Բացել գլխավոր ցանկը

Քրոմական անհիդրիդ, քրոմի (VI) օքսիդ, CrՕ3, մուգ կարմիր բյուրեղներ են, հալման ջերմաստիճանը՝ 198 °C, խտությունը՝ 2800 կգ/մ3։ Լուծվում է ջրում՝ առաջացնելով քրոմական թթուներ։ Ուժեղ օքսիդիչ է, թունավոր։ Ստացվում է խիտ ծծմբական թթվի և նատրիումի երկքրոմատի (Na2Cr2Օ7) փոխազդեցությամբ։ Օգտագործվում է օծանելիքի և դեղանյութերի արդյունաբերության մեջ, նաև յուղերը, ճարպերը, մոմանյութը, պարաֆինը գունազրկելու, օրգանական նյութերը օքսիդացնելու, որպես ժանտանյութ՝ կտորեղենը ներկելու, գունակիր՝ խեցեղենը, ապակին և ռետինը գունավորելու համար։ Մտնում է մետաղները պասսիվացնող խառնուրդների բաղադրության մեջ։ Ջրային լուծույթը էլեկտրոլիզելով ստանում են քրոմ և քրոմական ծածկույթներ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 12, էջ 496 CC-BY-SA-icon-80x15.png