Վիքիպեդիա

Քրիստիան Գյունտեր

գերմանացի ֆուտբոլիստ

Քրիստիան Գյունտեր (գերմ.՝ Christian Günter, փետրվարի 28, 1993(1993-02-28)[1][2], Ֆիլինգեն-Շվենինգեն) գերմանացի ֆուտբոլիստ, «Ֆրայբուրգ» ակումբի ձախ պաշտպան։

Քրիստիան Գյունտեր
գերմ.՝ Christian Günter
Դիմանկար
Ծնվել էփետրվարի 28, 1993(1993-02-28)[1][2] (31 տարեկան)
ԾննդավայրՖիլինգեն-Շվենինգեն
Քաղաքացիություն Գերմանիա
Մասնագիտությունֆուտբոլիստ
 Christian Günter Վիքիպահեստում

Անձնական կյանք խմբագրել

Քրիստիան Գյունտերը Շրամբերգ շրջանի Թենենբրոն քաղաքամասից է։ Երիտասարդ հասակում՝ «Ֆրայբուրգ» ակումբի կազմում խաղալու ընթացքում, բնակվել է և՛ Թենենբրոնում, և՛ Ֆրայբուրգում։ Այժմ կնոջ և դստեր հետ բնակվում է Ֆրայբուրգում։

Կարիերա խմբագրել

Չորս տարեկանում ընդունվել է «Թենենբրոն» ֆուբոլային ակումբ։ 13 տարեկանում «Ֆրայբուրգ»–ի կողմից հրավիրվել է փորձնական մարզման և այդ ժամանակից ի վեր սկսել է հանդես գալ թիմի երիտասարդական հավաքականում[3]։ 2012 թվականին Գերմանիայի ֆուտբոլային միությոան (ԳՖՄ) գավաթային մրցության ժամանակ եղել է թիմի ավագը[4]։

Պրոֆեսիոնալ ֆուտբոլի սկիզբը խմբագրել

2012-2013 մրցաշրջանին ընդառաջ դարձել է գլխավոր կազմի խաղացող։ Մայքլ Լումբի՝ «Զենիթ» ֆուտբոլային ակումբ վերադարձից հետո դարձել է թիմի ձախ պաշտպան՝ Օլիվիեր Զորգի նոր փոխարինողը։ 2012 թվականի նոյեմբերի 17–ին եղել է խաղի հայտացուցակում, սակայն դեբյուտը նշել է մի քանի շաբաթ անց՝ դեկտեմբերի 8–ին, երբ թիմը 1։0 հաղթանակ է տոնել «Գրոյտեր Ֆյուրտի» նկատմամբ։ Երկրորդ խաղը անց է կացրել դեկտեմբեր 18–ին ԳՖՄ գավաթի շրջանակներում՝ փոխարինման մտնելով «Կարլսրուհեր»–ի դեմ խաղում։ Իր առաջին մրցաշրջանի ընթացքում ընդհանուր մասնակցել է պաշտոնական 8 հանդիպման։ 2014 թվականին անհայտ ժամանակով երկարաձգել է պայմանագիրը «Ֆրայբուրգ»–ի հետ[5]։

Ֆրայբուրգ խմբագրել

2014-2015–ի Բունդեսլիգայի առաջնության շրջանակներում նոյեմբերի 8–ին «Շալկե»–ի դեմ խաղում խփել է առաջին գոլը։ Մրցաշրջանի ավարտից հետո, որի բոլոր խաղերին Գյունտերը մասնակցել էր, թիմը լքեց Բունդեսլիգա 1–ը։ Այդուհանդերձ հաջորդ տարի «Ֆրայբուրգը» վերադարձավ Բունդեսլիգա 1, իսկ Գյունտերը դարձավ թիմի հիմնական ձախ պաշտպան։ 2016-2017 մրցաշրջանում առաջնությունում 7–րդ տեղը գրավելով՝ «Ֆրայբուգ»–ը նվաճեց ՈՒեֆա Եվրոպա Լիգայի 2017-2018–ի որակավորման փուլին մասնակցելու ուղեգիր։ Սակայն 3–րդ փուլում սլովենական «Դոմզալե»-ին 2-1 զիջելով՝ լքեց պայքարը[6]։ 2021 թվականին Գյունտերը կրկին երկարաձգեց պայմանագիրը թիմի հետ անհայտ ժամանակով։

Ազգային հավաքական խմբագրել

Քրիստիան Գյունտերը 2013 թվականի հոկտեմբերի 12–ին նորամուտը նշեց մինչև 20 տարեկանների ազգային հավաքականում՝ խաղալով Նիդերլանդներում կայացող 4 ազգերիի մրցաախաղում։ 2016 թվականի հուլիսին հրավիրվել է հավաքական՝ մասնակցելու Ռիո դե Ժանեյրոյում կայացող Օլիմպիական խաղերին[7]։ 2021 թվականին ազգային հավաքականի մարզչի՝ Յոախիմ Լյովի կողմից հրավիրվել է հավաքական մասնակցելու ԵՎՐՈ 2020–ին[8]։ Թիմի հետ հասել է մինչև 1/8 րդ եզրափակիչ, որտեղ պարտություն է կրել Անգլիայից։

Ակումբային վիճակագրություն խմբագրել

Մրցաշրջան Ակումբ Լիգա Խաղեր (Գոլեր)
Լիգա Գավաթ Եվրոպա
2012/13 Ֆրայբուրգ Բունդեսլիգա 07 (0) 1 (0) –
2013/14 29 (0) 3 (0) 5 (0)
2014/15 34 (1) 3 (0) –
2015/16 Բունդեսլիգա 2 31 (0) 2 (0) –
2016/17 Բունդեսլիգա 31 (0) 3 (0) –
2017/18 34 (1) 3 (0) –
2018/19 32 (0) 2 (0) –
2019/20 34 (2) 2 (0) –
2020/21 34 (3) 2 (0) –

Ծանոթագրություններ խմբագրել

  1. ↑ 1,0 1,1 Transfermarkt.com(բազմ․) — 2000.
  2. ↑ 2,0 2,1 As (իսպ.) — Madrid: Grupo Prisa, 1967. — ISSN 1888-6671
  3. ↑ Interview mit Christian Günter vom 24. August 2012 in der Badischen Zeitung
  4. ↑ Interview mit Christian Günter vom 11. Mai 2012 in der Badischen Zeitung
  5. ↑ Christian Günter verlängert vorzeitig Արխիվացված 2016-03-04 Wayback Machine, scfreiburg.com, abgerufen am 13. März 2014
  6. ↑ «2:0 – Domzale wirft Freiburg raus!». kicker.de. 2017-08-03. Վերցված է 2021-05-19-ին.
  7. ↑ «Die Olympia-Kader stehen fest». DFB. 2016-07-15. Վերցված է 2016-07-15-ին.
  8. ↑ «EM-Kader offiziell: Löw beruft Müller, Hummels und Volland». kicker.de. 2021-05-19. Վերցված է 2021-05-19-ին.

Արտաքին հղումներ խմբագրել

 Վիքիպահեստն ունի նյութեր, որոնք վերաբերում են «Քրիստիան Գյունտեր» հոդվածին։

Կատեգորիա:Գերմանիայի հավաքականի ֆուտբոլիստներ Կատեգորիա:Ֆրայբուրգի ֆուտբոլիստներ Կատեգորիա:1993 ծնունդներ

Ստացված է «https://hy.wikipedia.org/w/index.php?title=Քրիստիան_Գյունտեր&oldid=9748516» էջից