Քեթրին Քոուլման
Քեթրին Քոուլման (անգլ.՝ Catherine Coleman, դեկտեմբերի 14, 1960, Չարլստոն, Հարավային Կարոլինա, ԱՄՆ), ՆԱՍԱ-ի ամերիկացի աստղագնաց, նախկինում քիմիկոս և ԱՄՆ օդուժի նախկին սպա[1]: Երկու «Շաթլ» առաքելությունների վետերան է, աշխատել է Միջազգային տիեզերական կայանի բորտին որպես 26-րդ արշավախմբի անդամ։
| Քեթրին Քոուլման | |
|---|---|
 | |
| Ծնվել է | դեկտեմբերի 14, 1960 (64 տարեկան) |
| Ծննդավայր | Չարլստոն, Հարավային Կարոլինա, ԱՄՆ |
| Քաղաքացիություն |  ԱՄՆ |
| Կրթություն | Մասաչուսեթսի տեխնոլոգիական ինստիտուտ, Մասաչուսեթսի համալսարան Ամհերստում և Carter G. Woodson High School? |
| Մասնագիտություն | քիմիկոս, Ռազմաօդային ուժերի սպա, տիեզերագնաց, ճարտարագետ և գիտնական |
| Ամուսին | Josh Simpson? |
| Կայք | cadycoleman.com |
 Catherine Coleman Վիքիպահեստում | |
Կրթություն
խմբագրելՔոուլմանն ավարտել է Վիլբերտ Վուդսոնի անվան միջնակարգ դպրոցը Ֆեյրֆաքսում, Վիրջինիա նահանգում, 1978 թվականին[1]: 1979-1980 թվականներին նա փոխանակման ուսանող էր Նորվեգիայի Ռոյկեն համայնքի միջնակարգ դպրոցում: 1983 թվականին ստացել է քիմիայի գիտությունների բակալավրի աստիճան Մասաչուսեթսի տեխնոլոգիական ինստիտուտից[2]:
Ռազմական կարիերա
խմբագրելԿանոնավոր կրթությունն ավարտելուց հետո Քոուլմանը մտել է ԱՄՆ օդուժ՝ երկրորդ լեյտենանտի կոչումով՝ շարունակելով իր դիպլոմային աշխատանքը փիլիսոփայության դոկտորի աստիճանի համար Մասաչուսեթսի Ամհերստի համալսարանում։ 1988 թվականին նա ծառայության է անցել Ռայթ-Պատերսոնի ավիաբազայում որպես հետազոտող քիմիկոս։ 1991 թվականին ստացել է պոլիմերների գիտության և տեխնիկայի դոկտորի աստիճան[1]։ Թոշակի է անցել 2009 թվականի նոյեմբերին[1]։
Կարիերա ՆԱՍԱ-ում
խմբագրելՔոուլմանը 1992 թվականին ընտրվել է ՆԱՍԱ-ի կողմից՝ դառնալու տիեզերական առաքելության մասնագետ և մասնակցել է երկու «Շաթլ» առաքելությունների։ 1995 թվականին նա եղել է STS-73 անձնակազմի անդամ՝ իրականացնելով տարբեր կենսատեխնոլոգիական փորձեր։ Թռիչքի ընթացքում նա Հյուսթոնի Թռիչքների կառավարման կենտրոնին հայտնել է, որ նկատել է չնույնականացված թռչող օբյեկտ։
Նա նաև պատրաստվել է STS-83 առաքելությանը որպես պահեստային անձնակազմի անդամ, սակայն բուն արշավախմբին չի մասնակցել։ Այնուամենայնիվ, նա մասնակցել է STS-93 առաքելությանը որպես առաքելության մասնագետ։ Կատերինա Քոուլմանը մասնակցել է ՄՏԿ-ի 26-րդ արշավախմբին[3]։
2004 թվականի հոկտեմբերին մասնակցել է ՆԱՍԱ-ի Ծայրահեղ միջավայրային պայմաններում գործողությունների առաքելությանը (NEEMO 7)[4]։
Անձնական կյանք
խմբագրելՔոուլմանն ամուսնացած է նկարիչ Ջոշ Սիմփսոնի հետ։ Որպես հոբբի զբաղվում է երաժշտությամբ, նվագում է ֆլեյտա, մասնակցում է «Bandella» երաժշտական խմբին, որի կազմում բացի նրանից մտնում են նաև Սթիվեն Ռոբինսոնը, կանադացի աստղագնաց Քրիս Հադֆիլդը և Միկի Պետտիտը (աստղագնաց Դոն Պետտիտի կինը)։
Քեթրին Քոուլմանը Jethro Tull խմբի ստեղծագործության երկրպագու է։ 2011 թվականի ապրիլի 12-ին Պերմի ֆիլհարմոնիայի մեծ դահլիճում[5] և 2011 թվականի ապրիլի 13-ին Մոսկվայում կայացած Jethro Tull-ի համերգի ժամանակ, Յուրի Գագարինի տիեզերական թռիչքի 50-ամյակի կապակցությամբ կայացել է Միջազգային տիեզերական կայանից տեսահեռարձակում, որտեղ կայանում անկշռության վիճակում գտնվող Քոուլմանը ողջունել է հանդիսատեսին և ռուսերենով շնորհավորել հանրությանն ու Jethro Tull-ի երաժիշտներին Տիեզերագնացության օրվա կապակցությամբ։ Այնուհետև Քեթրինը կատարել է ֆլեյտայի պարտիան «Bourée» ստեղծագործության մեջ՝ բեմի վրա խմբի երաժիշտների նվագակցությամբ։ Արդյոք ՄՏԿ-ից որևէ հեռարձակում եղել է ուղիղ եթերով, չի հաղորդվում։
Քոուլմանն ունի սիրողական ռադիոկապի արտոնագիր, ազդանշանը՝ KC5ZTH[6][7]։ Այլ հետաքրքրություններ են՝ թռիչքներ, ստորջրյա լող, սպորտ[8]։
Ծանոթագրություն
խմբագրել- ↑ 1,0 1,1 1,2 1,3 «Astronaut Bio: Catherine Coleman» (անգլերեն). jsc.nasa.gov. Արխիվացված է օրիգինալից 2018-05-29-ին. Վերցված է 2019-03-16-ին.
{{cite web}}: Unknown parameter|deadurl=ignored (|url-status=suggested) (օգնություն) - ↑ «Интервью» (անգլերեն). НАСА. 2010-10-28. Արխիվացված է օրիգինալից 2012-07-09-ին. Վերցված է 2013-08-10-ին.
- ↑ Телевидение НАСА будет транслировать старт и посадку «Союза» Արխիվացված 2016-03-04 Wayback Machine(անգլ.) — Пресс-релиз: M10-164A — 18 ноября 2010
- ↑ НАСА (2004). «NEEMO 7» (անգլերեն). НАСА. Արխիվացված է օրիգինալից 2012-08-29-ին. Վերցված է 2011-09-22-ին.
{{cite web}}: Unknown parameter|deadurl=ignored (|url-status=suggested) (օգնություն) - ↑ Журнал «Самиздат» Արխիվացված 2019-02-01 Wayback Machine, Проскуряков Дмитрий, «Jethro Tull в Перми 12 апреля 2011 года»
- ↑ «ULS License - Amateur License - KC5ZTH - COLEMAN, CATHERINE G» (անգլերեն). wireless2.fcc.gov. Արխիվացված է օրիգինալից 2019-01-17-ին. Վերցված է 2019-01-27-ին.
{{cite web}}: Unknown parameter|deadurl=ignored (|url-status=suggested) (օգնություն) - ↑ «Two Astronauts Get Their Ham Ticket» (անգլերեն). arrl.org. Արխիվացված է օրիգինալից 2019-01-27-ին. Վերցված է 2019-01-27-ին.
{{cite web}}: Unknown parameter|deadurl=ignored (|url-status=suggested) (օգնություն) - ↑ «Astronaut Biography: Catherine Coleman» (անգլերեն). spacefacts.de. Արխիվացված է օրիգինալից 2019-03-01-ին. Վերցված է 2019-01-27-ին.
{{cite web}}: Unknown parameter|deadurl=ignored (|url-status=suggested) (օգնություն)