Քրիստիանի եկեղեցի
Քրիստիանի եկեղեցի (նորվ.՝ Christianskirken), չպահպանված լյութերական եկեղեցի Շիենում (Տելեմարկ ֆյուլքե, Նորվեգիա)։ Այրվել է 1886 թվականի քաղաքային հրդեհի ժամանակ։ Փոխարենը կառուցվել է Շիենի եկեղեցին։
| Քրիստիանի եկեղեցի նորվ.՝ Christianskirken | |
|---|---|
 | |
| Հիմնական տվյալներ | |
| Տեսակ | եկեղեցի և մշակութային արժեք |
| Երկիր |  Նորվեգիա |
| Տեղագրություն | Շիեն |
| Ճարտարապետ | Jørgen Henrich Rawert? |
 | |
 | |
 Christianskirken, Skien Վիքիպահեստում | |
Պատմություն խմբագրել
Եկեղեցին կառուցվել է 1779-1783 թվականներին Սուրբ Մարիամի եկեղեցու տեղում, որը հրդեհվել էր 1777 թվականին։ Նախագիծը մշակել է ճարտարապետ Յորգեն Հենրիկ Ռավերտը։ Դա եղել է Ռավերտի առաջին մոնումենտալ շինությունը Նորվեգիայում[1]։ Եկեղեցու ինտերիերն ստեղծվել է Կոնգսբերգի եկեղեցու ինտերիերի օրինակով, որը կառուցվել է 1761 թվականին։ Շինարարությունն արագ ավարտելու համար քաղաքացիների շրջանում դրամահավաքի մեծ արշավ է կազմակերպվել[1]։
Շենքի հատակագիծը խաչաձև է, նրա կենտրոնական հատվածում գտնվում է մեծ աշտարակ։ Այն նախատեսված է եղել 1176 այցելուի համար։ Բեմը, խորանի պատկերը, ամբիոնն ու երգեհոնը տեղադրվել են միմյանց վրա։ Բեմում տեղադրվել է «Հուղարկավորություն» նկարը՝ Կարավաջոյի օրիգինալ նկարի պատճենը։ Պատերին եղել են երկու զինանշաններ, մեկը՝ թագավորի մոնոգրամով, իսկ մյուսը՝ քաղաքային զինանշանով[2]։ Եկեղեցին կոչվել է դանիացի-նորվեգացի Քրիստիան թագավորի պատվին։
1886 թվականին քաղաքում բռնկվել է մեծ հրդեհ, և եկեղեցին ամբողջովին այրվել է։ Շենքից հաջողվել է փրկել մկրտության ավազանը, որն ստեղծել է քանդակագործ Օլե Ֆլադագերը, «Հուղարկավորություն» նկարը, սրբազան անոթներ։ Այդ ամենը հետագայում օգտագործվել է նոր եկեղեցում։ Պահպանվել են նաև Հավատ և Հույս երկու քանդակներ, որ ստեղծվել են Յ. Կ. Հոլլերի (նորվ.՝ Jacob Christian Holler) կողմից[3]։ Երբ հրդեհը մարվել է, փլատակներում հայտնաբերվել են հալված և կարծրացած մետաղի կտորներ։ Քաղաքի ժամագործներից մեկը՝ Ն. Պ. Սոգարդը (N. P. Søgaard), այդ նյութը օգտագործեց փոքրիկ ժամացույցների տեսքով ոսկերչական իրեր ստեղծելու համար։ Այդ զարդերից մեկը նա ուղարկել է Հենրիկ Իբսենին[4]։
Երկու արձանները՝ Հավատ և Հույս, ներկայում գտնվում են Տելեմարկ թանգարանում։ 2014 թվականին դրանք ժամանակավորապես ցուցադրվել են Շիենի եկեղեցում՝ տեղադրվելով խորանի երկու կողմերում[5]։
Պատկերասրահ խմբագրել
-
Մկրտության ավազան
(ներկայում՝ Շիենի եկեղեցում) -
Հավատ -
Հույս -
Եկեղեցին հրդեհից հետո,
1886 թվական
.jpg)
.jpg)
Ծանոթագրություններ խմբագրել
- ↑ 1,0 1,1 Kullerud, 1994, էջ 25
- ↑ Kullerud, 1994, էջ 26
- ↑ «Holler, Jacob Christian» (dk). rosekamp.dk.
{{cite web}}: CS1 սպաս․ չճանաչված լեզու (link)(չաշխատող հղում) - ↑ Kullerud, 1994, էջ 31
- ↑ «Låner gamle damer» (նորվեգերեն). Varden. 2014 թ․ մայիսի 10. Արխիվացված է օրիգինալից 2016 թ․ մարտի 4-ին.
Գրականություն խմբագրել
- Kullerud, Erik Skien kirke 1894—1994. — Skien: Skien menighetsråd, 1994. — 119 с. — ISBN 82-91427-01-1(նորվ.)
- Borchsenius, J. Skien før Branden 1886. — Oslo: Fabritius & Sønners Forlag, 1934.(նորվ.)