Տանյա Հովհաննիսյան

Տանյա Տաճատի Հովհաննիսյան (մայիսի 20, 1947(1947-05-20), Այգաբաց, Ախուրյանի շրջան, Հայկական ԽՍՀ, ԽՍՀՄ - դեկտեմբերի 7, 1988(1988-12-07), Լենինական, Հայկական ԽՍՀ, ԽՍՀՄ, Սպիտակի երկրաշարժի զոհ), հայ բանաստեղծուհի։

Տանյա Հովհաննիսյան
Ծնվել է	մայիսի 20, 1947(1947-05-20)
Ծննդավայր	Այգաբաց, Ախուրյանի շրջան, Հայկական ԽՍՀ, ԽՍՀՄ
Վախճանվել է	դեկտեմբերի 7, 1988(1988-12-07) (41 տարեկան)
Վախճանի վայր	Լենինական, Հայկական ԽՍՀ, ԽՍՀՄ
Մասնագիտություն	բանաստեղծուհի
Քաղաքացիություն	ԽՍՀՄ
Կրթություն	Երևանի պետական համալսարան (1975)

Կենսագրություն

Ավարտել է ԵՊՀ բանասիրական ֆակուլտետի ժուռնալիստիկայի բաժինը (1975)։ Ուսուցչություն է արել Հրազդան քաղաքում, աշխատել Գյումրու մանկական պատկերասրահում, «Բանվոր» (հետագայում՝ «Կումայրի») թերթի խմբագրությունում։

Լույս են տեսել նրա «Հրաբուխի ծաղիկ» (1986) և «Բաց հրապարակ» (1990) ժողովածուները։

Հովհաննիսյանի ստեղծագործությունները շնչում են մեղմ քնարականությամբ, հայրենի հողի հանդեպ տածած ջերմ սիրով։ ՀԳՄ Ավետիք Իսահակյանի անվան մրցանակի դափնեկիր (1990, հետմահու)։

Զոհվել է 1988 թ. Սպիտակի ավերիչ երկրաշարժի ժամանակ։

Արտաքին հղումներ

• Տանյա Հովհաննիսյանի բանաստեղծությունների ընտրանին «Գրանիշ» կայքում

Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։