Իգոր Ստախով
Իգոր Իվանովիչ Ստախով (ուկրաիներեն՝ Ігор Іванович Стахів, սեպտեմբերի 1, 1968, Կոլոմիա, Իվանո-Ֆրանկովսկի մարզ, Ուկրաինական ԽՍՀ, ԽՍՀՄ[1] - մայիսի 26, 2024[2], Սումիի մարզ, Ուկրաինա[2]) խորհրդային և ուկրաինացի ֆուտբոլիստ, խաղացել է պաշտպանի դիրքում։
 | |||
|---|---|---|---|
| Քաղաքացիությունը |
 Ուկրաինա | ||
| Ծննդյան ամսաթիվ | սեպտեմբերի 1, 1968 | ||
| Ծննդավայր | Կոլոմիա, Իվանո-Ֆրանկովսկի մարզ, Ուկրաինական ԽՍՀ, ԽՍՀՄ[1] | ||
| Մահվան ամսաթիվ | մայիսի 26, 2024[2] (55 տարեկան) | ||
| Մահվան վայր | Սումիի մարզ, Ուկրաինա[2] | ||
|
| |||
|
| |||
|
| |||
|
| |||
|
| |||
Կարիերա
Իգոր Ստախովն իր նորամուտը մեծահասակների ֆուտբոլում նշել է 1986 թվականին, «Կոլոմիա» ակումբում։ Հաջորդ տարի նա զորակոչվել է բանակ, իսկ ծառայության ընթացքում հանդես է եկել Բերդիչևի «Զվեզդա» ակումբում։ Զորացրվելուց հետո նա վերադարձել է հայրենի Կոլոմիա, որտեղ շարունակել է խաղալ սիրողական մակարդակով։ 1991 թվականին նա հրավիրվել է Իվանո-Ֆրանկիվսկի «Պրիկարպատյա», որում իր նորամուտը նշել է նույն թվականին ԽՍՀՄ առաջնության երկրորդ ցածր լիգայում։ Խորհրդային Միության փլուզումից հետո Ստախովը շարունակել է հանդես գալ Իվանո-Ֆրանկիվսկում։ 1993/94 մրցաշրջանում «Պրիկարպատյայի» կազմում դարձել է Ուկրաինայի առաջին լիգայի հաղթող։ Նա իր նորամուտը բարձրագույն խմբում նշել է Իվանո-Ֆրանկիվսկ ակումբի կազմում 1995 թվականի նոյեմբերի 24-ին՝ Օդեսայի «Չեռնոմորեցի» դեմ տնային խաղում, հայտնվելով մեկնարկային կազմում[3]։ Ֆուտբոլիստը հետագայում մինչև 1997 թվականը հանդես է եկել Տիսմենիցիայի «Մեխովիկում»։
1997 թվականի երկրորդ կեսը նա անցկացրել է Վոլժսկու «Տորպեդոյի» կազմում։ Հաջորդ տարի ֆուտբոլիստը վերադարձել է Ուկրաինա և դարձել Զապորոժիե «Տորպեդոյի» խաղացող, բայց թիմի կազմում անցկացրել է ընդամենը 1 հանդիպում։ 1999 թվականին հանդես է եկել Կրեմենչուգի «Կրեմին» առաջին լիգայում։ 2000 թվականի սկզբին նա խաղացել է Ռոհատինի «Տեխնոկենտրոն» սիրողական թիմի կազմում, իսկ տարվա երկրորդ կեսին դարձել է Կիրովոգրադի «Զվեզդայի» ֆուտբոլիստ; 2001 թվականին ֆուտբոլիստը տեղափոխվել է Կալուշ քաղաքի «Լուկոր», ակումբ, որը դարձել է նրա վերջին պրոֆեսիոնալ ակումբը;
Պրոֆեսիոնալ կարիերայի ավարտից հետո Իգոր Ստախովը խաղացել է Իվանո-Ֆրանկիվսկի և տարածաշրջանի սիրողական թիմերում։
Մահ
Ուկրաինա ռուսական ներխուժման սկզբում նա ինքնակամ համալրել է Ուկրաինայի պաշտպանության ուժերի շարքերը։ Ծառայել է Ուկրաինայի պետական սահմանային ծառայությունում։
Իգոր Ստախովը մահացել է դիպուկահարի գնդակից Սումիի շրջանում 2024 թվականի մայիսի 26-ին[4][5]։ Թաղվել է Կոլոմիայում[6]։
Ծանոթագրություններ
- ↑ 1,0 1,1 1,2 FootballFacts.ru (ռուս.)
- ↑ 2,0 2,1 2,2 2,3 2,4 2,5 https://suspilne.media/ivano-frankivsk/755817-na-vijni-zaginuv-futbolist-z-ivano-frankivsini-igor-stahiv/
- ↑ «Отчёт о матче «Прикарпатье» — «Черноморец»». footballfacts.ru.
- ↑ «На війні загинув футболіст з Івано-Франківщини Ігор Стахів». suspilne.media (ուկրաիներեն). Վերցված է 2024-05-31-ին.
- ↑ «На фронті загинув колишній футболіст Прикарпаття Ігор Стахів». Champion.com.ua (ուկրաիներեն). Վերցված է 2024-05-31-ին.
- ↑ «У Коломиї назавжди попрощалися з захисником Ігорем Стахівим». informator.ua (ուկրաիներեն).
Արտաքին հղումներ
- «Профиль игрока» (ուկրաիներեն). «Украинский футбол в цифрах».
{{cite web}}: External link in|publisher= - Профіль футболіста на сайті ukr-football.org.ua