Օլիվիա Ջորդան
Օլիվիա Ջորդան Թոմաս (անգլ.՝ Olivia Jordan Thomas, սեպտեմբերի 28, 1988[1], Թալսա[2]), ամերիկացի ֆոտոմոդել և դերասանուհի։ «Միսս ԱՄՆ 2015» գեղեցկության մրցույթի հաղթող։ «Միսս Տիեզերք 2015» մրցույթի մասնակից։ «Միսս Աշխարհ 2013» մրցույթում ներկայացրել է նաև ԱՄՆ-ը։
| Օլիվիա Ջորդան | |
|---|---|
 | |
| Ծնվել է | սեպտեմբերի 28, 1988[1] (35 տարեկան) |
| Ծննդավայր | Թալսա[2] |
| Քաղաքացիություն |  ԱՄՆ |
| Մայրենի լեզու | անգլերեն |
| Կրթություն | Բոստոնի համալսարան, Bishop Kelley High School? և Monte Cassino School? |
| Մասնագիտություն | գեղեցկության մրցույթի մասնակից, դերասանուհի, մոդել, հեռուստատեսային դերասանուհի և կինոդերասանուհի |
| Պարգևներ և մրցանակներ | |
 Olivia Jordan Վիքիպահեստում | |
Կենսագրություն խմբագրել
Օլիվիա Թոմասը ծնվել և մեծացել է Օկլահոմա նահանգի Թալսա քաղաքում։ Նրա ծնողները՝ Բոբ և Ջիլ Թոմասներն են, հայրը ուսանողական տարիներին Թալսայի համալսարանի ֆուտբոլային թիմի խաղացող էր[3]։ Օլիվիան սովորել է Թալսի եպիսկոպոս Քելիի ավագ դպրոցում, որտեղ եղել է աշակերտական խորհրդի անդամ[3], թենիսի թիմի անդամ և չիրլիդերների թիմի ավագը։ Դպրոցն ավարտելուց հետո ընդունվել Է Բոստոնի համալսարան։
Համալսարանում ուսանելու ժամանակ նա աշխատել է որպես ֆիթնես-հրահանգիչ և անձնական մարզիչ, այդ ժամանակ էլ հայտնվել է «Գիրուկը ռինգում» և «Թեդ» ֆիլմերի նկարահանումների ժամանակ, որտեղ նկարահանվել է էպիզոդիկ դերերում։ 2011 թվականի մայիսին նա ավարտել է համալսարանը բժշկական գիտությունների բակալավրի աստիճանով, այնուհետև տեղափոխվել Լոս Անջելես՝ մոդել և դերասանուհի դառնալու նպատակով։
Երբ Օլիվիան փորձում էր դառնալ կինոդերասանների գիլդիայի անդամ, նա իմացավ, որ ոմն Օլիվիա Թոմաս արդեն գրանցված է այնտեղ, այդ պատճառով սկսեց օգտագործել միջին անունը ազգանվան փոխարեն և հայտնի դարձավ որպես Օլիվիա Ջորդան[4]։
2013 թվականին Ջորդանը մասնակցել է «Միսս Կալիֆորնիա ԱՄՆ» գեղեցկության մրցույթին, որտեղ զբաղեցրել է երկրորդ տեղը։ Նույն թվականին նա ԱՄՆ-ին ներկայացրել է «Միսս Աշխարհ» մրցույթում[5], որտեղ ընդգրկվել է առաջին քսանյակում։ 2015 թվականին Ջորդանը հաղթել է «Միսս Օկլահոմա» մրցույթում և նույն թվականին հաղթել «Միսս ԱՄՆ» մրցույթում, որը տեղի է ունեցել Բաթոն Ռուժում[6]։
Ջորդանը նկարահանվել է Cosmopolitan, Shape ամսագրերի և Ճապոնական Vogue տարբերակի համար[3]։ 2015 թվականին նա մասնակցել է նորաձևության ցուցադրությանը։ Շերի Հիլը Նյու Յորքի նորաձևության շաբաթվա շրջանակներում։
Օլիվիան Children of the Night կազմակերպության ակտիվ անդամ է, որը պայքարում է մանկական մարմնավաճառության դեմ ԱՄՆ-ում, և Alzheimer's Association-ը, որի համար նա 2015 թվականին օգնել է 1,3 միլիոն դոլար հավաքել[5]։
Ջորդանը նաև փոքր դերեր է կատարել «Ջոբս։ Գայթակղության կայսրություն», «Ժամանակի մեքենա ջակուզիում 2» ֆիլմերում և «Առաջին աստիճանի սպանություն» սերիալում։
Ֆիլմագրություն խմբագրել
| Տարի | Հայերեն անվանում | Բնօրինակ անվանում | Դեր | |
|---|---|---|---|---|
| 2012 | ֆ | Թեդ (ֆիլմ) | Ted | երեկույթի աղջիկը |
| 2012 | ֆ | Գիրուկը ռինգում | Here Comes the Boom | աղջիկը ռինգում |
| 2013 | ֆ | Ջոբս։ Գայթակղության կայսրություն | Jobs | աղջիկը ննջասենյակում |
| 2014 | ս | Առաջին կարգի սպանություն | Murder in the First | Ջեսսիկա (2 էպիզոդ) |
| 2014 | ֆ | 10,0 մեծ | 10.0 Earthquake | ֆելիսիա |
| 2015 | ֆ | Ժամանակի մեքենա ջակուզիում 2 | Hot Tub Time Machine 2 | հարսի ընկերուհի |
Ծանոթագրություններ խմբագրել
- ↑ 1,0 1,1 Internet Movie Database — 1990.
- ↑ 2,0 2,1 2,2 Freebase տվյալների վերբեռնում — Google.
- ↑ 3,0 3,1 3,2 Weigle, Lauren. (2015 թ․ հուլիսի 12). «Miss USA 2015 Olivia Jordan: 5 Fast Facts You Need to Know» (անգլերեն). Heavy. Վերցված է 2016 թ․ սեպտեմբերի 26-ին.
- ↑ Tramel, Jimmie. (2015 թ․ հուլիսի 14). «Pop culture: Tulsans know Miss USA by another name» (անգլերեն). Tulsa World. Վերցված է 2016 թ․ սեպտեմբերի 26-ին.
- ↑ 5,0 5,1 Eidell, Lynsey. (2015 թ․ հուլիսի 13). «Everything You Need to Know About Miss USA 2015, Miss Oklahoma Olivia Jordan» (անգլերեն). Glamour. Վերցված է 2016 թ․ սեպտեմբերի 26-ին.
- ↑ Plucinska, Joanna. (2015 թ․ հուլիսի 12). «Miss Oklahoma Olivia Jordan Is the Winner of the Miss USA Pageant 2015» (անգլերեն). Time. Վերցված է 2016 թ․ սեպտեմբերի 26-ին.
Արտաքին հղումներ խմբագրել
- Օլիվիա Ջորդան Internet Movie Database կայքում
 | Վիքիպահեստն ունի նյութեր, որոնք վերաբերում են «Օլիվիա Ջորդան» հոդվածին։ |