Էլիզաբեթ Սվանտեսսոն
Կարին Էլիզաբեթ Սվանտեսսոն (ծնվ. 1967 թ. հոկտեմբերի 26) շվեդ քաղաքական գործիչ է՝ չափավոր կոալիցիոն կուսակցության անդամ։ 2022 թվականի հոկտեմբերից զբաղեցնում է Քրիստերսոնի կառավարության ֆինանսների նախարարի պաշտոնը , իսկ 2019 թվականից՝ կուսակցության ղեկավարի առաջին տեղակալն է[1]։
Սվանտեսսոնը 2013-ից 2014 թվականներին զբաղեցրել է զբաղվածության նախարարի պաշտոնը[2]: 2006 թվականից Շվեդիայի խորհրդարանի անդամ է՝ ներկայացնելով Էրեբրո շրջանը:
Կարիերա
1987-1991 թվականներին Սվանտեսսոնը տնտեսագիտություն է սովորել Էրեբրոյի համալսարանում: Մինչև Շվեդիայի Խորհրդարանում ընտրվելը եղել է համալսարանի դասախոս և դոկտորանտ[3]։ 2006թ-ից սկսած ունի տնտեսագիտության արտոնագիր:
2006 թվականի ընտրություններում Սվանտեսսոնն ընտրվել է Շվեդիայի խորհրդարանի անդամ։ Խորհրդարանում նա դարձել է աշխատանքի շուկայի կոմիտեի սովորական անդամ և ձեռնարկատիրության կոմիտեի անդամի տեղակալ։ 2009 թվականի հոկտեմբերին դարձել է նաև ֆինանսական կոմիտեի անդամի տեղակալ, իսկ 2009 թվականի նոյեմբերին դարձել է Շվեդիայի ազգային աուդիտի բյուրոյի խորհրդի սովորական անդամ։ Նա պահպանել է իր տեղը 2010 թվականի համընդհանուր ընտրություններում և 2010 թվականից եղել է ֆինանսական կոմիտեի սովորական անդամ մինչև 2012 թվականը, երբ դարձել է աշխատանքի շուկայի հանձնաժողովի նախագահ:
2013 թվականի սեպտեմբերի 17-ին վարչապետ Ֆրեդրիկ Ռայնֆելդտի կողմից նշանակվել է զբաղվածության նախարար։
2014 թվականին պարտությունից հետո նա վերադարձել է խորհրդարան, որտեղ դարձավ սոցիալական ապահովագրության կոմիտեի նախագահի տեղակալ: 2014 թվականի դեկտեմբերի 11-ին Սվանտեսսոնը նշանակվել է չափավոր կոալիցիոն կուսակցության զբաղվածության քաղաքականության գծով խոսնակ և զբաղվածության կոմիտեի նախագահի տեղակալ[4]։ 2014 թվականի դեկտեմբերի 17-ին նա առաջադրվել է որպես չափավոր կոալիցիոն կուսակցության ղեկավարի երկրորդ տեղակալ և այդ պաշտոնում ընտրվել է 2015 թվականի հունվարի 10-ին։
2019 թվականի հոկտեմբերին Սվանտեսսոնն ընտրվել է չափավոր կոալիցիոն կուսակցության նախագահի առաջին տեղակալ։
Ֆինանսների նախարար (2022-ից մինչ օրս)
2022 թվականի հոկտեմբերի 18-ից նա Ուլֆ Քրիստերսոնի կառավարության ֆինանսների նախարարն է[5]։
Այլ գործունեություն
- Ասիական ենթակառուցվածքային ներդրումների բանկ (AIIB)՝ կառավարիչների խորհրդի անդամ (2022 թվականից)[6]
- Վերակառուցման և զարգացման եվրոպական բանկ (ՎԶԵԲ)՝ կառավարիչների խորհրդի անդամ (2022 թվականից)[7]
- Եվրոպական ներդրումային բանկ (EIB)՝ կառավարիչների խորհրդի անդամ (2022 թվականից)[8]
- Բազմակողմ ներդրումների երաշխավորման գործակալություն (MIGA)՝ համաշխարհային բանկի խումբ, կառավարիչների խորհրդի անդամ (2022 թվականից)[9]
- Հյուսիսային ներդրումային բանկ (NIB), կառավարիչների խորհրդի անդամ (2022 թվականից)[10]
- Համաշխարհային բանկ, կառավարիչների խորհրդի անդամ (2022 թվականից)[11]
Անձնական կյանք
Սվանտեսսոնն ամուսնացած է, ունի երեք որդի և ապրում է Էռեբրու քաղաքում[12]։
Իր կյանքի սկզբում նա եղել է կյանքի խոսքի անդամ: Նա նաև եղել է նաև աբորտների դեմ պայքարի «Այո կյանքին» շարժման անդամ։ Երբ նա դարձավ զբաղվածության նախարար, վարչապետ Ֆրեդրիկ Ռայնֆելդը շեշտեց, որ իր նախկին կրոնական նախընտրությունները ոչ մի կապ չունեն իր նոր աշխատանքի հետ[13]:
Ծանոթագրություններ
- ↑ «Sweden's new Government». Government of Sweden. 18 October 2022. Արխիվացված օրիգինալից 18 October 2022-ին. Վերցված է 1 November 2022-ին.
- ↑ «Svantesson becomes new Minister for Employment». Dagens Nyheter. 17 September 2013. Վերցված է 17 September 2013-ին.
- ↑ «Toppolitiker en av årets alumner vid Örebro universitet - Nyhetsarkiv - Örebro universitet». www.oru.se (շվեդերեն). 2016-02-10. Վերցված է 2024-01-19-ին.
- ↑ Svantesson become new employment policy spokesperson
- ↑ Sweden, Radio (18 October 2022). «Ulf Kristersson names ministers in his three-party government». Sveriges Radio. Վերցված է 21 October 2022-ին.
- ↑ Board of Governors Asian Infrastructure Investment Bank (AIIB).
- ↑ Board of Governors European Bank for Reconstruction and Development (EBRD).
- ↑ Board of Governors: Mikael Damberg European Investment Bank (EIB).
- ↑ Board of Governors, as of 5 January 2022 Multilateral Investment Guarantee Agency (MIGA) World Bank Group 1 November 2021
- ↑ Board of Governors Nordic Investment Bank (NIB).
- ↑ Board of Governors World Bank.
- ↑ «Elisabeth Svantesson on VALPEJL.se». SVT. 2010. Արխիվացված է օրիգինալից 21 March 2013-ին. Վերցված է 17 September 2013-ին.
- ↑ «Elisabeth Svantesson is Sweden's new Minister for Employment». Nordic Labour Journal. 0810. Վերցված է 18 November 2013-ին.
Արտաքին հղումներ
- Elisabeth Svantesson at the Riksdag website
Կուսակցությունից զբաղեցրած քաղաքական պաշտոններ | ||
---|---|---|
Նախորդող: Beatrice Ask |
Second Deputy Leader of the Moderate Party 2015–2019 |
Հաջորդող: Anna Tenje |
Նախորդող: Ulf Kristersson |
Spokesperson for the Moderate Party's economical policy 2017–present |
Գործող պաշտոնակատար |
Նախորդող: Peter Danielsson |
First Deputy Leader of the Moderate Party 2019–present | |
Քաղաքական պաշտոններ | ||
Նախորդող: Hillevi Engström |
Minister for Employment 2013–2014 |
Հաջորդող: Ylva Johansson |
Նախորդող: Mikael Damberg |
Minister for Finance 2022–present |
Գործող պաշտոնակատար |