Ֆեդորա Բարբիերի
Ֆեդորա Բարբիերի (իտալերեն՝ Fedora Barbieri, հունիսի 4, 1920[1][2][3][…], Տրիեստ, Իտալիայի թագավորություն[4] - մարտի 4, 2003[1][2][3][…], Ֆլորենցիա, Իտալիա[4]), իտալացի օպերային երգչուհի (մեցցո-սոպրանո)։
Ֆեդորա Բարբիերի | |
---|---|
Ծնվել է | հունիսի 4, 1920[1][2][3][…] Տրիեստ, Իտալիայի թագավորություն[4] |
Երկիր | ![]() ![]() |
Մահացել է | մարտի 4, 2003[1][2][3][…] (82 տարեկան) Ֆլորենցիա, Իտալիա[4] |
Ժանրեր | օպերա |
Մասնագիտություն | օպերային երգչուհի |
Երգչաձայն | կոնտրալտո և մեցցո-սոպրանո |
Գործիքներ | վոկալ |
Ստորագրություն | |
![]() |
20-րդ դարի 50-60-ական թթ. համարվել է մեցցո-սոպրանո ձայն ունեցող լավագույն իտալական երգչուհիներից մեկը։ Երգացանկը հիմնականում ընդգրկել է իտալացի կոմպոզիտորների (Ջուզեպպե Վերդի, Ջակոմո Պուչչինի և այլն) ստեղծագործությունները։ Հաճախ հանդես է եկել Մարիա Կալլասի հետ նույն ներկայացումներում՝ ինչպես բեմի վրա, այնպես էլ մի շարք ձայնագրություններում։
Նրա առավել հայտնի դերերգերից են Ամներիսը (Վերդի, «Աիդա»), Ազուչենան (Վերդի, «Տրուբադուր»), Տիկին Քվիքլին (Վերդի, «Ֆալստաֆ»), Էբոլին (Վերդի, «Դոն Կարլոս»), Ուլրիկան (Վերդի, «Պարահանդես-Դիմակահանդես»)։ 1951 թ. մասնակցել է Վերդիի «Ռեքվիեմի» կատարմանն ու ձայնագրությանը Արտուրո Տոսկանինիի ղեկավարությամբ (ձայնագրությունը թողարկվել է)։