Արման Վարդանյան

Վիքիպեդիայում կան հոդվածներ Վարդանյան ազգանունով այլ մարդկանց մասին։

Արման Հայկազի Վարդանյան (օգոստոսի 3, 1930(1930-08-03), Ստամբուլ, Թուրքիա - օգոստոսի 20, 2015(2015-08-20), Ստամբուլ, Թուրքիա), թատերագիր, դաշնակահար։ Հայ թատերգության մեջ «աբսուրդի դրամայի» հիմնադիր։ Հայաստանի գրողների միության անդամ (2012)։

Արման Վարդանյան
Ծնվել է	օգոստոսի 3, 1930(1930-08-03)
Ծննդավայր	Ստամբուլ, Թուրքիա
Մահացել է	օգոստոսի 20, 2015(2015-08-20) (85 տարեկան)
Մահվան վայր	Ստամբուլ
Քաղաքացիություն	Թուրքիա
Ազգություն	հայ
Մայրենի լեզու	թուրքերեն
Կրթություն	Կեդրոնական վարժարան և Վիեննայի երաժշտության և կատարողական արվեստի համալսարան
Մասնագիտություն	դաշնակահար և դրամատուրգ
Պարգևներ և մրցանակներ
Անդամություն	ՀԳՄ

Կենսագրություն

Արման Վարդանյանը ծնվել է 1930 թվականի օգոստոսի 3-ին Ստամբուլում, Հայկազ և Սրբուհի Վարդանյանների ընտանիքում։ 6 տարեկանում հաճախել է Հինդլյան նախակրթարան, հետո ուսումը շարունակել է Մխիթարյան վարժարանում։ 4 տարի սովորել է անգլիական վարժարանում, ուսման վերջին տարիներին ուսումը շարունակել է Ստամբուլի հայկական Կենտրոնական վարժարանում։ Դեռ նախակրթարանում ստացել է երաժշտական կրթություն, հաճախել է դաշնամուրի դասընթացների։ 1949 թվականին մեկնել է Լոնդոն, ընդունվել Լոնդոնի թագավորական քոլեջի դաշնամուրի բաժինը։ 1952 թվականին մեկնել է Ավստրիա և ընդունվել Վիեննայի երաժշտական կոնսերվատորիան։ 1955 թվականին վերադարձել է Ստամբուլ, զորակոչվել զինվորական ծառայության, իսկ մի քանի ամիս հետո թուրքական զինվորական ոստիկանության կողմից ձերբակալվել է՝ մեղադրվելով պետական հանցագործության մեջ (իբր Վիեննա սովորելու տարիներին զբաղվել է լրտեսությամբ հօգուտ Խորհրդային Հայաստանի)։ Առանց հստակ ապացույց ունենալու Վարդանյանին դատապարտել են սկզբում մահապատժի, հետո փաստաբանների համառ աշխատանքի շնորհիվ մահապատիժը փոխարինվել է տասը տարվա բանտարկության և բանտարկությունից հետո էլ 10 տարով արգելել են նրան դուրս գալ Թուրքիայի սահմաններից։ Իր գրական փորձերը Վարդանյանը սկսել է բանտում եղած տարիներին։ Այնտեղ գրել է մի շարք նորավեպեր, որոնց ընթերցողները Վարդանյանի խոսքերով «աւա՜ղ միայն ծնողներս էին»։

Ընտանիք

• Հայրը՝ Հայկազ Կոստանի Վարդանյանը ծնվել է 1890 թ. Ստամբուլում, Ակնա շրջանի Ապուչեխ գյուղից Պոլիս աշխատելու եկած Կոստան և Թենսուհի Վարդանյանների ընտանիքում։
• Մայրը՝ Սրբուհի Վարդանյանը (Պարսյան), ծնվել է Ստամբուլում 1900թ, քղեցի փաստաբան Սիրակ-Պայծառ Պարսյանների ընտանիքում
• Առաջին կինը՝ (1968-1969) Մարգրիտ Անդրեասյան (1927-1993)
• Երկրորդ կինը՝ (1974-1978) Անի-Թաիս Ջենազյան (1935)
• Տղան՝ Հայկ-Սևակ Վարդանյան (1974)
• Երրորդ կինը՝ (1999 թվականից) Զարինե Գրիգորյան-Վարդանյան (1964)

Ստեղծագործություններ

Գրել է 26 թատերախաղեր (արևմտահայերենով), որոնք զետեղված են հինգ հատորյակներում։

• «Ցավ մը»
• «Խաղ մը»
• «Լավ մը»
• «Շունչ մը»
• «Փունջ մը»

Արման Վարդանյանի թատերախաղերից «Թոխորը» (Weasel) բեմադրվել է Լոնդոնում (1979, The Thatre In The Square), Երևանում «Երնջակը»(1990, «Ագուլիս» թատրոն), «Կանկրուկը» (1998, Երևանի Երիտասարդական պալատ), «Սակուրը»,«Ախացելը»(2000, Սունդուկյանի անվան թատրոն)։

Արման Վրադանյանի պիեսները թարգմանվել են թուրքերեն, ռուսերեն, անգլերեն և ֆրանսերեն։

Պարգևներ

• 2011 թվականին Վարդանյանը պարգևատրվել է Հայաստանի սփյուռքի նախարարության «Վիլյամ Սարոյան» մեդալով
• 2011 թվականին Հայաստանի Նախագահի Մովսես Խորենացու մեդալով

Աղբյուրներ

• Կոստանդնուպոլսի հայ գաղութի պատմությունը Արխիվացված 2016-03-15 Wayback Machine

Գրականություն

• Մութաֆյան Լ., Խաղէըստ Արման Վարդանյանի, Երևան, 1999։
• Մութաֆյան Լ., Արման Վարդանյանի աշխարհը, Երևան, 2000։

Արտաքին հղումներ

• Պաշտոնական կայքը Արխիվացված 2016-01-09 Wayback Machine

Վիքիքաղվածքն ունի քաղվածքների հավաքածու, որոնք վերաբերում են

Արման Վարդանյան հոդվածին

Վիքիքաղվածքն ունի նյութեր, որոնք վերաբերում են «Արման Վարդանյան» հոդվածին։

Վիքիդարանն ունի նյութեր, որոնք վերաբերում են «Արման Վարդանյան» հոդվածին։