Վալերի Բադամյանց

	Վալերի Բադամյանց
Մասնագիտություն՝	ռազմական գործիչ
Ծննդյան օր	հոկտեմբերի 9, 1940
Ծննդավայր	Մոսկվա, ԽՍՀՄ
Վախճանի օր	մայիսի 7, 2023 (82 տարեկան)

Վալերի Գեորգիի Բադամյանց (հոկտեմբերի 9, 1940(1940-10-09), Մոսկվա, ԽՍՀՄ - մայիսի 7, 2023(2023-05-07)), ԽՍՀՄ պետական անվտանգության մարմինների աշխատակից, գեներալ-մայոր, ԽՍՀՄ ժողովրդական պատգամավոր։ Գեներալ-մայոր (1988)։

Կենսագրություն

Վալերի Բադամյանցը ծնվել է 1940 թվականի հոկտեմբերի 9-ին, Մոսկվայում, պետական անվտանգության աշխատակից, գեներալ-մայոր Գեորգի Արտաշեսի Բադամյանցի ընտանիքում^[1]։ 1958 թվականին ծառայության է անցել ԽՍՀՄ Մինիստրների խորհրդին կից Պետական անվտանգության կոմիտեի մարմիններում։ 1962 թվականին ավարտել է ԽՍՀՄ ՊԱԿ-ի բարձրագույն դպրոցը, որից հետո ծառայել է ՀԽՍՀ սահմանապահ զորքերի համակարգում։ 1965 թվականին տեղափոխվել է Մոսկվայի և Մոսկվայի մարզի ՊԱԿ-ի վարչություն, իսկ 1972 թվականից՝ ԽՍՀՄ ՊԱԿ-ի առաջին գլխավոր վարչություն^[1]։

1981-1988 թվականներին ծառայել է ԽՍՀՄ ՊԱԿ-ի 7-րդ վարչությունում, որը կազմակերպել է դիվանագիտական կորպուսի հսկողությունն ու անվտանգությունը՝ հասնելով մինչև տնօրինության պետի տեղակալ։ 1988 թվականի հուլիսին գործուղվել է Երևան՝ ՀԽՍՀ ՊԱԿ նախագահի տեղակալի պաշտոնում, իսկ նույն թվականի հոկտեմբերին ղեկավարել Հանրապետական կոմիտեն։ Ընտրվել է ԽՍՀՄ ժողովրդական պատգամավոր, անդամագրվել իրավակարգի և հանցավորության դեմ պայքարի հանձնաժողովին^[1]։

ԽՍՀՄ փլուզումից հետո թողել է ծառայությունը, Մոսկվայում զբաղվել է ձեռնարկատիրական գործունեությամբ։ 1993 թվականի մարտից եղել է «Կերիբան» ՓԲԸ գլխավոր տնօրեն, այնուհետև ղեկավարել է Մոսկվայի մի շարք այլ առևտրային ձեռնարկություններ։ Զբաղվում է հասարակական գործունեությամբ, 2004 թվականից հանդիսանում է Վետերանների և հատուկ նշանակության ստորաբաժանումների և պետական անվտանգության մարմինների հատուկ ծառայությունների աշխատակիցների Համառուսաստանյան հասարակական հիմնադրամի հոգաբարձուների խորհրդի և Միջազգային մարդասիրական չափման հիմնադրամի անդամ^[1]։

Գրականություն

Տիգրան Հայազն, Գարեգին Ղազարյան։ 1000 հայազգի գեներալներ, ծովակալներ.-Ե., Հեղինակային հրատարակություն, 2009 թ., էջ 435։ ISBN 978-9939-53-105-2.
Саркисян А. Е. Разведка и контрразведка: армянский след (Биографические очерки о разведчиках и контрразведчиках). — Е., «Амарас», 2005, с. 193.

Ծանոթագրություններ

↑ ^1,0 ^1,1 ^1,2 ^1,3 Мзареулов В. К. Бадамянц Валерий Георгиевич. // Портал «История отечественных спецслужб и правоохранительных органов»

[։personnel-1] 1,0 ^1,1 ^1,2 ^1,3 Мзареулов В. К. Бадамянц Валерий Георгиевич. // Портал «История отечественных спецслужб и правоохранительных органов»

[1]