Ստրեպտոկոկներ

Ստրեպտոկոկներ
Դասակարգում
Վերնաթագավորություն	Պրոկարիոտներ (Prokaryota)
Թագավորություն	Բակտերիաներ (Bacteria)
Ենթաթագավորություն	Posibacteria
Տիպ/Բաժին	Firmicutes
Դաս	Bacilli
Կարգ	Lactobacillales
Ընտանիք	Streptococcaceae
Ցեղ	Ստրեպտոկոկներ (Streptococcus) Rosenbach, 1884

Ստրեպտոկոկեր (streptococcus, հունարեն՝ στρεπτός — շղթայված, հյուսված, ցանցավոր և հունարեն՝ κόκκος — սերմեր), գնդաձև, անշարժ բակտերիաների ցեղ։

Սպորներ չեն առաջացնում, տրամագիծը 0,6-1 մկմ է։ Բազմանում են բջիջը մեկ հարթությամբ կիսվելով և տարբեր երկարության շղթաներ են առաջացնում։ Լավ զարգանում են մսապեպտոնային սննդամիջավայրում, խմորում են շաքարներն ու սպիրտը։ Հանդիպում են հողում, բույսերի, մարդու և կենդանիների մաշկի վրա։ Որոշ տեսակներ ունեն գործնական նշանակություն․ օրինակ՝ streptococcus lactis-ը խմորում է կաթնաշաքարը և օգտագործվում է կաթնաթթվային սննդամթերքներ (մածուն, կեֆիր ևն) պատրաստելու համար։ Առանձին ախտածին ստրեպտոկոկեր անգինա, կարմիր քամի և այլ հիվանդությունների հարուցիչներ են։ Կարող են առաջացնել նաև արյան հեմոլիզ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 155)։