Տեխնիկական թանգարան (Զագրեբ)

Զագրեբի տեխնիկական թանգարան (խորվ.՝ Tehnički muzej u Zagrebu), Խորվաթիայի մայրաքաղաք Զագրեբում գտնվող տեխնոլոգիաների քաղաքային թանգարան, որտեղ ցուցադրվում են տեխնոլոգիաների բնագավառում մարդկային մտքի նվաճումների և հայտնագործությունների մեծաքանակ նմուշներ, այդ թվում բազմաթիվ պատմական ինքնաթիռներ, ավտոմեքենաներ, մեքենաներ և սարքավորումներ[1]: Հաստատությունը համարվում է ոչ միայն ճանաչողական ցուցահանդես, այլև ժամանակակից գիտահետազոտական կենտրոն:

Տեխնիկական թանգարան
Tehnički muzej.jpg
Տեսակթանգարան
ԵրկիրFlag of Croatia.svg Խորվաթիա
ՏեղագրությունԶագրեբ
Հիմնադրված էդեկտեմբերի 21, 1954
Կայքtehnicki-muzej.hr

Ընդհանուր տեղեկություններԽմբագրել

Զագրեբի տեխնիկական թանգարանը գտնվում է մեծ հարմարեցված շինությունում, որի ընդհանուր մակերեսը կազմում է 44000 մ², որից 14000 մ² գտնվում է տանիքի տակ: Թանգարանն ունի բազմաթիվ բաժիններ`

  • Աստղադիտարան[2], որը ղեկավարում է խորվաթ հայտնի աստղագետ Անտե Ռադոնիչը (խորվ.՝ Ante Radonić)
  • Մեղվանոց[2]
  • «Շախտա»՝ 300 մ երկարությամբ լեռնաարդյունահանման հանքահորի մոդել[2]
  • Նիկոլա Տեսլայի կաբինետը[2] և այլն

Թանգարանում աշխատում է 34 մարդ: Թանգարանը կազմակերպում է կրթական, ուսումնական, տեղեկատվական և պարբերական ցուցահանդեսներ, դասախոսություններ, քննարկումներ գիտահանրամատչելի թեմաներով, խաղասենյակներ և ստեղծագործական արվեստանոցներ:

ՊատմությունԽմբագրել

 
Տեխնիկական թանգարան

Զագրեբի տեխնիկական թանգարանի հայեցակարգը չի տարբերվում համաշխարհայինից, դա գիտության և տեխնիկայի լայն շրջանակի համալիր է, այլ ոչ թե մասնագիտացված տեխնիկական թանգարան, որը ընդգրկում է միայն տեխնիկայի որոշակի ճյուղ: Խորվաթիայում նմանատիպ թանգարան ստեղծելու գաղափարը վերաբերվում է 19-րդ դարի վերջին, երբ Զագրեբում գոյություն ուներ Առևտրա-արհեստագործական թանգարան (խորվ.՝ Trgovačko-obrtnički muzej), սակայն Զագրեբի տեխնիկական թանգարանի իսկական պատմությունը սկսվում է 1954 թվականի դեկտեմբերի 21-ից, երբ որոշում ընդունվեց նրա ստեղծման մասին:

Թանգարանի ստեղծման գաղափարը պատկանում է համալսարանի պրոֆեսոր տեխնիկական գիտությունների դոկտոր Բոժո Տեժակին (խորվ.՝ Božo Težak), ով հետագայում երկար ժամանակ եղել է թանգարանի Խորհրդի նախագահը, իսկ թանգարանի առաջին տնօրենը եղել է Պրեդրագ Գրդենիչը (խորվ.՝ Predrag Grdenić): 1959 թվականից մինչ օրս հաստատությունը տեղակայված է Սավսկի փողոցի 18 հասցեում:

Տեխնիկական թանգարանի էներգիայի փոխակերպման, տրանսպորտի և լեռնային գործի առաջին բաժինները, հանրության առաջ բացվեցին 1963 թվականին: Այնուհետև սկսեցին գործել նավթի արդյունահանման (1964) և տիեզերագնացության ու աստղագիտության (1965) բաժինները, Նիկոլա Տեսլայի ցուցադրության կաբինետը (1976), «Գյուղատնտեսության հիմունքներ» (1981) ցուցադրությունը և հակահրդեհային անվտանգության բաժինը (1992):

Թանգարանի մշտական ցուցադրությունը վերջին տարիներին հարստացել է այլ բովանդակությամբ, օրինակ տեխնոլոգիաների բնագավառում հայտնի խորվաթ գիտնականների դիմանկարային քանդակների ծառուղի (1993): Գյուղատնտեսությանը, հանքարդյունաբերությանը, երկրաբանությանը և նավթարդյունահանմանը նվիրված բաժինները 1994 թվականին ընդլայնվեցին, մասնավորապես առաջինում ավելացվեց գիտական մեղվաբուծությունը (մեղվանոց), իսկ էներգիայի փոխակերպման բաժինը համալրվեց , ջերմային էներգիայի արտադրության սարքավորումների հավաքածուով (1999): 2006 թվականին ամբողջությամբ վերականգնվեց Նիկոլա Տեսլայի ցուցասրահը:

ՊատկերասրահԽմբագրել

       
Հին երկաթուղային սայլակ թանգարանում (1919)
Ն. Տեսլայի քանդակներից (1932)
UTVA Aero-3 նախատիպային մոդել
Տրանսպորտային միջոցներ թանգարանում

ԾանոթագրություններԽմբագրել

  1. «Tehnički muzej»։ Официальная веб-страница (хорв.)։ Technical Museum, Zagreb, Croatia։ Արխիվացված օրիգինալից 2012-10-31-ին։ Վերցված է 26-06-2011 
  2. 2,0 2,1 2,2 2,3 «Tehnical Museum»։ Zagreb Tourist Board։ Արխիվացված օրիգինալից 2012-10-31-ին։ Վերցված է 26-06-2011 (անգլ.)

Արտաքին հղումներԽմբագրել