Վահրամ Թաթիկյան
- Վիքիպեդիայում կան հոդվածներ Թաթիկյան ազգանունով այլ մարդկանց մասին։
Վահրամ Շահենի Թաթիկյան (նոյեմբերի 14, 1949, Երևան, Հայկական ԽՍՀ, ԽՍՀՄ - դեկտեմբերի 16, 2019, Ծաղկաձոր, Կոտայքի մարզ, Հայաստան)[1], բանաստեղծ, արձակագիր, գորգագետ, երգահան, Հայաստանի գրողների միության անդամ։
Վահրամ Թաթիկյան | |
---|---|
![]() | |
Ծնվել է | նոյեմբերի 14, 1949 |
Ծննդավայր | Երևան, Հայկական ԽՍՀ, ԽՍՀՄ |
Վախճանվել է | դեկտեմբերի 16, 2019 (70 տարեկան) |
Վախճանի վայր | Ծաղկաձոր, Կոտայքի մարզ, Հայաստան |
Մասնագիտություն | բանաստեղծ, արձակագիր |
Լեզու | հայերեն |
Ազգություն | հայ |
Քաղաքացիություն | ![]() |
Կրթություն | Երևանի պետական համալսարանի պատմության ֆակուլտետի հնագիտության բաժին |
Ժանրեր | արձակ |
Կենսագրություն
խմբագրելՎահրամ Թաթիկյանը ծնվել է 1949 թվականի նոյեմբերի 14-ին՝ Երևանում[2]։ Նա արձակագիրներ Շահեն Թաթիկյանի և Շաքե Վարսյանի որդին է[3]։ Ավարտել է Երևանի պետական համալսարանի պատմության ֆակուլտետի հնագիտության բաժինը` մասնագիտանալով հայ արվեստի պատմության մեջ։ 1974 թվականից աշխատել է Հայաստանի գիտությունների ազգային ակադեմիայի արվեստի ինստիտուտում։ Գորգագիտությանը նվիրված բազմաթիվ գիտական հոդվածների և հրապարակումների հեղինակ է, ինչպես նաև ավելի քան քսան գորգերի էսքիզների, որոնք գործվել ու պահվում են տարբեր հավաքածուներում։ Հեղինակել է նաև հարյուրավոր երգեր ու տարբեր լուսանկարներ։
1977 թվականին դարձել է Հայաստանի գրողների միության (ՀԳՄ) անդամ։
Վահրամ Թաթիկյանը 1988 թվականին մասնակցել է Արցախյան շարժմանը։ 1981 թվականին հրատարակվել են նրա «Հայկական գորգարվեստ» և «Քառասուն երգ կամ երկու համերգ ձեզ համար» գրքերը։
Ծանոթագրություններ
խմբագրել- ↑ «Մահացել է Վահրամ Թաթիկյանը». arevelk.am. Վերցված է 2019 թ․ դեկտեմբերի 16-ին.
- ↑ «Zarkfoundation - Վահրամ Թաթիկյան». zarkfoundation.com.
- ↑ Արձակագիր Վահրամ Թաթիկյանն այսօր դարձավ 68 տարեկան