Տիգրանակերտի հնագիտական թանգարան

Տիգրանակերտի հնագիտական թանգարան
Տեսակ	թանգարան
Երկիր	Արցախ
Տեղագրություն	Տիգրանակերտ
Կայք	tigranakert.am/rus/index.php

Տիգրանակերտի հնագիտական թանգարանը գործում է մ.թ.ա. I դ-ում Տիգրան Մեծի հիմնադրած Տիգրանակերտ քաղաքի տարածքում (ներկայումս՝ պատմամշակութային արգելոց) գտնվող XVIII դարի ամրոցում։ Թանգարանի 3 սրահներում ներկայացված են ՀՀ ԳԱԱ հնագիտության և ազգագրության ինստիտուտի Արցախի հնագիտական արշավախմբի պեղումներով հայտնաբերած մ.թ.ա. V դար մ.թ.ա. XVII դարերի գտածոներ։ Հատկապես արժեքավոր է V-VI դարերին վերագրվող մոտ 8 սմ տրամագծով կավե սկավառակը, որի մի երեսին՝ շրջանի մեջ, փորագրված է հավասարաթև խաչ, մյուսին՝ տղամարդու դիմապատկեր՝ հայերեն արձանագրությամբ, վերջինս Արցախի տարածքում հայտնաբերված հայերեն ամենահին արձանագրություններից է։ Բազմաթիվ ցուցադրափեղկերում ներկայացված է պեղումների ընթացքը, հայերեն, ռուսերեն, և անգլերեն մանրամասն տեղեկություններ են տրվում տեղանքի պատմության, պեղումների ու գտածոների վերաբերյալ։

Համլետ Պետրոսյանի ղեկավարությամբ Հայաստանի Գիտությունների Ակադեմիայի հնագիտական արշավախմբի պեղումների ընթացքում հայտնաբերված տարաբնույթ հնությունները հիանալի լուսաբանում են Արցախի այս զարմանահրաշ անկյան հնագույն պատմությունն ու հարուստ մշակույթը։

Սա ճարտարապետության մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստան հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։