Վասիլ Վարդանյան
- Վիքիպեդիայում կան հոդվածներ Վարդանյան ազգանունով այլ մարդկանց մասին։
Վասիլ Ավետի Վարդանյան, (դեկտեմբերի 15 դեկտեմբերի 28, 1910, Կարս - 10 նոյեմբերի, 1993, Երևան), հայ խորհրդային բեմանկարիչ, գեղանկարիչ[1]։ ՀԽՍՀ արվեստի վաստակավոր գործիչ (1966)։
Վասիլ Վարդանյան | |
|---|---|
| Ծնվել է | դեկտեմբերի 15, 1910 |
| Ծննդավայր | Կարս, Կարսի մարզ, Կովկասյան երկրամաս, Ռուսական կայսրություն |
| Վախճանվել է | նոյեմբերի 10, 1993 (82 տարեկան) |
| Մահվան վայր | Երևան, Հայաստան |
| Մասնագիտություն | նկարիչ |
| Պարգևներ |  |
| Անդամակցություն | Հայաստանի նկարիչների միություն |
| Կուսակցություն | ԽՄԿԿ |
Կենսագրություն
խմբագրել.JPG)
Սովորել է ՎԽՈԻՏԵԻՆ-ում (1926-1930 թթ.)։ 1930 թվականից ապրել է Երևանում։ Որպես բեմանկարիչ աշխատել է հանրապետության թատրոններում։ 1953 թվականից՝ Համամիութենական գյուղատնտեսական ցուցահանդեսի (Մոսկվա) ՀԽՍՀ տաղավարի գլխավոր նկարիչ, միաժամանակ բեմադրություններ է ձևավորել երկրի թատրոններում։ 1969 թվականից եղել է Երևանի դրամատիկական թատրոնի գլխավոր նկարիչ։ Վարդանյանը շուրջ 250 բեմադրությունների գեղարվեստական ձևավորումների հեղինակ է։ 1932 թվականից մասնակցել է հանրապետական, միութենական և միջազգային (այդ թվում՝ Բրյուսելի 1958 թվականի համաշխարհային) ցուցահանդեսներին։ Անհատական ցուցահանդեսներ է ունեցել Երևանում (1942, 1948 թթ.), Մոսկվայում (1970 թ.)[2]։
Գեղարվեստական լավագույն ձևավորումներ
խմբագրել- Լերմոնտովի «Դիմակահանդես»
- Պոպովի «Ընտանիք»
- Վիրտայի «Դատապարտվածների դավադրությունը» (Գ․ Սունդուկյանի անվան թատրոնում),
- Շեքսպիրի «Անտոնիոս և Կլեոպատրա» (Երևանի ռուսական թատրոնում)
- Ա․ Տիգրանյանի «Դավիթ Բեկ»
- Չայկովսկու «Կարապի լիճը» (Սպենդիարյանի անվան պետական օպերայի և բալետի թատրոնում),
- Անույի «Սեդեա»
- Օտյանի «Սեր և ծիծաղ»
- Լասկինի «Սիրո ժամանակը» (Մոսկվայի Մայակովսկու անվան թատրոնում)
- Օնորե դը Բալզակի «Վոտրենի վրեժը» (Մոսկվայի Մալայա Բրոննայա թատրոնում)։
Գրականություն
խմբագրել- Риэаев С․, Василий Вартанян,Ереван, 1976
Ծանոթագրություններ
խմբագրել- ↑ «Հայ մարդ». Արխիվացված է օրիգինալից 2016 թ․ մարտի 4-ին. Վերցված է 2015 թ․ նոյեմբերի 8-ին.
- ↑ «Zarkfoundation - Վասիլ Վարդանյան». zarkfoundation.com.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 322)։ 
|