Վիկտոր Ենգիբարյան
Վիկտոր Ենգիբարյան (հուլիսի 11, 1981, Թալին, Հայկական ԽՍՀ, ԽՍՀՄ), հայ քաղաքական գործիչ, եվրոպագետ, ՀՀ ԱԺ 7-րդ գումարման պատգամավոր[1]։ 2018 թվականի մայիսի 24-ին «Ելք» կուսակցությունների դաշինքից դարձել է Երևանի ավագանու անդամ։ Գերմանիայում ՀՀ արտակարգ և լիազոր դեսպան։
| Վիկտոր Ենգիբարյան | ||
.png)
| ||
| ||
|---|---|---|
| 2019 - 2021 | ||
| ||
| 2021 նոյեմբերի 12-ից | ||
| Կուսակցություն՝ | Քաղաքացիական պայմանագիր կուսակցություն | |
| Կրթություն՝ | Երևանի պետական համալսարան (2002) և Ruhr University Bochum? (2004) | |
| Մասնագիտություն՝ | քաղաքական գործիչ | |
| Ծննդյան օր | հուլիսի 11, 1981 (42 տարեկան) | |
| Ծննդավայր | Թալին, Հայկական ԽՍՀ, ԽՍՀՄ | |
| Քաղաքացիություն |  Հայաստան
| |
Կենսագրություն խմբագրել
Կրթություն խմբագրել
Սովորել է Երևանի պետական համալսարանի սոցիոլոգիայի ֆակուլտետում։ Ուսումը շարունակել է Բոխումի Համալսարանի հասարակագիտության ֆակուլտետում։ Վիկտոր Ենգիբարյանը 2003 թվականին անցել է Հագենի հեռակա համալսարանի, ապա 2011 թվականին Լոնդոնի Պառլամենտական միջազգային կենտրոնի վերապատրաստման ծրագիրը։ 2018 թվականին սովորել է Ֆլետչերի իրավունքի և դիվանագիտության դպրոցում (ԱՄՆ)։
Աշխատանքային գործունեություն խմբագրել
2004-2005 թվականներին եղել է ՀՀ պաշտպանության նախարարության և ՄԱԿ-ի համատեղ ծրագրի ականադաշտերի քարտեզագրող։ Նա 2005-2018 թթ․-ին եղել է Միջազգային եվրոպական շարժման հայաստանյան խորհրդի հիմնադիր նախագահ։ 2002-2004թթ․-ին հանդիսացել է Հայ ակադեմիականների միություն 1860 կազմակերպության (Գերմանիա) վարչության անդամ։
2011 թվականից Եվրոպական միության արտաքին հարաբերությունների ամսագրի խմբագրական անդամ է։ 2011-2013թթ․-ին աշխատել է Միջազգային համագործակցության գերմանական ընկերությունում (GIZ) որպես միջազգային համագործակցության հարցերով խորհրդատու։
Կուսակցական գործունեություն խմբագրել
Վիկտոր Ենգիբարյանը եղել է Գագիկ Ծառուկյանի խորհրդականը և Բարգավաճ Հայաստան կուսակցության անդամ[2]։
Մինչև 2018 թվականի հոկտեմբերը հանդիսացել է Լուսավոր Հայաստան կուսակցության անդամ[3]։
2018 թվականի մայիսի 24-ին «Ելք» կուսակցությունների դաշինքից դարձել է Երևանի ավագանու անդամ՝ փոխարինելով Էդուարդ Աղաջանյանին[4]։
2018 թվականի դեկտեմբերից «Իմ քայլը» կուսակցությունների դաշինքի անդամ էր։
2018 թվականից Քաղաքացիական պայմանագիր կուսակցության անդամ։
Ազգային ժողովի պատգամավոր խմբագրել
2018 թվականի դեկտեմբերի 9-ին կայացած Ազգային Ժողովի ընտրություններում պատգամավոր է ընտրվել «Իմ քայլը» դաշինքի համապետական ցուցակով[1]։ Ազգային ժողովում ղեկավարել է Հայաստան-Ավստրիա բարեկամական խումբը, 2019-ից ղեկավարել է Եվրոնեսթ ԽՎ հայաստանյան պատվիրակությունը, անդամակցել է ՆԱՏՕ ԽՎ ասոցացված պատվիրակությանը և ՀՀ-ԵՄ համագործակցության և գործընկերության հանձնաժողովին։
Ընտանիք խմբագրել
Ամուսնացած է, ունի երկու երեխա[5]։
Ծանոթագրություններ խմբագրել
- ↑ 1,0 1,1 «ԿԸՀ-ն ամփոփեց մանդատ ստացած և մանդատից հրաժարված անձանց ցուցակները, որոշեց ԱԺ առաջին նիստի օրը».
- ↑ Իմ քայլի «Ծառուկյանները», Արխիվացված 2020-06-21 Wayback Machine (արխիվացված 11.11.20212.):
- ↑ «Դադարեցնում եմ իմ անդամությունը Լուսավոր Հայաստան կուսակցությանը. Վիկտոր Ենգիբարյան». Ժողովուրդ Օրաթերթ. 07/10/2018. Արխիվացված է օրիգինալից 2021 թ․ նոյեմբերի 11-ին. Վերցված է 09/03/2019-ին.()։
- ↑ «Երեւանի ավագանու «Ելք» խմբակցությունը երեք նոր անդամ ունի. ԿԸՀ-ն հրապարակեց անունները (վիդեո)».
- ↑ «Վիկտոր Լևոնի Ենգիբարյան, ԼՀԿ».