Վաղարշակ Բելուբեկյան

Վաղարշակ Արշակի Բելուբեկյան (սեպտեմբերի 6, 1906(1906-09-06), Գետաշեն, Ելիզավետպոլի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն - դեկտեմբերի 8, 1965(1965-12-08), Երևան, Հայկական ԽՍՀ, Խորհրդային Սոցիալիստական Հանրապետությունների Միություն), ճարտարապետ, ՀԽՍՀ վաստակավոր շինարար (1960)։

Վաղարշակ Բելուբեկյան
Ծնվել է	սեպտեմբերի 6, 1906(1906-09-06)
Ծննդավայր	Գետաշեն, Ելիզավետպոլի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն
Մահացել է	դեկտեմբերի 8, 1965(1965-12-08) (59 տարեկան)
Վախճանի վայր	Երևան, Հայկական ԽՍՀ, Խորհրդային Սոցիալիստական Հանրապետությունների Միություն
Կրթություն	Հայաստանի ազգային պոլիտեխնիկական համալսարան
Աշխատավայր	Հայպետնախագիծ
Պարգևներ	ՀԽՍՀ վաստակավոր շինարար (1960)

Ճարտարագետ Էռնեստ Բելուբեկյանի հայրը։

Կենսագրություն

1937 թվականին ավարտել է Երևանի պոլիտեխնիկական ինստիտուտը։ 1955-1959 թվականներին եղել է ՀՃՄ պատասխանատու քարտուղար, 1955-1965 թվականներին՝ Հայպետնախագիծ ինստիտուտի ճարտարապետական արվեստանոցի ղեկավար։

1950-1960-ական թվականներին Վաղարշակ Բելուբեկյանի նախագծերով իրականացվել են

• Երևանում՝ Կրկեսի շենքի վերակառուցումը
• Տիգրան Մեծի պողոտայի և Խանջյան փողոցի, Իսահակյաև և Նալբանդյան փողոցների անկյունադիր, ԵՖԻ-ի շենքերը
• Վանաձորում՝ Շահումյանի անվան հրապարակի կառուցապատումը և 12-հարկանի շենքը

Մրցանակներ

Երիտասարդ ճարտարապետների ստեղծագործության համամիութենական ստուգատեսի դափնեկիր (1951 թվական)։

Արտաքին հղումներ

• Վաղարշակ Բելուբեկյան

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 378)։