Վան Հունանյան
- Վիքիպեդիայում կան հոդվածներ Հունանյան ազգանունով այլ մարդկանց մասին։
Աղվան Վաղարշակի Հունանյան (ապրիլի 10, 1941[1], Լենինական, Հայկական ԽՍՀ, ԽՍՀՄ[1] - մարտի 22, 2021, Երևան, Հայաստան), հայ գեղանկարիչ, Հայաստանի նկարիչների միության անդամ։
Վան Հունանյան | |
|---|---|
| Ի ծնե | Աղվան Վաղարշակի Հունանյան |
| Ծնվել է | ապրիլի 10, 1941[1] |
| Ծննդավայր | Լենինական, Հայկական ԽՍՀ, ԽՍՀՄ[1] |
| Վախճանվել է | մարտի 22, 2021 (79 տարեկան) |
| Մահվան վայր | Երևան, Հայաստան |
| Քաղաքացիություն |  Հայաստան |
| Կրթություն | Երևանի պետական գեղարվեստա-թատերական ինստիտուտ (1971) և Փանոս Թերլեմեզյանի անվան գեղարվեստական ուսումնարան |
| Մասնագիտություն | նկարիչ |
Կենսագրություն խմբագրել
Աղվան Հունանյանը ծնվել է 1941 թվականին Լենինական քաղաքում, 1958 թվականին ավարտել է նույն քաղաքի Մերկուրովի անվան նկարչական դպրոցը և ընդունվել Երևանի Փանոս Թերլեմեզյանի անվան գեղարվեստի ուսումնարանի գունանկարի բաժին[2]։ 1966-1971 թվականներին սովորել է Երևանի գեղարվեստաթատերական ինստիտուտի գունանկարի բաժնում։ Հայաստանի նկարիչների միության անդամ է 1976 թվականից։ Մասնակցել է հանրապետական և միութենական ցուցահանդեսների։ Հեղինակ է բազմաթիվ գրաֆիկական աշխատանքների։
1987 թվականին Անգլիայի Ռոյ-Մելսի պատկերասրահը գնել է Վան Հունանյանի «Հիշողություններ» կտավը։ Նկարչի աշխատանքներից գտնվում են նաև Մոսկվա և Լոս Անջելես քաղաքներում։ 2001 թվականին Հունգարիայում ցուցադրվել է Վան Հունանյանի «Նարեկացի» գրաֆիկական աշխատանքը։
Որպես ձևավորող-նկարի աշխատել է «Հայ Գրքի» վարչությունում, իսկ շախմատի դպրոցում աշխատել է նկարիչ։
Նրա աշխատանքները գտնվում են Ֆրանսիայում, Իտալիայում, Հունգարիայում, Հայաստանի ազգային, Վանաձորի, Աբովյանի, Գյումրիի, Ջերմուկի և այլ քաղաքների պատկերասրահներում։
Ստեղծագործություններ խմբագրել
- «Անի»
- «Հիշողություններ»
- «Փախուստ»[3]
- «Մուսալեռ» (Մոսկվա)
- «Անիական» (Մոսկվա)
- «Ուխտավորներ»
- «Ընտանիք»
- «Պիկնիկ»
- «Արձագանք»
- «Կոմպոզիցիա»
Ծանոթագրություններ խմբագրել
- ↑ 1,0 1,1 1,2 1,3 1,4 «AV Production - Վան Հունանյան»
- ↑ «AV Production - Վան Հունանյան». avproduction.am. Արխիվացված է օրիգինալից 2022 թ․ փետրվարի 5-ին. Վերցված է 2019 թ․ հուլիսի 29-ին.
- ↑ «Հունանյան Վան (Աղվան) Վաղարշակի | Փախուստ - Շտեմարան - Հայաստանի ազգային պատկերասրահ». www.gallery.am. Վերցված է 2019 թ․ հուլիսի 29-ին.