Վարդգես Խանոյան
Վարդգես Կոստանի Խանոյան (դեկտեմբերի 5, 1949, Շատին, Միկոյանի շրջան, Հայկական ԽՍՀ, ԽՍՀՄ), հայ բանաստեղծ։ Հայաստանի գրողների միության անդամ (2013)[1]։
Վարդգես Խանոյան | |
|---|---|
| Ծնվել է | դեկտեմբերի 5, 1949 (74 տարեկան) |
| Ծննդավայր | Շատին, Միկոյանի շրջան, Հայկական ԽՍՀ, ԽՍՀՄ |
| Մասնագիտություն | բանաստեղծ |
| Քաղաքացիություն |  ԽՍՀՄ և  Հայաստան |
| Անդամակցություն | ՀԳՄ |
| Վարդգես Խանոյան Վիքիդարանում | |
Կենսագրություն խմբագրել
Վարդգես Խանոյանը ծնվել է 1949 թվականի դեկտեմբերի 5-ին, Եղեգնաձորի շրջանի Շատին գյուղում։ Ավարտել է տեղի միջնակարգ դպրոցը։ 1970 թվականից բնակվում է Ջերմուկ քաղաքում։ Ավարտել է Սանկտ Պետերբուրգի մշակույթի բարձրագույն դպրոցը[2]։ Աշխատել է մշակութային տարբեր ոլորտներում, եղել առողջարանի գրադարանավար[3]։ Բազմաթիվ գրքերի հեղինակ է։ Հրատարակել է բանաստեղծությունների հետևյալ ժողովածուները՝ «Արևի ձայն», 1984 (գրական ալմանախ), «Հրաշալի քաղաքացին», 1989, «Քաջերը մահ չունեն», 1995, «Թախծի ծառ», 2012, «Արևի ճանապարհով», 2014: Բանաստեղծություններում անդրադառնում է հայրենի բնաշխարհին, մարդկային հույզերին ու ապրումներին։ Արցախյան պատերազմում զոհված ջերմուկցիներին է նվիրված «Քաջերը մահ չունեն» գրքույկը՝ լուսանկարներով ու համառոտ կենսագրականով։ 2016 թվականին Խանոյանի և գրող, հրապարակախոս Լյուդվիգ Կարապետյանի համահեղինակությամբ լույս է տեսել «Լուսավոր հետագիծ» գիրքը՝ նվիրված «Ջերմուկ աշխարհ» առողջարանի ղեկավար բժիշկ Ստեփան Ավագյանին։
Անդամակցություն խմբագրել
- Հայաստանի գրողների միության անդամ
Երկեր խմբագրել
Ծանոթագրություններ խմբագրել
- ↑ Վարդգես Խանոյանի կենսագրությունը ՀԳՄ կայքում
- ↑ «Вардгес Ханоян». Արխիվացված է օրիգինալից 2020 թ․ մարտի 1-ին. Վերցված է 2021 թ․ մարտի 6-ին.
- ↑ Վարդգես Խանոյան
- ↑ Թախծի ծառ
- ↑ «Koha online catalog › Entry». haygirk.nla.am. Վերցված է 2020 թ․ մարտի 1-ին.
