Վալերի Չկալովի հուշարձան
Վալերի Չկալովի հուշարձան (ռուս.՝ Памятник Валерию Чкалову), Նիժնի Նովգորոդի տեսարժան վայրերից մեկը։ Գտնվում է Նիժնի Նովգորոդի Կրեմլի Սուրբ Գեորգիի աշտարակի մոտ, կառուցվել է խորհրդային օդաչու Վալերի Չկալովի պատվին, որը Հյուսիսային բևեռով անվայրէջք թռիչք է կատարել ԽՍՀՄ-ից ԱՄՆ (Մոսկվա-Հյուսիսային բևեռ-Վանկուվեր)։ Հուշարձանից դեպի Վոլգա գետ սանդուղք է իջնում, որը հայտնի է որպես «Չկալովի աստիճաններ»։
Վալերի Չկալովի հուշարձան | |
---|---|
Վալերի Չկալովի հուշարձանը | |
Տեսակ | հուշարձան |
Ճարտարապետ | Ivan Taranov? և Viktor Andreyev? |
Ստեղծում | 1940 |
Երկիր | Ռուսաստան |
Բնակավայր | Նիժնի Նովգորոդ |
Շինության ձև | Լաբրադորիտե հուշարձան |
Նյութ | Լաբրադորիտ |
Ներկա վիճակ | կանգուն |
Monument to Valery Chkalov Վիքիպահեստում |
Պատմություն խմբագրել
Վալերի Չկալովի ժամանակակից հուշարձանի տեղում 17-րդ դարի սկզբին հիմնադրվել է Պրոիսխոժդենսկի կանանց վանական համալիրը, որն այժմ կոչվում է Կրիստովոզդվիժենսկի և ներկայիս վայր է տեղափոխվել 1815 թվականին՝ Լյադովի հրապարակի մոտ։ Վանքի ավերված կառույցները պահպանվել են մինչև 1840 թվականը, երբ Կրեմլի հարակից տարածքներում բոլոր շենքերը քանդվում էին և պատերի շրջակայքում ստեղծվում հանգստի գոտիներ, զբոսայգիներ։
Լեգենդար օդաչուի հուշարձանը բացվել է 1940 թվականի դեկտեմբերի 15-ին, նրա մահվան երկրորդ տարելիցի օրը[1]։ Հուշարձանի հեղինակն է Չկալովի ընկերը՝ Իսահակ Մենդելևիչը, որոնց հետ միասին նրանք այս տեղն ընտրել էին Մաքսիմ Գորկու հուշարձանի համար։ Այս աշխատանքի համար Մենդելևիչը պարգևատրվել է Ստալինյան մրցանակով։ Հուշարձանի ճարտարապետներն են Իվան Տարանովը և Վիկտոր Անդրեևը։
Հուշարձանի պատվանդանի մակերեսին ուրվագծված է Հյուսիսային կիսագնդի քարտեզը հերոսական անձնակազմի չվերթով՝ Չկալով-Բայդուկով-Բելյակով՝ դեպի Հեռավոր Արևելք և Հյուսիսային բևեռից դեպի Ամերիկա։ Պատվանդանը երեսապատված է լաբրադորիտով[2]։
Պատվանդանին գրված են օդաչուի ծննդյան և մահվան ամսաթվերը՝ «Վալերի Չկալովին, մեր ժամանակի մեծ օդաչուին» մակագրությամբ։
Ծանոթագրություններ խմբագրել
- ↑ «Памятник Валерию Чкалову». progulyaemsya.ru. Վերցված է 2018 թ․ մարտի 26-ին.
- ↑ loginov_lip (2015 թ․ դեկտեմբերի 14). «Памятник Валерию Чкалову в Нижнем Новгороде на Волжской набережной». Логинов Алексей. Վերցված է 2018 թ․ մարտի 26-ին.