Քրիս Ալեքսանդր
Քրիս Ալեքսանդր (անգլ.՝ Cris Alexander, հունվարի 14, 1920[1][2], Թալսա - մարտի 7, 2012[3][1][2], Սարատոգա Սփրինգս, Սարատոգա շրջան, Նյու Յորք, ԱՄՆ), ամերիկացի դերասան, երգիչ, պարող, դիզայներ և լուսանկարիչ։
 | |
|---|---|
 | |
| Ծնվել է | հունվարի 14, 1920[1][2] |
| Ծննդավայր | Թալսա |
| Մահացել է | մարտի 7, 2012[3][1][2] (92 տարեկան) |
| Մահվան վայր | Սարատոգա Սփրինգս, Սարատոգա շրջան, Նյու Յորք, ԱՄՆ |
| Քաղաքացիություն |  ԱՄՆ |
| Մասնագիտություն | լուսանկարիչ, թատրոնի դերասան և դիզայներ |
Կենսագրություն խմբագրել
Քրիս Ալեքսանդրը ծնվել է Օկլահոմա Թալսա քաղաքում, 1920 թվականին։ Դեռահաս տարիքում օգտագործել է Քրիստոֆեր անունը։
Հաճախել է Օկլահոմայի համալսարան, որպես ռադիոհաղորդավար աշխատել է Օկլահոմա Սիթիում։ 1938 թվականին նա տեղափոխվել է Նյու Յորք՝ սովորելու Ֆեյգինի դրամատիկական արվեստի դպրոցում[4]։
Գործունեություն խմբագրել
Քրիս Ալեքսանդրը 1944 թվականին նկարահանվել Լեոնարդ Բերնսթայնի «Քաղաքում» ֆիլմում, որտեղ նա մարմնավորել է Չիպի՝ միամիտ նավաստու դերը։ Նենսի Ուոքերի հետ զուգերգով Քրիս Ալեքսանդրը կատարել է «Come Up to My Place» երգը։ 1946 թվականին նա վերադարձել է Բրոդվեյ և նկարահանվել «Ներկայիս ծիծաղ» ֆիլմում։ Ֆիլմում նա մարմնավորել է Քլիֆթոն Ուեբի դերը։
1953 թվականին Քրիս Ալեքսանդրը նկարահանվել է «Հրաշալի քաղաք» մյուզիքլում։ Նա մարմնավորել է դեղատան մենեջեր Ֆրենկ Լիպենկոտին՝ կատարելով «Conversation Piece» կատակերգական երգը։ Նրա հաջորդ դերը եղել է «Մամե» մյուզիքլում, որտեղ նա խաղացել է խանութի մենեջեր պարոն Լումիսի դերում։ Նույն դերը նա կրկնել է 1958 թվականին նկարահանված «Մորաքույր Մամե» ֆիլմի տարբերակում։
Քրիս Ալեքսանդրի վերջին դերասանական դերը եղել է Լենֆորդ Ուիլսոնի 1966 թվականին բեմադրած «Լեդի Բրայթի խելագարությունը» պիեսում։ Դերասանական կարիերայի ավարտից հետո նա զբաղվել է թատերական գործունեյությամբ։ 1970 թվականին Ռիչարդ Չարլզ Ռոջերսի «Երկու-երկու» ներկայացման համար նա ստեղծել է պրոյեկցիոն սլայդներ։
Լուսանկարներ խմբագրել
Քրիս Ալեքսանդրը նաև լուսանկարչի կարիերա է ունեցել։ 1930-ականների վերջին նա տեղափոխվել է Նյու Յորք և բացել լուսանկարչական ստուդիա։ Նա լուսանկարել է հայտնի մարդկանց, որոնցից շատերը եղել են նրա ընկերները։ Եղել է Էնդի Ուորհոլի հիմնադրած «Interview» ամսագրի պաշտոնական և գլխավոր լուսանկարիչը և Նյու Յորքի քաղաքային բալետի պաշտոնական լուսանկարիչը։
Նա հարյուրավոր բնօրինակ և փոփոխված լուսանկարներ է ներառել Պատրիկ Դենիսի երկու ամենավաճառվող գրքերում։ Քրիս Ալեքսանդրը գրել է «Իմ երեսուն օրը Սպիտակ տանը» վեպի առաջաբանը։
Անձնական կյանք խմբագրել
1940-ականներին Քրիս Ալեքսանդրը կապվել է Նյու Յորքի բալետի պարող Շոն Օ'Բրայենի հետ, նրանց հարաբերությունները տևել են մոտ 60 տարի։ Զույգը 1993 թվականին մեկնել է Նյու Յորք նահանգի հյուսիս և ամուսնացել 2011 թվականին, երբ Նյու Յորք նահանգում օրինականացվել է միասեռականների ամուսնությունը։
Քրիս Ալեքսանդրը մահացել է 2012 թվականի մարտի 7-ին[5]
Ծանոթագրություններ խմբագրել
- ↑ 1,0 1,1 1,2 1,3 1,4 Internet Broadway Database — 2000.
- ↑ 2,0 2,1 2,2 2,3 2,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 3,0 3,1 3,2 Obituary of American actor and photographer Cris Alexander — Legacy.com.
- ↑ «Cris Alexander, Actor and Photographer, Dies at 92».
- ↑ Крис Александр
Արտաքին հղումներ խմբագրել
- Քրիս Ալեքսանդր Internet Movie Database կայքում
- Cris Alexander at the International Center of Photography
- Obituary
 | Վիքիպահեստն ունի նյութեր, որոնք վերաբերում են «Քրիս Ալեքսանդր» հոդվածին։ |