Սուրբ Պողոս առաքյալ օդանավակայան
Սուրբ Պողոս առաքյալ օդանավակայան (մակեդոներեն՝ Аеродром Охрид "Св. Апостол Павле") նաև հայտնի է որպես Օխրիդի օդանավակայան (մակեդոներեն՝ Аеродром Охрид), օդային դարպաս Հյուսիսային Մակեդոնիայում՝ Օխրիդից 9 կմ հյուսիս-արևմուտք և մայրաքաղաք Սկոպիեից 145 կմ հարավ-արևմուտք՝ Օխրիդ-Կիչևո-Սկոպիե ճանապարհին։ Այն հանրապետության երկրորդ խոշոր օդանավակայանն է՝ զիջելով միայն մայրաքաղաքի օդային դարպասին։
Սուրբ Պողոս առաքյալ օդանավակայան | |||
|---|---|---|---|
| |||
| IATA: OHD – ԻԿԱՕ: LWOH | |||
| Ամփոփում | |||
| Օդակայանի տեսակ | քաղաքացիական | ||
| Սեփականատեր | TAV Airports | ||
| Օպերատոր | TAV Airports | ||
| Ծառայում է | Օխրիդ | ||
| Տեղագրություն | Հյուսիսային Մակեդոնիա | ||
| Կառուցված | 1952 | ||
| Բարձրացում ԲԾՄ | {{{elevation-f}}} ֆտ / 705 մ | ||
| Կայք | |||
Պատմություն
խմբագրելՕխրիդի օդանավակայանը բացվել է 1952 թվականին Հարավսլավիայի անդամ Մակեդոնիայում։ Այն ժամանակ դա գտնվում էր Գորենզի և Օրովնիկ գյուղերի միջև։ Սկզբում կար 900 մետրանոց թռիչքուղի։ Առաջին միջազգային թռիչքը տեղի է ունեցել 1953 թվականի հուլիսի 5-ին։ Օդանավակայանի վերջնական վերանորոգումն ավարտվել է 2004 թվականին, երբ տեղադրվել է լուսավորության նոր համակարգ։
2008 թվականին Մակեդոնիայի Հանրապետության կառավարությունը 20 տարվա պայմանագիր է կնքել թուրքական Tepe Akfen Ventures ավիաընկերության հետ՝ Օխրիդի և Սկոպիեի օդանավակայանների պահպանման, ինչպես նաև հետագա արդիականացման համար։ Հետագայում նախատեսվում է Օխրիդի օդանավակայանում կառուցել նոր տերմինալ և բարելավել VIP հատվածները, իսկ այս ծրագրի շրջանակներում նախատեսվում է ընդլայնել Սկոպիեի օդանավակայանը և երրորդ օդանավակայան կառուցել Շտիպ քաղաքում։ Ամբողջ ծրագրի արժեքը 200 միլիոն եվրո է։
Հնարավորություններ
խմբագրելՕդանավակայանում կարող են տեղավորվել ինչպես փոքր, այնպես էլ միջինից մեծ ինքնաթիռներ։ Կայքը նախատեսված է առավելագույնը 9 ինքնաթիռի համար, տերմինալը տարեկան կարող է ընդունել մինչև 400 հազար ուղևոր։ Օդանավակայանում կա տեղեկատվական գրասեղան, ռեստորան, անմաքս խանութ և VIP ժամանցի ակումբ։
Թռիչքներ
խմբագրել| Ավիաընկերություն | Ուղղություն |
|---|---|
| Air Serbia | Սեզոնային՝ Բելգրադ[1] |
| Arkia Israel Airlines | Սեզոնային՝ Թել Ավիվ[2] |
| Corendon Dutch Airlines | Սեզոնային՝ Ամստերդամ |
| Helvetic Airways | Ցյուրիխ |
| Nordica | Սեզոնային՝ Տալլին |
| TUI Airlines Netherlands | Ամստերդամ |
| Wizz Air | Սեզոնային՝ Բազել-Մյուլուզ-Ֆրայբուրգ Լոնդոն (Լութոն) |
Վիճակագրություն
խմբագրելՈւղևորների քանակ ըստ տարիների։
| Տարի | Ուղևոր | Փոփոխություն |
|---|---|---|
| 1990 | 67 811 | |
| 1991 | 60 440 | ▼10,9 % |
| 1992 | 34 344 | ▼43,2 % |
| 1993 | 48 022 | ▲39,8 % |
| 1994 | 18 681 | ▼61,1 % |
| 1995 | 39 270 | ▲110,2 % |
| 1996 | 104 229 | ▲165,4 % |
| 1997 | 42 544 | ▼59,2 % |
| 1998 | 55 417 | ▲30,3 % |
| 1999 | 74 497 | ▲34,4 % |
| 2000 | 65 941 | ▼11,5 % |
| 2001 | 53 954 | ▼18,2 % |
| 2002 | 60 209 | ▲11,6 % |
| 2003 | 51 082 | ▼15,5 % |
| 2004 | 32 309 | ▼36,8 % |
| 2005 | 53 901 | ▲66,8 % |
| 2006 | 50 336 | ▼6,6 % |
| 2007 | 45 515 | ▼9,6 % |
| 2008 | 44 413 | ▼2,4 % |
| 2009 | 33 873 | ▼23,7 % |
| 2010 | 14 095 | ▼58,4 % |
| 2011 | 78 246 | ▲455,1 % |
| 2012 | 84 736 | ▲8,3 % |
| 2013 | 83 060 | ▼2,0 % |
| 2014 | 69 984 | ▼15,7 % |
| 2015 | 107 916 | ▲54,2 % |
| 2016 (հունվարի 1 — մարտի 31) | 11 903 | ▲161,1 % |
Ցամաքային տրանսպորտ
խմբագրելՕդանավակայանում գործում է ավտոբուս, որը ուղևորներին տեղափոխում է օդանավակայանի և քաղաքի միջև՝ մեկնելով չորեքշաբթի և կիրակի օրերին։ Ավտոբուսի չվացուցակը որոշվում է դեպի Բազել և Լոնդոն Wizzair-ի թռիչքներով, և՛ դեպի և հակառակ ուղղությամբ։
Միջադեպեր
խմբագրել1993 թվականի նոյեմբերի 20-ին Յակ-42[3] ինքնաթիռը Ժնևից Սկոպիե թռչելիս Օխրիդի օդանավակայանի մոտ վթարի է ենթարկվել։ Եղանակային վատ պայմանների պատճառով ինքնաթիռը հարկադրված վայրէջք է կատարել Օխրիդում[4], սակայն մխրճվել է Տրոյան լեռան մեջ։ Պատճառը անձնակազմի սխալն է եղել, որը սխալ է հասկացել դիսպետչերի հրահանգները։ Զոհվել է 124 մարդ, այդ թվում՝ անձնակազմի 8 անդամ[5]։ Ուղևորներից մեկը ողջ է մնացել վթարից, սակայն 11 օր անց հիվանդանոցում գիտակցության չգալով մահացել է[6]։
Ծանոթագրություններ
խմբագրել- ↑ Air Serbia: Belgrade - Ohrid Արխիվացված 2016-03-26 Wayback Machine(անգլ.)
- ↑ «Израелски „Arkia International" од идната сезона воспоставува директна авиолинија за Охрид». Արխիվացված է օրիգինալից 2016 թ․ մարտի 4-ին. Վերցված է 2024 թ․ մայիսի 21-ին.
- ↑ Fatal Events with a Sole Survivor Արխիվացված 2016-04-16 Wayback Machine(անգլ.)
- ↑ «ASN Aircraft accident Yakovlev 42D RA-42390 Ohrid:». Արխիվացված օրիգինալից 2013 թ․ հոկտեմբերի 28-ին. Վերցված է 2016 թ․ ապրիլի 21-ին.
- ↑ «One survives crash; 115 die». Արխիվացված օրիգինալից 2022 թ․ մայիսի 30-ին. Վերցված է 2017 թ․ հոկտեմբերի 3-ին.
- ↑ «Crash survivor dies». Արխիվացված օրիգինալից 2020 թ․ մարտի 31-ին. Վերցված է 2017 թ․ հոկտեմբերի 3-ին.
Արտաքին հղումներ
խմբագրել- Страница аэропрорта на сайте TAV Skopje Արխիվացված 2012-04-14 Wayback Machine(անգլ.)
 | Վիքիպահեստն ունի նյութեր, որոնք վերաբերում են «Սուրբ Պողոս առաքյալ օդանավակայան» հոդվածին։ |