Փեթարա Մանուկ
Փեթարա Մանուկ (188? - 1920), ազգային-ազատագրական շարժման մարտիկ, ֆիդայի։ ՀՀԴ կուսակցության անդամ։
| Փեթարա Մանուկ | |
|---|---|
| Ծնվել է | 1880-ական թվականներ |
| Ծննդավայր | Մուշի շրջանի Փեթար գյուղ |
| Մահացել է | 1920 թվականի հունիս |
| Մահվան վայր | Կողբ |
| Ազգություն | հայ |
| Կրոն | քրիստոնյա |
| Մասնագիտություն | ֆիդայի |
| Կուսակցություն | Հայ հեղափոխական Դաշնակցություն |
Կենսագրություն
խմբագրելԾնվել է Փեթար գյուղում, Մուշի մոտ։ Սովորել է Մուշի Սուրբ Հովհաննու և Սուրբ Կարապետի վանքերում։ 1903-1904 թթ, տակավին պատանի, դարձել է ֆիդայի և մասնակցել Սասունի ազատագրական և ինքնապաշտպանական մարտերին։ Եղել է Գևորգ Չավուշի, Կորյունի, Ռուբեն Տեր-Մինասյանի զինակիցը։ Երիտթուրքական հեղաշրջումից (1908) հետո զբաղվել է կրթական գործունեությամբ։ 1915 թվականին մասնակցել է Մշո դաշտի և Սասունի ինքնապաշտպանական կռիվներին։ 1916 թվականին ռուսական բանակի հետ վերադարձել է Խնուս, Մուշ և Սասուն՝ փորձելով ազատել ցեղասպանությունից փրկվածներին։ 1918 թվականին մասնակցել է Սարդարապատի ճակատամարտին։ Հայաստանի ստեղծումից (1918) հետո մասնակցել է Արևելյան Հայաստանի տարածքում ապօրինի հաստատված կովկասյան թաթարների հակահայկական ելույթների դեմ պայքարին, օժանդակել արևմտահայ գաղթականների վերաբնակեցմանը։ Զոհվել է 1920 թվականի հունիսին Կողբի վերագրավման համար թաթարների դեմ մղած կռվում։ Փեթարա Մանուկի դին հողին է հանձնվել Երևանի քաղաքային գերեզմանատանը։
Գրականություն
խմբագրել- Հայկական հարց հանրագիտարան, Երևան, 1996, էջ 453։
- Ռուբէն, Հայ յեղափոխականի մը յիշատակները, հատ. Գ., Դ., Է., Թեհրան, 1982, Երեւան, 1990-1991։
- Կարօ Սասունի, Պատմութիւն Տարօնի աշխարհի, Պէյրութ, 1957։
- Աւօ, Գէորգ Չաւուշ, Պէյրութ, 1972, 416 էջ։
Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|