Տիրոջ Համբարձման եկեղեցի (Եկատերինբուրգ)

Տիրոջ Համբարձման եկեղեցի;
Հիմնական տվյալներ
Տեսակ	ուղղափառ տաճար
Երկիր	Ռուսաստան
Տեղագրություն	Կիրովսկի շրջան
Դավանանք	ուղղափառություն
Թեմ	Եկատերինբուրգի եպիսկոպոսություն
Ժառանգության կարգավիճակ	Ռուսաստանի դաշնային մշակութային ժառանգության օբյեկտ
Անվանված	Համբարձում
Ճարտարապետական ոճ	Ռուսական բարոկկո
Հիմնադրված	1770
Շինանյութ	աղյուս
	voznesenie-ekb.ru

Տիրոջ Համբարձման եկեղեցի (ռուս.՝ Церковь Вознесения Господня, Համբարձման եկեղեցի), Սվերդլովսկի մարզի Եկատերինբուրգ քաղաքի հնագույն ուղղափառ եկեղեցիներից մեկը։

Պատմություն խմբագրել

Եկեղեցին կառուցվել է 1770 թվականի մայիսին, օծվել նույն թվականի սեպտեմբերի 19-ին։ Սկզբում դա շատ փոքր փայտե կառույց էր։ 1789 թվականին եկեղեցու շենքը ոչ պիտանի էր դարձել և ծխականները որոշեցին կառուցել երկհարկանի քարե եկեղեցի։ Ներքևի հարկը նվիրված էր Սուրբ Աստվածածնին, երկրորդ հարկը` Տիրոջ Համբարձման պատվին^[1]։

19-րդ դարում եկեղեցին բազմիցս վերակառուցվել և ընդարձակվել է։ 1834 թվականին քահանաներն ու ծխականները որոշեցին եկեղեցուն կից հարավային կողմից կառուցել երկու մատուռ և ևս երկուսը հյուսիսային կողմից և նոր շքամուտք։ 20-րդ հարյուրամյակի սկզբին, արդեն լայնածավալ եկեղեցին ուներ 6 մատուռ, Վոզնեսենսկի, Սուրբ Աստվածածնի Ծննդյան, Բլագովեշչենսկի, սուրբ Միտրոֆանի և Եղիա մարգարեի անվան, Սուրբ Աստվածամոր Կազանյան սրբապատկերի պատվին։ Ներքևի հարկը հատկացվել էր արական մեկդասարանյա եկեղեցական ծխական դպրոցին։ 1926 թվականին եկեղեցին փակվեց^[2], հետագայում այնտեղ տեղակայվեցին, նախ դպրոց, ապա` պատմական հեղափոխական թանգարան։ 1991 թվականի փետրվարի 15-ին, եկեղեցում Տեառնընդառաջի տոնի կապակցությամբ երկար տարիներ անց իրականացվեց առաջին պատարագը։ 2011 թվականի աշնանից մինչև 2014 թվականի հոկտեմբերը եկեղեցու վանահայրը եղել է վարդապետ Պիմենը (Ադարչենկոն)։ 2014 թվականի հոկտեմբերի 18-ին կիրակնօրյա երեկոյան եկեղեցական պատարագի ժամանակ Եկատերինբուրգ քաղաքի վանական օկրուգի գործակալ , քահանա Նիկոլայ Տարանտինը եկեղեցու ծխական համայնքին ներկայացրեց նոր ավագ քահանա Ալեքսի Կուլբերգին։