տեղակալ, 1990-1995 թվականներին զբաղեցրել է «Զվարթնոց» ագրոարդյունաբերական համալիրի գլխավոր տնօրենը, 1995-1996 թվականներին՝ Էջմիածնի շրջգյուղվարչության պետ։ 2002 թվականին նշանակվել է Հայաստանի գյուղատնտեսության նախարարության Խաղողապտղագինեգործության գիտական կենտրոնի (այժմ՝ Հայաստանի ազգային ագրարային համալսարանի մասնաճյուղ) տնօրեն։

Ֆիրդուսի Հարությունյանի աշխատանքները վերաբերում են խաղողի ագրոտեխնիկական միջոցառումների կատարելագործման հարցերին։

Արտաքին հղումներ

• Խաղողի նոր սորտերի բազմացման և մշակության ագրոկենսաբանական ու ֆիզիոլոգիական հիմունքները Արխիվացված 2023-08-05 Wayback Machine

Այս հոդվածի կամ նրա բաժնի որոշակի հատված վերցված է «Գյուղատնտեսական հանրագիտարանից», որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։