Սև չորահաց
«Սև չորահաց» (գերմ.՝ Schwarzer Zwieback), 1971 թվականի կինոֆիլմ, որը նկարահանել է ռեժիսոր Հերբերտ Ռապպապորտը Ելիզավետա Դրաբկինայի համանուն վիպակի հիման վրա։ «Լենֆիլմ» (ԽՍՀՄ) և «DEFA» (ԳԴՀ) կինոստուդիաների համատեղ արտադրություն։ Խորհրդային քննադատությունը ֆիլմն անվանել է «հերթական նշանակալի ներդրումը Կինոլենինիանայում[2]։ «Էկրան» ամսագիրը կինոֆիլմը դասել է քաղաքական կինոյի շարքին՝ որպես ֆիլմ քաղաքականության և հասարակական կյանքի արդի խնդիրների մասին»[3]։
 գերմ.՝ Schwarzer Zwieback | |
|---|---|
| Երկիր |  Արևելյան Գերմանիա ԽՍՀՄ |
| Ժանր | դրամա |
| Թվական | 1972 |
| Լեզու | գերմաներեն |
| Ռեժիսոր | Հերբերտ Ռապապորտ[1] |
| Սցենարի հեղինակ | Միխայել Բրեյման |
| Դերակատարներ | Յուրի Կայուրով |
| Օպերատոր | Էդուարդ Ռոզովսկի |
| Երաժշտություն | Ալեքսանդր Մնացականյան |
| Կինոընկերություն | Լենֆիլմ և DEFA գեղարվեստական ֆիլմերի ստուդիա |
| Տևողություն | 84 րոպե |
Ֆիլմը բավականին լայն միջազգային վարձույթ է ունեցել և ներառվել է ավստրիական կինոյի թանգարանի ցուցադրությունումջ[4] (ռեժիսոր Հերբերտ Ռապպապորտը ծնվել է Ավստրո-Հունգարիայում և պատանեկության տարիներին եղել է այդ պետության քաղաքացի)։
Սյուժե խմբագրել
1918 թվականի նոյեմբերին Գերմանիայում տեղի ունեցած հեղափոխությունը, սովն ու սոցիալական ցնցումները արձագանք են գտնում Ռուսաստանում երիտասարդ խորհրդային իշխանությունների մոտ։ Պարենային օգնություն ցուցաբերելու համար կազմավորվում են հաց տեղափոխող գնացքակազմեր։ Նրանցից մեկը, Վ. Ի. Լենինի անձնական հանձնարարությամբ, ուղեկցում է երիտասարդ հեղափոխական Տատյանան։ Ճանապարհին նա հանդիպում է նախկին գերմանացի ռազմագերի Կուրտին։ Նրանց միջև ծագում են ռոմանտիկ հարաբերություններ։ Հացով էշելոնը, չնայած բոլոր դժվարություններին, տեղ է հանում։ Գերմանական հակահեղափոխական զորքերի ջոկատի հետ բախման ժամանակ Տատյանա վիրավորվում է։ Նա վերադառնում է Մոսկվա, իսկ Կուրտը մեկնում է Բեռլին՝ հեղափոխական պայքարը շարունակելու համար։
Դերերում խմբագրել
- Նատալյա Վառլեյ – Տատյանա
- Ռյուդիգեր Յոզվիգ – Կուրտ
- Արտյոմ Կարապետյան – Օլիվետի
- Յուրի Կայուրով – Լենին
- Յուրի Մեդվեդև – Միրոնով
- Վլադիմիր Անտոնիկ
- Նիկոլայ Մերզլիկին – Վորոնին
- Բրունո Օյա – Ֆրեդ Սթոուն
- Ալեքսանդր Լազարև
- Սվետլանա Սուխովեյ – Վալյա
- Վալենտինա Տալիզինա – Զվորիկինա
- Վլադիմիր Տատոսով – Սվերդլով
- Վիկտոր Ուրալսկի – Կայումով
- Ռոման Մայդանյուկ – մեքենավար
- Նատալյա Չետվերիկովա
Ծանոթագրություններ խմբագրել
- ↑ filmportal.de — 2005.
- ↑ Юткевич С., Афанасьев Ю. Кино: энциклопедический словарь. — М., 1986. — С. 344. — 637 с.
- ↑ «Экран», 1971 г.
- ↑ Wiesmann, U. N.; DiDonato, S.; Herschkowitz, N. N. (1975 թ․ հոկտեմբերի 27). «Effect of chloroquine on cultured fibroblasts: release of lysosomal hydrolases and inhibition of their uptake». Biochemical and Biophysical Research Communications. 66 (4): 1338–1343. doi:10.1016/0006-291x(75)90506-9. ISSN 1090-2104. PMID 4.
Գրականություն խմբագրել
- Милюков С. «Черные сухари»: снимают «Ленфильм» и «Дефа» // Советская Кубань. – 1971. – 24 марта.
Արտաքին հղումներ խմբագրել
- «Սև չորահաց» ֆիլմը Լենֆիլմի կայքում
- «Սև չորահաց» DEFA կայքում (գերմ.)
- «Սև չորահաց» ֆիլմը «Энциклопедии отечественного кино» կայքում