Քարի Մեթթե Յոհանսեն
Քարի Մեթթե Յոհանսեն (գերմ.՝ Kari Mette Johansen, հունվարի 11, 1979, Ֆրեդրիկստադ, Էստֆոլդ, Նորվեգիա), նորվեգացի հանդբոլիստուհի, ով մարզադաշտում հանդես է գալիս ձախ վերջնային դիրքում, Օլիմպիական խաղերի երկակի չեմպիոն։
| Քարի Մեթթե Յոհանսեն | |
|---|---|
 | |
| Անձնական տեղեկություն | |
| Սեռ՝ | իգական |
| Բնօրինակ անուն՝ | գերմ.՝ Kari Mette Johansen |
| Մասնագիտացում՝ | հանդբոլիստ |
| Երկիր՝ |  Նորվեգիա |
| Ծննդյան ամսաթիվ՝ | Հունվարի 11, 1979թ. |
| Ծննդավայր՝ | Ֆրեդրիկստադ, Նորվեգիա |
| Ակումբ՝ | Larvik HK? |
| 172 սանտիմետր | |
Ակումբային գործունեություն խմբագրել
Քարի Յոհանսենը երիտասարդ տարիքում՝ նախքան «Լավրիկ» ակումբ տեղափոխվելը, խաղացել է «Շեբերգ» և «Լիսլեբյու» ակումբներում։ 1998 թվականից իր սպորտային գործունեության ամբողջ ընթացքում հանդիսացել է ակումբի անփոխարինելի անդամը՝ Նորվեգիայի առաջնության հաղթողի տիտղոսը նվաճելով 13 անգամ, երկու անգամ դառնալով Գավաթակիրների գավաթի առաջնության գավաթակիր և մեկ անգամ Եվրոպայի գավաթի առաջնության գավաթակիր։ 2006 թվականին ընդգրկվել է աշխարհի հանդբոլի լավագույն հանդբոլիստուհիների եռյակում (առաջին հորիզոնականը զբաղեցրել է գերմանացի հանդբոլիստուհի Նադին Կրաուզենը, երկրորդ հորիզոնականը՝ նորվեգացի հանդբոլիստուհի Գրո Համերսենգը)[1]։ 2013/2014 մրցաշրջանից հետո հայտարարել է հանդբոլից հեռանալու մասին[2]։
Ազգային հավաքական խմբագրել
Քարի Յոհանսենը Նորվեգիայի հավաքականի կազմում խաղացել է 203 խաղ՝ խփելով 493 գոլ[3]։ Ազգային հավաքականի կազմում Յոհանսենն առաջին անգամ հանդես է եկել 2004 թվականի մարտի 26-ին Իսպանիայի հավաքականի դեմ խաղում։ Քարին չորս անգամ նվաճել է Եվրոպայի հանդբոլի կանանց առաջնության, 2011 թվականի աշխարհի առաջնության հաղթողի տիտղոսները և օլիմպիական խաղերի երկու ոսկե մեդալ (2008 թվականին Պեկինում և 2012 թվականին Լոնդոնում)[4]։
Ծանոթագրություններ խմբագրել
Արտաքին հղումներ խմբագրել
- Քարի Մեթթե Յոհանսենի օլիմպիական վիճակագրական տվյալները sports-reference.com կայքում: Արխիվացված 2020-04-17 Wayback Machine(անգլ.)
- Քարի Մեթթե Յոհանսենի էջը «Լավրիկ» ակումբի պաշտոնական կայքում: Արխիվացված 2016-03-06 Wayback Machine(նորվ.)
 | Վիքիպահեստն ունի նյութեր, որոնք վերաբերում են «Քարի Մեթթե Յոհանսեն» հոդվածին։ |