Վազրիկ Բազիլ

հայազգի գերմանաբնակ գրող, ճառագիր, հրապարակախոս, հաղորդակցության և հանրային կապերի մասնագետ, դասախոս

Վազրիկ Բազիլ (փետրվարի 4, 1966(1966-02-04), Մյունխեն, Գերմանիայի Ֆեդերատիվ Հանրապետություն, Մյունխեն), հայազգի գերմանաբնակ գրող, ճառագիր, հրապարակախոս, հաղորդակցության և հանրային կապերի մասնագետ, քաղաքական տեխնոլոգ, դասախոս, գերմանախոս երկրների ճառագիրների ասոցացիայի նախկին նախագահ, փիլիսոփայության դոկտոր, սփյուռքահայ կոմպոզիտոր և ջութակահար Լյուդվիգ Բազիլի որդին[1]։

Վազրիկ Բազիլ
Vazrik Bazil.jpg
Ծնվել էփետրվարի 4, 1966(1966-02-04) (54 տարեկան)
ԾննդավայրՄյունխեն, Գերմանիայի Ֆեդերատիվ Հանրապետություն
Մասնագիտությունհեղինակ և գրող
Լեզուգերմաներեն
ՔաղաքացիությունFlag of Germany.svg Գերմանիա

ԿենսագրությունԽմբագրել

Վազրիկ Բազիլը ծնվել է 1966 թվականին Մյունխենում։ Ծնողները եղել են պարսկահայեր[2]։ Մինչև Վազրիկ Բազիլի ծնվելը նրանք տեղափոխվել են Գերմանիա։ Մայրը` տիկին Ցողիկը, որդուն ուսման է տալիս Վենետիկի Մխիթարյան միաբանությունում։ Այնուհետև Վազրիկ Բազիլը ուսումը շարունակում է Հռոմի Գրիգորյան պապական համալսարանում։ Այստեղ նա ուսումնասիրում է փիլիսոփայություն, աստվածաբանություն, հոգեբանություն, և վերադառնալով Մյունխեն սովորում է գերմանական գրականություն և հանրային կապեր։ Գիտությունների թեկնածուի կոչումը Վազրիկ Բազիլը ստացել է Մյունխենի Լյուդվիգ—Մաքսիմիլիանի անվան համալսարանի փիլիսոփայության ամբիոնում։ Ուսանելու տարիներին զուգահեռ պատգամավորների համար ճառեր է գրել և դարձել հայտնի։ Երկար տարիներ Վազրիկ Բազիլն աշխատել է Գերմանիայի Բունդեսթագում, «Լոյկորեա» հիմնադրամում, Սաքսոնիա երկրամասի սպորտի և մշակույթի նախարարությունում: 2010—2016 թվականներին նա եղել է գերմանախոս ճառագիրների ընկերակցության նախագահը և մոտ քսանհինգ տարի անդամակցել է «Գերմանական հանրային կապերի ընկերակցությանը»։ 2010—2014 թվականներին Վազրիկ Բազիլը «Գերմանական հանրային կապերի մրցանակի հանձնաժողովի անդամ» է եղել և նաև մի քանի կազմակերպությունների հանրային կապերի խորհրդատուն։ 2016 թվականից նա հաղորդակցության և հանրային կապերի անկախ փորձագետ–խորհրդատու է։ Բազիլը ճառեր է գրել Գերմանիայի կանցլեր Անգելա Մերկելի[3] և մի շարք պաշտոնատար մարդկանց համար։ Նա մի շարք գրքերի հեղինակ է։ Նրա հայաստանյան առաջին այցը 2007 թվականին էր։ 2016 թվականի այցի ժամանակ նա դասախոսություններով ելույթ է ունեցել Գևորգյան Հոգևոր Ճեմարանում և «Հայկական Փի Ար ասոցիացիայի» հանրային կապեր դպրոցում։ Հանրային կապերի հայկական դպրոցի հետ համագործակցելու համար, Վազրիկ Բազիլին շնորհվեց «Պատվավոր անդամ» կոչումը։

ԾանոթագրություններԽմբագրել

ԱղբյուրներԽմբագրել

Տես նաևԽմբագրել